السلام عليكم وعليكم السلام ورحمة الله وبركاته الله يحيي جميع الاعضاء الكرام الله يجزاكم الجنه انكم تساعدوني وتتحملوني انا اقنعت زوجي انا نسافر امريكا ان شالله وكنه بدا يقتنع بس عندي كم استفسار 1_ هل في امكانيه اسافر عالخطوط البريطانيه او غيرها ونجلس في لندن يومين او ثلاثة لانا ماقد زرناها ومنها نريح وبعدين نكمل لامريكا ع نفس الخطوط او غيرها
2_ النيه نزور نيويورك ان شالله وكالفورنيا 17 يوم غير الثلاثة الي بلندن اذا ضبطت كم الميزانيه الي ممكن تكلفنا بالتذاكر تقريبا بسكن اربعه نجوم؟ 3_ من 50 - 60 الف ريال
زوجي متخوف من اجار السياره يقول ماعرف للديره وانظمتها ولاعرف انجلش تبين توهقيني هل استخدام القارمن سهل ومانحتاج للغه؟ القارمن في امريكا سهل ويمكن الاعتماد عليه بعد الله أكيد
4_كيف خطه السير يعني من لندن وين تهبط الطائره وهل التنقل بين مدن كالفورنيا كله بالسياره ولاقطار ولاطائره وكيف ومتى نروح نيويورك وهل يمدينا ع نياقرا وهل هي تسوى نروحها من لندن الى مطار لوس انجليس والباقي بالسيارة ممكن تاخدونها من المطار - اذا بتروحو نياقرا الافضل تسافرون الرياض لندن نيويورك لوس انجليس لندن الرياض لكن سعر التذكرة سيكون اغلى بكثير
5_ انا ابي اروح غرب امريكا ومابي ارجع واحد يقول فاتك هالمكان ليش مارحتيه يعني وش اهم المدن الي ممكن ازورها وكيف ترتيبها ان شالله روحتي ابيها من شهر 4 هجري الي 7 هجري اي شهر ترشحونه وممكن يصادف تخفيضات مثلا؟ انصحك بقراءة تجارب الاخوة الاعضاء في تقارير امريكا
6_ انا مع بنتي عمره سنتين ونص في اماكن ممكن مايدخلونها وهل ممكن تقلل من متعه السفر وهل في اماكن ممتعه للي في سنها ؟ 7_ هل في قيود ع عدد الشناط وتعقيدات سواء في لندن او امريكا؟ الله يجزا كل من يرد علي الف خير ويفرج همه ويريح باله ويجعل حيااته كلها سعاده واعذروني اذا في اسئله غبيه ترا ماعندي خبره وابي سفرتنا تكون مرتبه وميسره انتظر ردودكم بفارغ الصبر اميركا بلد العوائل والاطفال وفيها نشاطات ممتعة جدا جدا للعوائل والاطفال - لديهم مقولة الاطفال اولاً - اتمنى لكم اجازة ممتعة

اهم شيء في السفر لامريكا حتى لو ما عندك لغة التخطيط الممتاز يعني تقرأ عن كل شيء من تقارير الاعضاء راح ترتاح لما توصل تحس انك عارف كل شيء

مشكور اخوي ممكن توضحولي اكثر بطرح الاحتمالات الممكنه لي يعني لندن نيويورك لوس انجلوس ماينفع او لندن لوس انجلوس وطائره داخليه نيويورك ولا نكنسل لندن وناخذ الرياض نيويورك دايركت بعدين كالفورنيا اذا كانت الروحه للندن بتزيد الميزانيه كثير يعني باختصار اذا اقدر اجمع بين لندن نيويورك كالفورنيا باقل تكلفه واذا بتصير مكلفه ترشحون اكنسل لندن او نيويورك والف شكر

مافي احد يشرحلي بتوضيح اكثر

ممكن يكون خط السير
الذهاب ( الرياض - لندن - لوس انجلوس ) لندن 3 ايام
العوده نيورك - الرياض
( ترانزيت لندن او باريس )
7 ايام لوس انجلوس
3 ايام سان ديقو
2 لاس فيقاس
التنقل السيارة
ومن لاس فيقاس الى مطار بافلو (buf ) نياقرا يومين
ومنها بالطيارة الى نيورك 3 ايام

اختي انا انصحكم انكم تستغلون الوقت وتقضون باقي المدة في كاليفورنيا ، لان بالفعل لما توصلون بتقولون ليتنا خلينا باقي المده فيها
تاخذون تذاكركم على الاماراتيه لانها دايركت الى سان فرانسيسكو
تقضون فيها ليالي ومنها بالطائرة الى لوس انجلس تستغلون الوقت وتجلسون في شمالها ليالي وفي جنوبها ومنها الى سان دييغو ليالي وبعدها بالسياره ساعتين ونص الى مطار لوس انجلس والرجعه الى دبي
لو تشوفون المده من خروجكم من السعوديه الى رجوعكم بتكون ليله وبكذا بتقدون تغطون الولايه بالكامل لانها بالفعل ومن مجرب تستاهل العنوه ، واذا على نيويورك روحو لها في رحله قادمه إن شاء الله
المصاريف هذي انتو ترتبونها من حجوزات عن طريق الانترنت
انتو اول رتبو الجدول وبعدها اسالو عن المصاريف والحجز
واموركم طيبه