والله يا أختي ما ينفع لكم الا الهافمون
متوفر فيه مظلات وايضاً تكرمين ويكرمون الأعضاء دورات المياة ..
وتقدرون تجلسون على الشاطيء ايضاً على حسب الموقع ، يعني انتو خذو لكم لفه وشوفو المكان اللي بيعجكم واجلسو فيه ..
1) كم يبعد ؟
ج) يبعد من وين بالضبط ..؟
على العموم يبي له تقريباً نص ساعه الى 40 دقيقة اذا كنتو بوسط الدمام أو بوسط الخبر ، او الظهران ..
2) أي الطريق نسلك ؟
ج) اذا كنتو في الخبر أو الظهران ، طريق العزيزيه كأنكم رايحين للبحرين أو من جهة كورنيش الخبر تمشون على طول سيده الى ان توصلون للهافمون ..
واذا كنتو بالدمام ، اقرب طريق لكم من طريق بقيق ، تسلكو طريق بقيق بعد المدينة العسكريه بحدود 10 كيلو او مقارب لها بتشوفو لوحه على اليمين متوب شاطيء نصف القمر ، ومن عندها تمسكون المحلي وتدخلون من تحت الكبري يسار وعلى طول الى ان توصلون للهافمون ..
وبالتوفيق ..

الله يوفقك ياصاحب الكلمه ماقصرت بانتظار اقتراحات باقي الكرماء امثالك

شاطيء رأس تنورة
جدا رايق ول فية زحمة
طريق الظهران -الجبيل
يجيك كبري (راس تنورة-صفوى-الجعيمة)
تنزل من على الكبري
وسيدة
وبعدين تجيك اللوحات واضحة

أفضل وأنظف وأهدئ شاطئ هو شاطئ أرامكو والواقع في (القرية) وهو قريب من شاطئ العقير وطبعاً غير مسموح بالدخول إلا موظفي ارامكو وعوائلهم ، فإذا عندكم أحد يشتغل في أرامكو تقدرون تزرون الشاطئ ويبعد عن الدمام تقريباً 90 إلى 120 كيلومتر ، خالص تحياتي واحترامي.

حياك الله في الشرقية
ماشاء الله الاخوان ماقصروا بارك الله فيهم وأزيد عليهم شاطئ الفناتير والنخيل بالجبيل وتبعد حوالي 80 ك نظيفة جدا وشاطئ ساحر
مع تمنياتي لكم بطيب الاقامة
دمتم بود

نوخذة الدمام
شاطي الظهران افضل من ناحيه السباحه شاطي القريه كله حصى مثل السكاكين يعني ما يصلح للسباحه

الف الف شكر لكن ماذكرتو راس تنوره كم يبعد عن الخبر ؟
وياخ سلطان شاطئ الفناتير يبعد 80ك قصدك عن الخبر؟

أفضل وأنظف وأهدئ شاطئ هو شاطئ أرامكو والواقع في (القرية)

والله الشواطئ عندنا تعاني من قلة النظافة والازعاج يعني لازم تتأقلمون على اي وضع كان والصراحة اكثر الناس يمدح شاطي ارامكو الخاص ولم يسبق لي تجربته.