1. صباح لخير للكل اليكم الحكاية


2. قلت احسن اروح للخطوط الخليجية مادام مافية الا عليها..


3. وهنا المفاجأة الثالثة بالسعر

صباح لخير للكل اليكم الحكاية

البارح عزمت احجز واشتري التذاكر بنفس الوقت .. مريت مكتب طلبت على الخطوط السعودية الدمام القاهرة في 22 نوفمبر ابو الشباب حاس وداس بالكمبيوتر ماطلع بأي مقعد.. طيب شف لي على ناس أو سما حاس وداس برضه قال لي انسى الموضوع مافيه امل.. طيب على المصرية حصل مقعدين السعر 2030 للتذكرة بس العودة الساعة 9.30.. الصبح خفت اتوهق ومااقوم قلت لا.. شف لي على الخليجية من المنامة لف ودار بالجهاز وحصل المطلوب.. و السعر 2450 للتذكرة ..

قلت احسن اروح للخطوط الخليجية مادام مافية الا عليها..

ورحت لمكتبهم طريق خريص مقابل مدينة الملك فهد الطبية طلبت منه المنامة القاهرة في 22/ نوفمبر .. قام يبحث حاس وداس طلع لي مقعدين بسعر 2650 للتذكرة الواحدة .. بزيادة 200 ريال للتذكرة عن المكتب الاول وعلى نفس الرحلة ذهاب وعودة !!!!!!! . .. طلعت من عنده من دون ماسوي شي ورحت ل
مكتب ثالث وطلبت منه نفس الطلبات السابقة ونفس الكلام مالقى الا على الخليجية من المنامة .. طيب بكم السعر

وهنا المفاجأة الثالثة بالسعر

السعر 2030 ريال للتذكرة الواحدة ونفس الموعد و نفس الرحلة ونفس الخطوط (الخليجية) ونفس الفئة .
ولأني متأخر بموعد الحجز وإجازة عيد وخايف اطلع أدور في مكتب رابع يمكن احصل بعد اقل سعر لأن الموضوع انت وهمتك بالمرور على الوكالات .. بس قلت يالله ياولد سوى الحجز وصدر التذاكر.. وعلى طول ادفع 4060 ريال. بفرق عن الخليجية 1220 ريال .
وفرق عن المكتب الثاني 420 للتذكرة (820 ريال للتذكرتين).
وخلال اقل من ساعة وفرت مبلغ 1220 من سعر مكتب الخليجية
ووفرت مبلغ 820 عن سعر المكتب الثاني..
والله مبلغ ماهو بسيط لو استعجلت وشريت من اول شي
.. لاعبين علينا بالاسعار هالوكالات..