حياك الله أخوي المشكله انه الطريق بعيد شوي يعني أخاف تضيع لو انك ماتدل بالأحساء......
طبعا أنا أدل طريق واحد والله يعين بوصف لك وأنت عاد هم اسأل...لو ضيعت....
سلمك الله انت ماسك طريق الدمام الهفوف ...راح تمشي طبعا لين توصل الهفوف...
خليك ماشي سيده لاتلف يمين ولا يسار بتمر على اشارات كثيره وعشان تتأكد انك في السليم راح تمر على وكالة نيسان (شارع الظهران)راح تمشي الين يجيك النفق الجديد روح معاه...وخلك ماشي سيده راح توصل عند إشارة عديها الإشارة الثانية روح يسار تجيك اشاره روح يمين كمل سيده الين تجيك اشاره روح يسار.....
كمل سيده تجيك اشاره روح سيده الين يقفل الشارع (حرف تي)روح يمين روح سيده تجيك اشاره عدها الثانيه لف يسار
روح سيده تجيك اشاره عديها سيده الاشاره الثانيه هم سيده راح تجيك لوحه(المنصوره) هذي قرية قريبة من القاره روح معاها يسار وأنت قريب مره من جبل قاره اسأل هناك عشان ماتيع وإن شاء الله ماراح يقصر معاك أحد...وبتوفيق وسامحنا على القصور ,اتمنى إني وصفتك لك عدل

اخوي اذا عندك GPS الامور سهله وتقدر تحصل على احداثيات جبل قاره
او شوفه بالقوقل ايرث
http://mlfnt.net/

شكر على المعلومات
القطيف 2008 عندي جي بي اس بس وشو احداثياته
وشكرا لكم

mas1421
شوف خطوط الطول والعرض بالقوقل ايرث
او تفضل هذه احداثياته انا حافظنها عندي
N 25 24 680
E 049 41 572
بس عليك تدخل هذه الاحداثيات وعلى طول بتوصل المكان بدون سؤال

القطيف 2008
شكرا القطيف 2008 على هذه الاحداثيات
وباذن الله بنشوف الجبل ونزل صور له عند عودتنا منه

شف اخوي وانت متجه من الدمام الى الهفوف قبل الهفوف ب25 كيلو تقريبا بتجيك مدينة اسمها العيون (ديرتي) اول لفه اللي هي حق العقير اتركها ثاني لفه اللي هي حق المراح خذها وامش سيده لين ييجيك الدوار اللي تاخذ معه يمين وتمشي لين يجيك الخط الزراعي وتاخذ يمين وتمشي سيدة الين ما يجيك تقاطع الشعبة والجرين وتاخذ معه يسار وتمشي سيده لين ماتحصل لوحة تقول جبل القارة يمين ما ادري شمال ماني متأكد
ملاحظة : لا تدخل العيون ابدا لأنك بتوهق نفسك وأهلك معك خصوصا اذا كنت شيعي

انا رحتلها قبليومين مكان جدا رائع وعجيب لكن ينقصه كثير من الاهتمام
وطريقه الوصول صعبه جدا جدا حيث لايوجد لوحات ارشادية
وانا انصحك عدم الذهاب الى هناك الا ومعك خبير بالمنطقه وشكرا