- و الشي الثاني ابي مشورتكم برحله عائليه لاندونيسيا
السلام عليكم و رحمة الله و بركاته
الاخوان و الاخوات الاعزاء زوار و اعضاء و مشرفين و اداريين الموقع
اول شي اهنيكم على الموقع هذا الي بصراحه هو صرح شامخ للسياحة العربية و العالميه
و الشي الثاني ابي مشورتكم برحله عائليه لاندونيسيا
بصراحه انا فكرت ازور اندونيسيا لاول مره و ما اعرف فيها اي شي و الرحله بتكون عائليه و لهذا السبب ابي مشورة الخبراء في هذا البلد و لو اني لحالي ادربي براسي يمن و يسار و لو انام في اي مكان مايفرق معاي لاكن بالعائله لا زم ارتب اموري من الالف الى الياء
على العموم عدد الاشخاص بيكون 6 اشخاص
1- والدتي حفظها الله تعالى من كل سوء و اطال الله بعمرها
2- محدثكم و اخوكم الصغير master saudi الله يقويه
3- المدام الله يبارك فيها
4- ثلاث اطفال اعمارهم 7- 5 - 3 سنوات الله يحفظهم
و الرحله بتكون بمشيئة الله تعالى بالحج من 5---20 نوفمبر تقريباً منها يومين بالامارات دامها على طريقنا (( طيران الامارات )) يعني الصافي بيكون 13 يوم لاندونيسيا
مدري ال 13 يوم هذي كيف اقسمها
كم لجاكرتا و متى ( اول الايام ام اخرها ) (( و وين اروح فيها ))
كم للجبل و متى ( اول الايام ام اخرها ) (( و وين اروح فيها ))
( ودي بفلل امنة جداً لاني سمعت ان فيه سرقات و خلافه غير الشرطه الي كل شوي داقه الباب يدورو شحته او يتلبشوا خلق الله و من هذا القبيل )
و هل في محل كمان قريب يسير نقعد فيه كم يوم
اتمنى احصل اجابه كافيه وافيه من الخبراء عن الاماكن و الاسعار و خصوصاً الاسعار
و انا بأخذ لفه على المواضيع ان شاء الله تعالى على قد ما اقدر لان وقتي ضيق جداً بسبب عمل فترتين خلاف البيت و الاولاد و الطلبات و خلافه
في شي اخير حبيت اقوله اني كنت ناوي السنه هذي الحج مع والدتي حفظها الله و المدام و لاكن بسبب اني حجيت قبل 4 سنوات مع واللدتي حفظها الله فقالي صاحب شركة الحج ما في تصريح الا قبل ما يعدي 5 سنوات فقلت الحمد لله على كل حال السنه الجايه اذا الله اعطانا عمر نحج و السنه هذي نخليها سياحه و نروح بلد جديد علينا مازرناه من قبل
اخيراً ادعوا الله عز وجل التوفيق لنا جميعاً و ان يحفظنا في كل وقت و كل زمان
اخوكم الصغير master saudi
و السعر و من وين افضل حجز و متى احتاج سواق يلازمني و متى التكاسي يكون الحل المناسب
و لو فيه احد عنده جدول رحله متكامل من اولها لاخرها يسير كفا و وفا و بيض الله وجهه