خذ لك لفة على تقارير قطر وفيها ستجد مرادك ان شاء الله

السلام عليكم ...
اول شي اعتذر من صاحب الموضوع .. بس حاولت اضيف موضوع جديد ومو راضي فلذلك بسأل هنا
ان شاء الله احنا ناوين نزور دولة قطر في الاجازه هذي
من تاريخ 3 الشهر الجاي الى 8 ان شاء الله تقريبآ راح يكون جلستنا 5 ايام
واحنا عائله ماشاء الله 4 كبار و4 اطفال .. محتاجين شقه تكون غرفه وصاله او غرفتين .. مو ضروري تكون من الشقق الواو
المهم شقه نظيفه وماتكون غاليه .. حدنا في الليله 500 ريال .. حاولت ابحث بالنت بس كل الي احصله فنادق وغرفه بس
ياليت ياهل قطر تساعدوني في الشي هذا حابه احجز الشقه وانا بالسعوديه

كتومه
هلا وغلا
حياكم الله في قطر
بالنسبة للشقق عندج شقق رتاج
في عضوه سكنت فيها وتقول سعر الغرفتين 650 لان كان وقت عيد
بس الحين أعتقد الأسعار نزلت
وعلى العموم هذا تقرير الاخت وتقدرين تلقين نظرة على الشقق
https://artravelers.com/p/re/426823
وإذا لقيتيها غاليه قولي لي علشان أشوف لج شقق ثانيه
وبالنسبة للجدول معقولة اليوم الثالث بيكون كله حق جزيرة اللؤلؤة !!
أنا أقول روحوا الجزيرة نهاية العصر واقعدوا هناك وتمشوا وتعشوا
بس الصبح روحوا مكان ثاني
يعني لاتقعدون اليوم كله في الجزيرة
مثلا روحوا سيتي سنتر الصبح واقعدوا لين الظهر أو العصر دشوا السينما والا تمشوا وتسوقوا
وعقب العصر روحوا الجزيرة

أختي كتومه
Corp Executive Doha Suites عبارة عن شقق توها يديده وأسعارها رخيصة
شوفي اللي يناسبكم وردي علي

النوريq
يحييك فديتك
بالنسبه للشقه مره عجبتني بس حابه اعرف سعرها بالضبط كم ... ؟؟ يعني بيكون 500 اذا كذا اوك حلوو
محتاجه الرقم اكلمهم حتى احجز وبكون شاكره لك

كتومه
هلا أختي
هذا موقع الشقق
تقدرين تدخلين عليهم وتشيكين على الأسعار
https://artravelers.com
وأنا حاولت أشوف لكم من يوم 3 لين يوم 8 لكن ماطلع لي شي
اظاهر السيستم عندهم خربان أو كل الشقق محجوزة
تقدرين على العموم تاخذين رقمهم من الموقع نفسه وتسألينهم عن الاسعار
بالنسبة لشقق كورب في عضو سكن عندهم في شقة بغرفة وحده ب 300 ريال من موقع بوكينغ
عاد ماادري عن سعر الغرفتين بكم
وعلى فكرة ترى باقول لج شي
الأسعار في قطر مرتفعة يعني صعب تلقين شقة بغرفتين ب 500 ريال