عاشق الوروود
17-10-2022 - 08:53 pm
مرحبا باصدقائي الاعزاء
الحمد الله وصلت بالسلامة لكازا والبداية كانت حلوة اعطوني درجة اولة بالمغربية وكانت بمحظ الصدفة والتعامل محترم بالطيارة
بس اول ما نزلت من الطيارة وشوف التلميحات بالاكراميات واعطيتهم الى ربي اعطاني بس مو كثير
وطحت بواحد ابن حلال راعي طاكسي وداني فندق اسمة الديوان فندق 4 نجوم ويقول راعي الطاكسي فندق اسلامي مافي شبهات ونظيف وفعلا طلع قدها واختو 800 درهم يعني مو غالي ولا رخيص وسط
اول يوم ارتحت وفي الليل نزل السوق القديم وتمشيت ومريت من عند حياه رجنسي شوي يقابلني واحد نصاب يقولي تبى*** قلت لا وشوي حط يدة بجيبي قلت هي انت قال ما سويت شي قلت اعقل
وحط رجلة والله يا عالم خفت وقلبي في سروالي وحطيت رجلي انا بعد وشوي تلحقني شحاتة وما كنا عندي صرف وتقول عطني قلت ما عندي صرف شوي تسبني وتقول الله ينعلك
وقمت للمرة الثانية حطيت رجلي وتلحقني والمشكلة دبة وجربي ورايا وتقول تعال يا هربان خ
ورجعت الفندق ورجولي تتنافض قلت وش البلشة جيت للمغرب لحقوني النصابين والشحاتين
وبيني وبينكم انا لوحدي لو في احد بكازا خلية يخاويني ونتمشى سوا
اول ما ارجع راح اعملكم احلى تقرير يعجبكم
ولا تكثر من طلاتك على النت فالواحد في المغرب جلساته ايام وبيرجع ... الا اذا عندك استفسار تبي اجابته ... فحنا حاضرين .... نصيحة كان الاخوان القداما يقولونها ....( امش عدل يحتار عدوك فيك ) وانتبه من شياطين الانس قبل الجن ففي هذا الزمان كما يقولون فقد تفوق شياطين الانس على شياطين الجن .... واجعل نصب عينيك مخافة الله ...
وفقك الله اينما حللت وارتحلت ...