amore187
24-08-2022 - 06:35 am
السلام عليكم جميعا
كثير مادور بالنت الفنادق واعرف السئ من الجيد والخ الخ والتذاكر ........
بس دائم كنت اشوف الفندق واروح احجزة
هالمرة المكاتب صايرين مدري شلون متعبين
ابي احجز من النت وخلاص ......وش احسن موقع يعطيني السعر ع طول بدون اي اضافات لاحقا...يعني ادفع وخلاص مو اروح الفندق يقولي ناقص شئ.....
expedia, lastminte,,booking .com, venere.com
وش احسن واحد فيهم يا شباب ويكون ثقة عشان مابغي الوالد يتبهدل وافتك من وجة مكاتب الي يقولي اسويليك طلب ويدق علي يصحيني من النوم يقولي ما قدرت اسوية لك
انا اعرف الفندق وطريقة البثح والخ الخ........بس ابي احسن موقع مجرب واتشجع واستخدم النت
مشكورين يا شباب ............لو القطري رد علي كلامي جاوبني وشولة تحب بوكينج دوت كم كثير !!
والقطري تحت أمرك 26 ساعه مش 24 ساعه ..
أكثر شي يعجبني في بوكينق هو التالي :
1 - تقدر اتكنسل الحجز لين قبل السفر بيوم من غير ماياخذون اي شي من البطاقه ..
2 - موقع بوكينق عنده عروض وخصومات عكس المواقع الباقيه واخرتها الفندق الي حجزته في هولندا لقيته في موقع بوكينق أرخص بكثير من موقع اكسبيدا والسبب ان موقع بوكينق عنده عرض على هالفندق..
3 - موقع بوكينق يحجز لك الغرفه من غير ماياخذ ولا ريال من الفيزا عكس المواقع الثانيه ..ولما اتروح هناك الفندق وتدفع لهم ..
4- اسعاره حلوه
عيوب موقع بوكينق :
1- فيه فنادق مش موجوده فيه مثل فنادق الماريوت ..
2- بعض الفنادق في بعض البلدان ماتقبل بدفع الضريبه إلا في الفندق بس ..يعني تحجز عن طريق الموقع الغرفه ولكن لما أتروح الفندق تدفع زياده للتاكس ..
هذي الأسباب خلتني افضل موقع بوكينق ..وطريقة الحجز في موقع بوكينق سهله واجد ..