هلا فيك عاشق الترحال وبصراحه اسم على مسمى
المده قصيره جدا على زياره 3 دول وانا اشوف خلها على دولتين افضل والامر لك
وخط السير مش مناسب وراح تتحمل تذكره العوده من بالى الى جاكرتا واشوف انه يكون كالتالى
جاكرتا - بونشاك - جاكرتا - بالى - كوالا - سنغفاوره
لان مطار بالى دولى ويسير رحلات الى اغلب العواصم الشرق اسيويه
وسيله النقل من جاكرتا لبونشاك هى السياره
الطيران الدولى .. الذهاب الى جاكرتا والعوده من سنغفاوره
تحياتى لك .. وسفره سعيده يارحال

هلا وغلا حيوه مافي زيوه صح فكرره والله خط السير حقك راح عن بالي انو مطار بالي دولي يعني اطلع اير اسيا الى كوالا طيب وش رايكم بالمده اشوفها مناسبه لي لأن مافي فرق كبير التنقل بين الدول بالطيران الأغلب ساعه ونص يعني خط السير الجديد جاكرتا يوم او يومين بونشاك 3 ايام و جزيرة بالي 4 ايام > كوالا 4 ايام سنغافوره 3 ايام المهم وش رايكم بقيمة التذاكر لأن العصر بروح اقص التذاكر و الميزانيه تكفي

شوف ياعاشق
الطيران من بالى الى كوالا بحدود ال 3 ساعات ومن جاكرتا الى بالى ساعه واربعين دقيقه وعموما المده مش مشكله تعتبر بسيطه نوعا ما ولكن يضل السفر يضل متعب بالطائره حتى لو كان ساعه .. لاتنسى انك لازم تجى قبل الرحله بساعتين على الاقل وتفتيش وجمارك وجوازات ودف ضريبه مطارات وشيله عفش والبحث عن سائق .. هدك طويل عريض ( مع ملاحظه ان هاذا رائى واحد تقدر تقول شايب الا خمس دقائق ) والظاهر ان حيويه الشباب اختفت منى للابد .. فانت شوف واحكم وقدر الوضع حسب مقدرتك واللى تحبه
التذاكر اشوف انها مناسبه واسعارها فى حدود المتوسط يعنى لو تحجز من بدرى راح تطلع لك ارخص بشئ بسيط
ونحسبها
ذهاب وعوده للشخصين 5400 بواقع 2700 ريال للشخص (من واقع تجربه)
جاكرتا - بالى اتجاه واحد فقط 500 بواقع 250 للشخص ( من واقع تجربه)
بالى - كوالا ذهاب فقط 800 بواقع 400 للشخص (من واقع تجربه )
كوالا سنغفاوره ذهاب فقط خلينا نقول 500 بواقع 250 ( هاذى تقدير والله العالم بس هى قريبه بس عشانها دوليه حطيت هالسعر )
المجموع 7200
توكل على الله واحجز و 25 الف كافيه ل 17 يوم مع هديه صغنونه لى طبعا
( انتهازى )
والحمد لله الرد بغى ينمسح بس لحقته فى اخر لحظه

الله يسعدك ياحلوو رايح اقص التذاكر ونكمل التفاصيل لاحقاً

وش رايكم بخط السير والمده طبعاً ياحيو مافي زيوه يقولون مافيه عندهم رحلات من بالي الى كوالا اضطريت نرجع جاكرتا ونعيد خط السير من جديد. تاريخ 4 اكتوبر من الرياض الى جاكرتا الوصول يوم 5 اندونيسيا يوم واحد جاكرتا و جزيرة بالي 4 ايام و بونشاك 4 ايام وجاكرتا 2 يومين الإقلاع الى كوالا بتاريخ 16 اكتوبر. ماليزيا كوالالمبور 4 ايام من تاريخ 16 الى 20 الإقلاع من كوالا الى سنغافوره بتاريخ 20 سنغافوره 3 ايام من تاريخ 20 الى 23 وبعدها الى موطني كم انكرفت على شانك. وش رايكم ابي تردولي عن خط السير والمده و الميزانيه من غير التذاكر 25 الالف نقول الفنادق ب 10 الالف والمصاريف 15 الالف ريال تكفي للشخصين طبعاً انا والمدام مانصرف مرره محدودين طالعين رحلات وليس للتسوق الا ماندر او اشياء للذكرى فقط ابن ابن السعوديه وحيوه مافي زيوه والعيال الباقين ابي ردودكم لأن والله تهمني عشان اطمن واقص التذاكر

صباحك ورد
خط السير حلو وترتيبك كذه افضل ولاتنسى تآشيرة سنغافوره
حاول انك تقصها من هنا
امنياتي لك بكل التوفيق