زوجة الدبدوب
13-11-2022 - 07:26 am
السلام عليكم
اناوزوجي قررنا وبعد تفكير في عده دول قررنا اخيرا نقضي شهر العسل في استراليا يالله اخواني همتكم ساعدوني رحلتا تقريبا اسبوعين في شهر ديسمبر عطونا تقريبا التكاليف وافضل مناطق السكن خصوصا واحنا معاريس نبي اماكن نظيفه وزينه وايش تقدرون تفيدوني فيه ياليت تحطونه
أغلب الي يروحون أستراليا يروحون سدني وجولد كوست وملبورن
انا زرت سدني وجولد كوست
الفنادق الي في سدني سكنت في فور بوينت شيراتون
فندق جيد جدا ولو ان مساحة الغرف العادية صغيرة جداً
وسعره كان 960 درهم في اليوم بدون أفطار
واتوقع فندق الماريوت أو الفور سيزون أهدء وخاصة انتوا معاريس جدد
ان شاء الله خبراء سدني يقيدونج أكثر
اما الجولد كوست أنصحج انكم تسكنون في سيركل اون كيفن حالياً
يعتبر واحد من أفضل الفنادق على نظام الشقق المفروشة في جولد كوست
ولكن ماعندي علم بسعره.
وانا سكنت في كارديت ماريوت رخيص سعره 350 في اليوم بدون أفطار
بس على نظام الفنادق يعني مافي غسالة ولا مطبخ ولا هالسوالف
بس الاثاث قديماً