الف الف مليون مبروك ..
والحمدلله العيدين مروا بأحتفالات جميلة جدا ..
ومن ضمنها ليالي هلا فبراير .. والمهرجنات من يوم 29/1
بس الحقيقة من اكثر الاشياء اللي عجبتني اوي رش الفوم في شارع الخليج و شارع البلاجات
الحقيقة استمتعت بها جدا وخلصنا 2 كرتون فوم
وصورت صور كثيرة لهذا الاحتفال ان شاء الله بنزلهم قريبا ..
والاطفال كان هم اصحاب التميز فعلن اتذكر طفلة حاملة لوحة مكتوب عليها لغسيل السيارة سير رقم 1
وكل سنة والكويت جميلة متقدمة متحضرة ..

مبروك عليكم ياأهل الكويت والله يجعل كل أيامكم افراح وسرور

كل عام وانتم بخير
وانا مصوره صور في مسيرتنا واتمنى تعجبكم
اختكم

كل عام و الكويت بخير
و الله يحفظ الكويت و اهلها و اميرها من كل مكروه

كل عام و الكويت دولتنا بخير

الأخ / عاشق مصر
لا أعرف ما هي المتعة والوناسه في رش الفوم في احتفالات العيد الوطني
الاحتفال بالعيد الوطني في السنوات الماضية كان أحلى حتى المسيرة كانت منظمة أما الآن فصارت المسيرة في شارع الخليج خطرة
( رش الفوم ) شوف شلون يرشون عليك وإذا انتهى رمى العلبة على السيارة إ
بصراحة اتحاشى الذهاب للمسيرة في العيد الوطني لأنها صارت مسخره مو مسيرة
وتعال شوف المكان ثاني يوم بعد المسيرة ....
غابة من النفايات وعلب الفوم الفارغة ......
اتمنى من المسؤولين منع الفوم في احتفال العام القادم

الف الف الف مبروك للشعب الكويتي
و لحبيبتي ديرتي وديرة اهلي الكويت الحبيببه
وانشالله تدوم الافراح

الف الف مبروك لدولتنا بعيدها الوطني وعيد التحرير .......
والفوم يا اخواني وخواتي ليش مو زين بس هالسنة طلعوا انه مو زين ولا كل سنة ما فيه شي .......والجراغي قالوا بعد مو زين ......ولا ليش بنحتفل بشي يصير مو زين ......كل دوله لها مهرجان سنوي تحتفل فيه ما شفنا احد ينتقدهم اشمعنا الكويت ....اسبانيا يلعبون بنعمة الله وهي الطماطم ما قلتوا شي .....وجنيف فيه احتفال والبرازيل وغيرها وغيرها ........احنا ما عندنا الا هالفوم ووناسة اليهال فيه .....وبعدين اللي ما يبي الفوم والمسيرة ليش يروح ....لا تقولون طريقنا للاهل او لاي مكان يمر من هناك لا ولا ولا ...لأن كل الطرق تؤدي الى روما ....واللي ما يبي يروح المسيرة ولا الفوم لا يروح ....
واذا الفوم خطر ....
عندي سؤال بريئ ليش يصنعونه؟
الصراحة خل الناس تستانس واحنا بعد مو بالخليج نحتفل ....احنا نحتفل بالبر واللي يبي من عندنا يروح يروح للجليعة فيه تجمع وفي بعد ببنيدر وناسة الشباب والاطفال يروحون يستانسون واحنا بالخيمة مكانا ......
وبعدين اقول وشنو اقول((( غير انج يا كويت تبقين احلى وطن)))