لا الصراحه بتزعليني منج شنو الي ودها ومب حاصل
الا قولي ان شاءالله بصير وقريب بعد
انتي من صجج خايف من السفر
انا توني داش ال 21 سنه ولو اعددلج الدول الي رحت لها بتمسكين راسج ومن غير في بعظهم ابروحي ومامعي حد
لا الا توكلي على الله وقولي بنسافر بس كاني فهمت ان بتروحين ابروحج مع اني ماتوقع دام انتي متزوجه اكيد زوجج وياج
المهم يا عزيزتي اول شي الي ابيه منج اشويت معلومات مثلا ابي عدد الاشخاص وابي الميزانية وابي التاريخ بلميلادي لاني ماعرف التاريخ الهجري
وبنسبة لدول المقترحه في دول وايد انا راح استبعد اوربا لانها بارده هلفترة وماراح تدفى الا بصيف
بنسبة لمصر فهو اقتراح حلو خصوصن هلفترة فليش لا بلعكس مصر حلوة وراح تستمتعون فيها وايد وبعد عندكم بيروت حلوة وايد
بنسبة لشرق اسيا انا سمعت عن اندونيسيا بس للامانه مارحت لها بس انا رحت الى ماليزيا وتايلند وسنغافورة
اجملهم للامانه ماليزيا وسنغافورة لهشي انا انصح فيها
او انصح بماليزيا بس لان فيها جزر ومتنوعه وممكن اتروحون الى كوالالمبور واتروحون الى جزيرة لنكاوي
وصدقيني راح تستمتعون اهناك وهي مب غالية والطبيعه شي خيال وانا اقول لو بتكونون محتارين بينها وبين مصر او بيروت انا ارشح ماليزيا لانها اول سفره لكم فحلو انكم اتغيرون
واللغة مو مهما اهناك والطبيعه خيال بس يعيبها جوها الاستوائي بس مب حارة وايد يعين بس مرطبه ومن غير فيها امطار
ولاكنها مطوره ووايد حلووة وتقدرين اتشوفين تقارير الاعضاء عنها
واجاراءتهم جدا سلسه وسهله
بنسبة لي اكيد سافري ومابذنج ماي شماخذين من هلعمر تعبنا واحنا ماسكين ارض الخليج خلاص شوفو الدنيا واستمتعو باجر لكبرتو بتحسفون على عمركم الي ضاع بدون مغامرة او خبرة
انا هاي رايي الشخصي
واذا تبين اي استفسار انا بلخدمة سوان في شرق اسيا او الدول العربي او اوربا او استراليا لاني كلهم زرتهم من قبل فانا حاظر

حلو ومدلع
الله يعطيك العافيه اخوي ماقصرت ورايتك بيضا ،،يالله نبدأ على بركة الله
طبعا شخصين ،والمده مو كثيره حدنا اسيوع لاني مااقدر اطول ع البيبي والميزانيه 15000ريال سعودي والتاريخ بالميلادي سلمك الله راح يكون بإذن الله في 17 مارس 2010 وممكن يكون قبل هالتاريخ ب5 ايام فقط
ونفسي بتركيا بس دايما يخوفوني منها ويقولون لي سوالف المافيا والمافيا
واحيانا اقول بيروت عشان اضرب عصفورين بحجر واحد نفسي اصمم فساتين عندهم بس زوجي يقول لي بيروت غاليه مره
اما ماليزيا الشله كلهم راحو لها احس باخت شوي وودي اغير عنهم
اما بالنسيه لمصر فهي صحيح مناسيه لزوجي بس اذا جوها حلو بالتاريخ اللي ذكرت اوكي كان بها واذا جوها مو حلو ايش الفايده ...انتظر المشوره ويعطيك الف عافيه سلفا.

تركيا الرائعة التاريخ والحضارة مع بعض افضل مكان والامان 100% ولا تخافون اطلاقا واذا وصلتوا ستكتشفون ان المسالة طبيعيه جدا والخوف من السفر مجرد اوهام
او ماليزيا اسيا الحقيقية تغني عن باقي دول اسيا مجتمعة

مستعجل
مشكور اخوي الله يعطيك العافيه ع المشوره ،تركيا ايضا من ضمن المرشحات حاليا،وربك يعين

1. لهشي انا الغي تركيا


2. وباقي عندنا ماليزيا ومصر وبيروت صح


3. ونصيحتي يا اختي العزيزة ان انتي تستخيرين وتستشيرين

مرحبا اختي المقترحات بشكل عام حلوين
بنسبة لتركيا فهي حلوة ولاكن عيبها جوها البارد انتي اتقولين في نص شهر مارس يعني تبين سفرتكم اتكون بعد
شهر او اقل من شهر صح وانا اقولج ان الجو برد بشكل غير طبيعي ومن غير انها غالية يعني وماراح اتكفي ميزانيتكم

لهشي انا الغي تركيا

وباقي عندنا ماليزيا ومصر وبيروت صح

انا اقولج لو بتخلون ميزانيتكم 20 الف يعني بتزيدين 5 الاف وبتخلون المدة اسبوعين بقولج على طول روحي ماليزيا اقل شي اتحسين انج غيرتي صح وحتى لو غيركم راحو لها تدري ان انا رحت لها في 2006 وللحين ودي اروح لها ثاني مره
وبلعكس ماراح اتكون مليانه عرب لانه انتي مو مسافرة بصيف لهشي انا ارشح ماليزيا وبقول لو زدتو المد والميزانية
لان حرام سفرة 7 ساعات وزياده بطيارة واخر شي الا اسبوع حتى مايمديكم اتروحون للجزر وتستانسون اكثر
وعلى فكرة البيبي ماراح يطير يعني الي بيهتم فيه اسبوع يكمل جميلة ويهتم فيه اسبوع ثاني لا اتقولين لي انه لا هو كبر ويفهم ومتعلق وايد هو على قولتج لسى بيبي وصغير يعني مهب عارف
وبعدها نرجع للختيارات الباقيه بين بيروت ومصر لا انا ارشح لج مصر اقولج مصر احلى وارخص تبين الصج
يعني بيروت مادري شلي صاير لهم الصراحه عادين روحهم باريس ولا لندن ولا روما يعين وايد مغلين اسعارهم وخاصه السوق يعني مصممينهم مغلين اسعارهم وايد لهشي انسي اتفصلين عندهم اي فستان انا اختي كانت تبي من مصمم لبناني انه بس يطرز لها قطعت كماشي يسويلها شك بس قالها ب 60 الف ريال تخيلي يمكن على باله هو فرساتشي ولا افسلورانس واحنا ماندري لهشي اقولج سوقهم غالي وايد وحتى التقليد عندهم غالي ومع ذالك مافي زود من سوق حتى الماركات توها فاتحه عندهم
على العموم انا اقولج بنسبة لبيروت حلوة بس غالية لهشي انا مانصح فيها كثر مصر
يعني مصر اونس مصر اكبر وفيها مجمعات اكبر وفيها فنادق احسن ومن غير فيها اماكن سياحية اكثر ومع ذالك ارخص بعد من لبنان
لهشي لو انتي مصره على اسبوع انا اقول روحو مصر والجو بكون حلو وبكون عندهم فترة عيد شم النسيم الي هو عيد الفصح او عيد الايستر بلنجليزي

ونصيحتي يا اختي العزيزة ان انتي تستخيرين وتستشيرين

وثاني لازم اليوم او بكره اتاكدين على نفسج لان لو بتسافرون واكيد انصحكم تحجزون من الحين وانا سمعت ان عندكم بسعودية في شركات طيران اقتصاديه مثل سما وناس للامانه انا ماجربتهم لاني مو من السعودية بس وايد اعضاء يمدحون ناس اكثر من سماء والاسعار روعه ورخيصه ففرصه بعد اتوفرون لهشي
واي استفسار تبينه انا بلخدمة

حلو ومدلع
والله انك يااخوي تعطيني دفعه للامام وبقوه احس وانا قاعده اقرى كلامك اجهز الشنطه
ويالله على بركة الله مصر مصر البيت بيتك ،
وعلى فكره الميزانيه مو مشكله عندي اقدر ازيدها 5 ألااف بس حتى لو زدتها راح تكون لمصر وشركات الطيران عادي ازهلها اخوي اساسا شغال ع الحجوزات يعني يقدر يحجز لي على اي شركه لو بغيت اسافر حتى من بكره
وان شاء الله بكره باذن الله اطلع الجواز اللي حينّور فيه فيسي
وصور حصريه من سفرتنا هدية لحلو ومدلع على هالتشجيع المثمر فيني
والحين فوريره على صور مصر واحلى مافيها
واخيرا ربنا يقعل لك في كل خطوه سلامه يااخويه يامدلع وينور لك طريئك
وعندك واحد كشري وصلحه للبيه السكره المدلع ، الاخت قلبت مصريه
ومشكور وماقصرت

افا عليج اختي واحنا حاظرين وبشوفا لاي خدمة
وارجع اقولج لو بتزيدون المدة بعد انا انصح بماليزيا وحتى مصر مثل ماقلت حلوة وانتي استشيري زوجج
وعلى فكرة السفر مايبيله اي تصرف ولا غيره هونيها وتهون وتوكلي على الله
والحمدالله عندج من يحجز لج واذا عزمتو وقررتو اكيد على مصر انصحج الحين اتروحين البوابة المصرية علشان اتشوفين التقارير اهناك
وافض الفنادق انا اشوفه انه الجرامد حياة والفورسيزنت بس اسعارهم غالية
وعندج الانتر كونتننتل حلو بعد
وفي فندق نوفتيل الجزيرة ترا وايد حلو وسعره ارخص من الفنادق الي قلت هم
ومثل ماقلت لج اختي اي استفسار احنا بلخدمة اكيد
وماراح انسى الكوشري لول

حلو ومدلع
:e0i3l: انا اتفق مع اخوي حلو ومدلع ومصر حلوة وجوها غير

يلا على البركه بتروحين مصر الله يهنيج
بس انا اقول لو تروحين جزيره بالي باندونيسيا او ماليزيا هذا راي