qatareye
20-07-2022 - 05:45 am
في البداية السلام عليكم احب اشكر هذا المنتدى الاكثر من رائع وعندي طلب من الاشخاص الخبراء في السفر الى الولايات المتحدة لاني اول مرة ازورها وتشجعت لما قريت تقارير الشباب الرائعة.
1- فترة السفر من 24 ديسمبر ( اسبوعين ).
2- احنا عددنا اربعة انه و ام العيال وطفلين .
3- هل افضل ننزل مطار لاس فيجاس وبعدين نأجر سيارة لين اولاندو
4- هل ننزل مطار نيويورك واعتقد في هذه الفترة الجو بارد جدا
5- هل ننزل مطار سان فرنسيسكو
6- هل ننزل مطار كاليفورنيا
متردد ودي باقتراح من اهل الخبرة رغم انه حجزي للطيران درجة رجال الاعمال على البريطانية
لان ودي في طريقة ما تتعب الاهل معاي وشكرا
المهم : مطار لاس فيجاس ماله دخل بأورلاندو .
حدد وين تبغي تروح ، عندك خيارين :
الأول : ولاية فلوريدا المشمسة، وتكفيها 14 يوم تزور
1- ديزني ورلد بحدائقها الأربع
2- يونيفرسل استديو ، وفيها حديقتين تزورهم على يومين
3- سي ورلد.
4- ديزني داون تاون .
5- شارع الانترناشيونال درايف
وغيرها من المناطق اللي بتقراها في تقارير الأعضاء ومن ضمنهم
تقريري.
الثاني: ولاية كاليفورنيا . ما سبق لي زيارتها بس ما شاء الله
البوابة متروسة بالتقارير اللي بتفيدك عنها.
من وجهة نظري ولأنكم أول مرة بتسافرون أمريكا ، أنصحك بالتالي :
خط السير : دوحة _ نيويورك ( الاقامة فيها ليلة للراحة بعد رحلة طويلة)
نيويورك _ أورلاندو ( 11 يوم )
أورلاندو _ نيويورك ( ليلتين ) للتسوق .
وسفرة موفقة ...
بس سؤال : ليش أخترت برتش ، وما أخترت القطرية؟