3ايام ستكون قصيرة الكويت تحتاج من 5 ايام الي اسبوع ويمكن ضغط البرنامج الي الحد الأدنى

فعلا اخوي مثل ما تفضل العضو الخبير Kuwaity2 ثلاثة ايام لاتكفي وانما خمس اراها مناسبة جدا والله يوفقك وان شالله سفرة موفقه

والله روح انا أقولك ومن رأي الكويت يكفيها ثلاث ليال واربع ايام بس
( أربعه لانه اليوم الأول يروح عليك بسرعه نظرا لأنك توك واصل من برة ومرهق)
لانه فيها مجمعين فخمين على البحر وجم مجمع بنص المدينه الي
أهم مجمع الراية والفنار(1 كم عن البحر) و مجمع المهلب
وبالنسبة للمجمعات الي على البحر :
1- مجمع سوق شرق ( يطل على البحر مباشرة ) يفضل تروحله نهارا أو عصرا
2-فندق ومجمع المرينا مول (يطل على البحر مباشرة ) هم نفس الشي يفضل تروحله نهارا أو عصرا
وفي عندك مركز جابر الأحمد العلمي ( المركز العلمي ) يطل على البحر مباشرة
فيه ثلاث أقسام
الأول سينما تبث أفلام علمية
والثاني أكواريوم مدينه الأسماك وحيوانات وحشرات روعة
والقسم الثالث : قريه ألعاب وأختراعات علمية ( تناسب الأطفال )
وفيه عندك المدينه الترفيهية بالدوحة وحديقة الشعب بالشعب جوار السالمية للأطفال وهم الكبار
وبالنسبه للمطاعم في مطاعم كثيرة يبيلها صفحه كامله مع شرحهم بس مادري شنو انته تفضل ؟؟؟

وفي منتزة الخيران (عبارة عن شاليهات على البحر) بس دائما فل فل فل ماكو حجز ألا بعد شهرين أو اكثر

هذا برنامج مني لك:
اليوم الأول
روح شوف الابراج ..في مطعم فيه:أفطر فيه أو بمطعم:شيليز..جنب الابراج(مشي)
تغدى في:
برج الحمام (لبناني)
أكوابارك(حديقة العاب مائية)
ثم سوق شرق
فيه مطاعم كثيره في سوق شرق..تعشى فيها
بعدين:اسواق المباركية التراثية
==============
اليوم الثاني
الافطار في مطعم زعتر وزيت اللي على البحر في المارينا مول
وبعدين اتمشى واتسوق.. فيها مطاعم واجد..أختار لك واحد وتغدى فيه
في يخوت ومراكب على البحر..تقدر تركبهم
زيارة المركز العلمي
و تعشى فيه
===============
اليوم الثالث
افطر في المهلب( بحولي) وفيه سينما ادخلها بعد الفطور
بعدين اتمشى واتسوق
اتغدى في قيصر(بمنطقة حولي داخل:حولي بارك)
حولي بارك:فيها مطعم قيصر والعاب ترفيهية للاطفال..و قريبه من المهلب
عالمغرب روح ل: منتزه الشعب الترفيهي
في عبارة توديك لجزيرة فيلكا..أحجز لكم تذاكر وروحوا تونسو وتعالوا بنفس اليوم(ما ادري بكم تذاكرها)

أي عدل كلام أخت مرام أضيف على كلامي
مطعم برج الحمام ومطعم أبراج الكويت
والمدينه المائية أكوابارك المائية هم راح تعجبك

الله يعطيكم العافية أخواني Kuwaity2 و deplomasy
وياليتني كنت أقدر أطول في الكويت أكثر بس ظروف العمل تحكمني ..شكرا لمروركما ...
لك مني كل التحية والشكر الجزيل أختي المرام ....فعلا أنت
هذي بالضبط البرامج اللي ادور عليها ...
ودي فعلا أستانس في الكويت لأن باقي علي من دول الخليج الكويت مازرتها الى الآن ....
مع انها قريبة جدا منا ....

السلام عليكم و رحمة اللة
الوطن

الخوان وفوا وكفوا ونقول حياج الله أختي انتي واهلج في ديرتج الكويت

اهلين فيكم بالكويت
المجمعات الغاليه ---الرايه فى منطقة شرق --- الصالحيه فى العاصمه خلف فندق الميرديان-- دار العوضى فى منطقه شرق-- زهره فى منطقه السالميه--
المجمعات المعقوله والماركه --المارينا --الفنار--ليلى جاليرى--جاليريا 2000---بلازا--سنتر بوينت --البستان---تالا---مريم ---الوطنيه--- زهره---ماركه سبنسر---
الاسواق هذى كلها فى السالميه شارع سالم المبارك يعنى راح تخلصها فى يوم واحد
سوق شرق فى منطقة شرق
المتحف الوطنى بجانب مجلس الامه على شاطئ البحر يستحق الزياره
المركز العلمى --حديقه الشعب -- صالة التزلج --اكوا بارك--ابراج الكويت---