نتطر الاجابه من خبرا الاعمه . نفس سوال الاخ .

كيف الجو في هذي الأيام ؟
بالنسبه للجو ما ادري عنه
الاسعار ترتفع في هذا الوقت ولا لا؟
انا رحت في عيد الفطر وكانت الاسعار عاديه ماعدى الويكند الاسعار تزود شوي
هل الاماكن السياحة تعمل وقت الحج و العيد ؟
جميع الاماكن تعمل في وقت العيد ماعدى المطاعم العربية فهي تقفل لمدة من يومين الى 3 ايام
والروحة في هذا الوقت بشكل عام احسن ولا في العطلة الصيفية ؟
انا جربت في عيد الفطر وكانت باندونق والجبل جداً زحمة والطريق واقف وممل وتتعب عشان تلقى سكن وخاصة في باندونق ....
نصيحه من اخوك اذا تقدر تأجلها الى مابعد العيد اجلها

انا ما رحت لها في الاعياد انا رحت في ايام عاديه حتى مو عطلة صيف
ويقولون العهده على الراوي لو تأجلها لبعد العيد يكون افضل لان الأعياد اهل جاكرتا أغلبهم يتجهون للجبل عشان كذا بتحصل صعوبه في إيجاد السكن المناسب
والرأي الأول الأخير لك اخوي
تحياتي

انا اميل مع راي الاخوان ( ماجربت بس كلام يبدو لي واقعي جدا)

انا رحت في اجازة الحج بالنسبه للجو روعه من شهر 12 ونت طالع جوها احلى جو بالنسبه للا سعار عاديه
وبالنسبة للاماكن السياحه لزم تحسب حسابك للمكان الي بتروحله لا انه الاندونسين فرصتهم في العيد بتحصل الفلل في
الجبل فل فحاول تسكن قبل العيد بيومين او يوم

انا رحت العام الماضي البلد ويد حلوه في العيد وتحس ان في عيد
بس المشكله في خطوط الطيان كل زحمه

كلامي مع الاخوان
اجلها احسن لك زحمة اهل جاكرتا وزحمة لسياح في وقت واحد
لانك تبي تتعب وانت ادور على سكن

رح يارجال وتوكل على الله ، الديره ماتتفوت وانت مالك الا اجازتك اللي هي تبع الحج
وعلى فكره انا يزعجني حب تجمع السعوديين والعرب في مكان واحد ياخي ارض الله واسعه ،، يعني ودي اعرف وش اللي يحدك على السكن في الجبل
جزر اندونيسيا كثيره جدا والديره زينه
بس تدري اهم شي احجز الطيران مع الخطوط السعوديه وبدري يعني اليوم اللي تقرى فيه هالرساله رح وقص تذاكر والامور الباقيه تساهيل
وعلى فكرة راح تشوفني في نفس هالوقت في بالي فلاتنسى تتقهوى معنا وحط تحت كلمة تتقهوى سبعة خطوط :m9:

بالنسبة للوقت فهو في رأيي الشخصي من افضل الأوقات من ناحية الجو ومن ناحية الزحمة ايضاً وبالنسبة للأسعار فهي مهما زادت راح تكون اقل من الصيف بفارق جيد وللمعلومية وحسب أحد المصادر فأن سعر الصرف تجاوز المليون ربية للمئة دولار. والأماكن السياحية شغاله على طول إلا في يوم الوقفة بعرافات، ونصيحة إذا بتتجنب الزحمة الحذر ثم الحذر من الذهاب لبونشاك في يوم العيد راح يكون الخط واقف واحتمال تستغرق الرحلة لها من جاكرتا اكثر من ثلاث ساعات بالقليل، ايضاً دنيا فنتسي يشملها الكلام ماغير راح تقطع رسوم الدخول وهذا وجهي إذا قدرت تلعب لك لعبة وحدة من كثر الأندونيسيين.
وفي النهاية تسافر وترجع بالسلامة إنشاءالله تعالى.