انا بقول لك اسعار تقريبة باليورو وانت حولهم العملة
1 - السكن باليوم ل 6 اشخاص ( 200 الي 270 يورو باليوم ) شقة محترمة و جيدة
2- الشخص الكبير يكلف ( 75 الي 100 يورو باليوم ) // ( الاطفال 50 يورو ) شامل اكل + تنقل باص + دخول منتزهات + شراء هدايا صغيرة
3- تحتاج ال 200 يورو اسبوعيا للبقالة
4- ايجار السيارة تقدر تشوفة مباشر من اي موقع لايجار السيارات و كذالك التذاكر السفر
5- 100 يورو وقود سيارة كل 6 ايام
و سلامتك

للاسف الميزانيه قليله
تذاكر وفيزا راح يكلفكم 20 الف
سكن لمده 21 يوم لايقل عن 25 الف ريال كحد ادنى
سكن وتذاكر 45 الف ريال
باقي 5 الاف من 50
ميزانيتكم قليله عددكم كثير + عدد الأيام

bohasoon
زياده على كلامك يابو حسون الله يعطيك العافيه
تكلفت كل شي باليورو واضربي في 5.5 ويطلع لك المجموع
تحياتي

شوفي وانا اخوك ... اذا انتي من النوع اللي يحب الفشخرة والسكن في اغلى الفنادق والتمنظر في المطاعم قدام الناس فالميزانية ماراح تكفيك ... واذا انتي غير كذا فميزانيتك تبي تكفيك اقل من ثلاث اسابيع بشوي بس بشروط
اولا تستأجر سيارة وبما انكم 6 اشخاص فراح يكون معدل ايجار سيارة عائلية بمعدل 300 ريال في اليوم بحد اقصى
ثانيا تختار السكن بعيد عن وسط المدينه لوجود السكن الممتاز والرخيص وماعندك مشكله في موقع السكن لانك معك سيارة وبتحصل فنادق وشقق بسعر ممتاز تقريبا بمعدل 500 ريال باليوم
ثالثا تشترى اغراضك ومستلزماتك من السوبرماكت الكبيرة مثل سبار وبيللا وماكسي ستور لان اسعارها مقاربة للسعودية وتتجنب البقالات ومحطات البنزين لان اسعارها اغلى بكثير
يبقى المصروف اليومي للستة اشخاص وبيكون تقريبا 40 يورو للشخص او 200 ريال في اليوم للشخص او 1200 ريال لكم كلكم شامل كل شي تمشية وتذاكر الاماكن الترفيهية والاكل وفي بعض الايام راح تصرفون اكثر وبيقابلها ايام تصرفون اقل ولاتنسين ان الاطفال غالبا دخولهم مجاني للاماكن الترفيهية
على كذا اليوم يكلفكم 300 + 500 + 1200 = 2000 ريال باليوم شامل كل شي ماعدا تذاكر الطيارة
فاذا كانت تذاكركم بعشرين الف فالباقي من الخمسين يكفي 15 يوم بالراحة واذا تذاكركم اقل فزود الايام
على فكره ترى اذا بحثت في الانترنت زين راح تحصل اسعار افضل من كذا بكثير فمثلا الصيف الماضي اخذت سيارة فورد S-MAX تشيل 7 اشخاص وفيها نافيجيشن وسقف بانوراما من يوروبكار مطار فرانكفورت ب 250 ريال في اليوم
وشوف اسعار الشقق القريبة من زيلامسي ل 6 اشخاص تبدا من 57 يورو او 320 ريال في اليوم تقريبا في الرابط التالي
https://www.booking.com/searchresults.html?aid=1300939
وذا معاكم اطفال اقل من 12 سنه فيوجد بعض الشقق اللي تسمح للاطفال بالسكن مع الكبار في شقق مخصصة لاربعة اشخاص وهذا بتشوفة في خانة الشروط في صفحة الحجز في بوكنج
وانا شخصيا قد سافرت اكثر من مرة مع عايلتي 2 كبار و 2 اطفال وكان اليوم الواحد مايكلفنا اكثر من الف ريال شامل السيارة والشقة والتمشية من غير تذاكر الطيارة وكانت من اجمل السفرات

قايدعنادك
اليورو اليوم يساوي 5.08 ريال
http://finance.yahoo.com/currency-converter/

اخوي ابوعامر
هل السكن في مكان ممتاز يعتبر فشخره ؟؟!!
والتمنظر قدام الناس ؟؟ وش علاقته بالماده ؟!!
اجل اروح اوروبا اسكن في قريه الحالي واحرم نفسي من المطاعم ليش !!
انا اتكلم كحد ادنى لمعيشتنا كخليجيين اخوي
احنا لنا حد ادنى مستحيل ننزل تحته
ممكن الأجانب يسوونها !!
اخوي انا زرت النمسا مرارا وتكرارا بعائله صغيره وعائله كبيره من 9 اشخاص
حلو الواحد يحصل اسعار ممتازه ولاهي عيب بالعكس حنا الي بندفع
لكن صدقني الرخيص له سلبيات كثيره
اخر زياره لي للنمسا والمانيا سبتمبر الي راح وكلفتني 9 اشخاص شامله من والى 120 الف ريال
تذاكر سياره + ميونخ فندق 4 ايام زيلامسي شقه فيينا شقه لاحظ اخوي مو كل المده في فندق
وصدقني 120 الف انا موفر كثير مده 22 يوم

ابو عامر 2011
اخوي ابو عامر الله يجزاك خير
انا احسب بغير تسعيرة اليوم
احسب بمتوسط سعر اليورو خلال الثلاثه اشهر الماضيه
اضف الى هذا ان التسعيره اثناء التداول اذا بحساب البنوك ومحلات الصرافه ب5.3
وغير كذا ان البنك ياخذ منك نسبه فوق تسعيرة اليورو لديه والبنوك تختلف اقلها الراجحي ياخذ 1% على كل عمليه شراء
فافضل شي نحسب بالماكسيموم لليورو علشان ماتخوننا الحسابات واحنا برا .... على قولهم الزود ولا النقص
وتحياتي

1. مشيت السيارة خلالها اكثر من 6000 كيلو

Unique Man
اخوي Unique Man العزيز
اختلاف الاراء لايفسد للود قضية .. وبعطيك مثال حي
الصيف الماضي سافرت الدمام فرانكفورت الدمام من 16/6 الى 7/7 2011 في رحلة مع زجتي واطفالي الثلاثة وطانت الرحلة كالتالي
1 يوم فرانكفورت المانيا للراحة من السفر فندق اربع نجوم مع الافطار
3 ايام اميرسفورت في هولندا فندق على البحر مباشرة اربع نجوم مع الافطار
2 يوم ميونخ المانيا للراحة من الطريق وزيارة ميونخ ومدينة العاب سكالاين بارك في فندق اربع نجوم مع الافطار
9 ايام زيلامسي النمسا شقة دور ارضي مع الحديقة تبعد كيلو عن سنتر زيلامسي زرنا خلالها ممر جلوكنر 4 مرات والقمة الثلجية وشلال كريمر وسالزبورج والزحليقه الصيفية
1 يوم سانت كاترينا ايطاليا راحة من الطريق في جبال الالب الايطالية بعد ان قطعت ممر ستيلفيو الشهير
3 ايام ميلانو ايطاليا للتسوق
1 يوم اولم المانيا فندق ثلاث نجوم مع الافطار للراحة مريت خلالها ميتزنجن اوتلت
1 يوم فرانكفورت المانيا فندق ثلاث نجوم مع الافطار للراحة والاستعداد للعودة اليوم التالي
وغالبا نظامنا نفطر في الشقة او الفندق ونطلع نتمشي الين العصر بعدين نرجع نريح ونصلي بعدها ننزل نتعشى برى .. فقط مره واحده سوينا عشانا في الشقة ...

مشيت السيارة خلالها اكثر من 6000 كيلو

الرحلة هذي كلفتني تقريبا 33000 شامل كل شي تذاكر طيارة + سيارة + سكن + تمشية واكل
وفي صيف 2009 زرت ميلانو واخذت جناح بجاكوزي في فندق اربع نجوم في المنتصف تقريبا بين ميلانو ولوجانو وكلفني الجناح 65 يورو تقريبا 320 ريال .. كنت في الصباح اروح لفوكس تاون للتسوق وفي المساء اروح للدومو في ميلانو
ولو كنت بحب الفشخرة كنت اخذت فندق في الدومو وراح يكلفني على الاقل 200 يورو
وبعدين ياخي وش حد ادنى للخليجيين .. ليه وش فيهم الخليجيين اختلاف عن باقي البشر .. ياخي ماصار الخليجيين نكته عند العالم الا بسبب التمسك بالمظاهر اللي ماتهم احد

قايدعنادك
اخي العزيز
سعر اليورو يختلف من سنه لاخرى
الصيف الماضي شريته 5.45 من الصرافين بالبطحا
وصيف 2010 كان اليورو ب 4.8
وصيف 2009 كان ب 5.25
وصيف 2008 وشريته ب 6.1 ريال من بنك الراجحي
وصيف 2007 شريته 5.2
وصيف 2006 شريته 4.8
وصيف 2005 شريته 4.5
ومتوقع انه بيكون اقل من 5 ريال في الصيف القادم باذن الله