al kobar
هلابك اخووي
على حد علمي الفنادق لاتتعدا الخمس نجوم حتى اغلاء الفنادق العالميه
لاكن في فندق جنب السيف احسه راقي بمعنا الكلامه اظن ايمه ميركوري
واذا فيه افضل منه الشباب ماراح يقصرون معاك ..
دمت بوود

مشكور أخي العزيز على الرد
الفنادق اللي سكنتهم في البحرين
ميركور - إليت سويت - دبلومات - ريتز كارلتون - بنيان تري -

باختصار أبي أفخم فندق بالمنامة إذا تكرمتوا ؟
شكرا جزيلا

هلابك ..
يمدحون الماريوت
و
H, hotel
و
كراون بلاز
و
الخليج
هذه اللي عمري ماسكنتها
ولا اعتقد انها افضل من اللي سكنت انت فيها
مع التحيه

مشكور أخوي مضيع جواازه
بس ما قلتلي لقيت الجواز والا لي الحين مضيعه !!!!

هلا بك اخوي بالبحرين
وترى الشعور متبادل
بالنسبه لفندق ال7 نجوم هو اعتقد في طور الانشاء بوحده من الجزر الجديده يعني لسه مافتح يبيله وقت
وافخم فندق بالمنامه هو الرتز كارلتون
اخوي ممكن تزور الدليل السياحي اللي بتوقيعي وراح تلقى فيه مجموعه من فنادق البحرين ببعض الصور
واي استفسار انه حاضره

al kobar
مثل ما تفضلت الاخت مزون البحرين..افضل فندق هو الريتز كارلتون
اما المركيور اللي ذكروه الاخوان فاضني هو 4 نجوم وليس 5 نجوم
تحياتي لك
ويامرحبا بك في ديرتك الثانيه البحرين
اختك

يا هلا أخوي بين أهلك وناسك.
حتى الآن أفخم فنادق المنامة هو الرتز كارلتون ,, ولكن أفخم فنادق البحرين باعتقادي هو بنيان تري.
وبالنسبة للنجوم فندق فور سيزون المقرر إنشاؤه من فئة 6 نجوم بس مادري والله شنو مصير أعمال بناءه حتى الحين.
أخوي ليش ما تجرب فندق الشراتون عند مركز البحرين التجاري العالمي ؟؟ فخم جداً وأكيد راح يعجبك دامك ما زرته من قبل. وهو متواصل مع مجمع مودا مول أحدث المجمعات التجارية بالبحرين وأرقاها.
ولأي استفسار حنا حاضرين ويا هلا فيكم.

مشكورين وايد على الردود
وراح أعمل بنصيحت بحريني غير وأسكن الشراتون لأن الرتز كارلتون وبنيان تري سكنتهم