تارك
01-11-2022 - 09:34 pm
السلام عليكم ورحمة الله وبركاته
الثلاثاء الماضي انصدمت من اللي شفته في الهوليدي ان الهاف مون في الخبر بعد مافكرت انا و المدام نقضي ليلتين فيه،
للأسف قمة الإستهتار ،
في البداية لما حجزت قالوا لي 15% من السعر المدفوع للغرفة للخدمات (!!!!!!) وكان المبلغ 700 ريال
طبعاً لما وصلت انتظرت ساعة عشان يطلعون الشنط وبعد ساعة نزلت للاستقبال اسئلهم ليش التاخير
نزلت عشان مافيه احد يرد على التلفون ولما نزلت كان فيه شخص واحد وعندة زحمة ؟؟؟؟؟؟شخص واحد في الاستقبال.
دخلت الحمام اعزكم الله حصلت في احد الفوط دم ،نزلت تكلمت محد عطاني وجه بس اسفين بنرسلك فوط غيرها
في اليوم الثاني طلعت من الفندق وقلت للأستقبال انا طالع وابغى احد ينظف الغرفه قالو سم
ابشر ولما رجعت مااحد حرك ساكن !!!!
والادها من هذا كله الغلاية حقت الشاي أوه مصدية وريحتها تقرف وبعد ثلاث اتصالات جا عامل النظافه وقال ممكن ادخل عندك في الحمام عشان انضفها !!! اقسم بالله قهرني قلت رح خلاص.
لا وفي الفطور لما طلبت مويه قالوا ادفع !!!
بالله ليش الاستخفاف بالناس بس اهم شي عندهم سحب هالفلوس
ولما جيت اطلع جو على طول يشيكون على الثلاجه والله شي مضحك.
والله هذا اللي حصل معي لاكن مااقول الا حسبي الله ونعم الوكيل.
معروف زيادة النجمات يعني زيادة في الخدمات والعناية الفائقة بالنزيل