هلا بج أختي .... ما صاير إلا كل خير ان شاء الله .... يمكن اخوانا وحبايبنا أهل الكويت هم اللي شاغلين الفنادق .. بمناسبة عيدهم الوطني وعيد التحرير ...
جربي أختي .. الريجنسي انتركونتننتال ... فندق الخليج ... فندق الموفنبيك ... راديسون ساس .. كراون بلازا ...
وإذا حبيتي شقق فندقية ... الفاتح سومرست ... اليت جراند ... اليت ريزورت اند سبا ...
وان شاء الله تحصلين ... واذا ما حصلتي .. بيوت البحرين هي بيوتكم ... وحياكم الله

يمكن لأنها إجازة الربيع ، أو يمكن بسبب أفضل أجواء طوال العام هذي السنة ، يمكن تواجد الأخوة الكويتيين بكثرة بسبب اجازة العيد الوطني الكويتي ، ويمكن وجود عدة فعاليات في هذي الفترة الربيعية وبالتالي اقبال + دعوات كثيرة من خارج البحرين ..
طبعاً أختي ايطالية أول شي يا هلا ويا مرحبا فيج ، طبعاً ما في على فندق ( بنيان تري ) من حيث الفخامة والرقي والهدوء والخحدمات والأجواء الخيالية اللي ما تخطر على البال ، لكن طبعاً سعره عالي ومكانه ريفي بعيد عن وسط المنامة نص ساعة وأكثر ..
تفضلي اختي : http://www.banyantree.com/alareen/packages/desert_retreat.html
أما في وسط المدينة هناك العديد من الفنادق ، اذا كنتي تحبين تسكنين وسط السوق عندك فندق الشارتون ( وسط المنامة ) ، واذا كنتي تحبين تسكنين وسط منطقة راقية فيها خدمات سياحية على مستوى فخم عند فندق الخليج ( منطقة العدلية بجانب الجفير ) ، أما منطقة السيف غنية بالمجمعات التجارية والمقاهي وعندك فندق الرتز كارلتون من الممكن أن يقضي السائح فيه يوم كامل لما يحتويه من مرافق متنوعة ..
هذي مجموعة فنادق 5 نجوم ، يا ريت نعرف نوعية الزيارة وعدد المرافقين وكم عدد الأيام ، وشنهي الأماكن المقصود بالزيارة ، على أساس نصف لج أبرز فنادق الخمس نجوم الي من الممكن تنزلين فيها ..
وان شاء الله باقي الأخوان ما يقصرون الله يعطيهم العافية ..

الله يعطيج العافية اختي الغالية على المساعدة وبالفعل فندق موفنبيك من الفنادق الرائدة في مدينة المحرق عن الزحمة وفي نفس الوقت قريب من المناطق المقصودة على الأكثر .. بس تظل رغبتج أختي ايطالية في الأول والأخير خاصة حسب المدة الي راح تظلين فيها وأبرز الأماكن اللي تحبين تقصدينها عشان توفرين عناء المسافات على الرغم من إنها مسافات مو طويلة لكن على الأقل اعتبار الزحمة

الله يعطيك العافية أخوي بحريني غير وتسلم يمناك ...

الغالية
مشكوره اختي الغاليه ماقصرتي
انا دايم اسكن في الريجنسي وودي اغير ابي شئ افخم شوي
طبعا مره كنت ابي الريتز بس كله فل
وبالنسبه للشقق ماتناسبني لاننا فقط اثنين ونبي فندق فخم
وشكرا لك اختي مره ثانيه

بحريني غير
هلا فيك اخوي بحريني غير
وشكرا على الاجابه على استفساري
بالنسبه لي انا جايه يوم الثلالثاء وماشيه الجمعه ان شاء الله
وحابه فنادق بوسط السوق قريبه من منطقه السيف يعني
وبالنسبه للشيراتون والريتز والمركيور شيكت عليه وفل كلها

بالنسبه للعدد انا وزوجي فقط يعني اثنين
وسبب الزياره سياحه تمشي

اختي جربي فندق إليت جراند، فندق النوفوتيل، فندق موفونبيك "هادئ" بس يصير في المحرق، وفعلا حاليا هناك نقص في الفنادق ويعود ذلك لإزدهار المرافق السياحية في البحرين ،،
بس بيكون هناك العديد من الفنادق مستقبلا ،،

مشكور اخوي
الظاهر مالي الا النوفتيل
اشكر جميع من ساعدني في البوابه البحرينيه