أخوي hamad123
هلا بك في مسقط،،،،
أولاً: ترى مسقط تبعد عن البحر 200 كم، فكيف بتروح تحدق...
ثانياً: نحن لا بنهضمك بقلوبنا ولا بعيونا،،، بنهضمك في بطونا،،،،

هلا بك اخوي بس أمزح لا تصدق،،،،
الجو في شهر 9 بيكون مناسب إن شاء الله، بيبدأ الجو في البرودة تدريجيا،،، والصيف بيكون قد غادر،،،،
بخصوص الحداق- صيد السمك فما أعتقد فيه مكان مخصص لرحلات صيد،،، بس يمكنك الذهاب إما إلى منطقة الجصة/قنتب أو السوادي والاتفاق مباشرة مع أحد الشباب ملاك القوارب للخروج في رحلة صيد،،، والسعر بيكون مناسب والاستمتاع بيكون أكثر،،،،
وفيه مكان مخصص للرحلات البحرية الغوص ورؤية الدلافين والسنوركلين (رؤية المرجان) أسم المكان نادي الغوص،،، ما متأكد إذا عندهم رحلات صيد،،،، إذا حبيت بجيب لك الرقم،،،
بخصوص السيارات القديمة فحسب ما أعرف لا يوجد سوق معين بس،،، إذا زرت أحد المعارض المنتشرة في كل مكان قد تجد سيارة مناسبة،،،
مع التحية ويا هلا بك يا هلا

اشكرك جدا يا دوتكوم على الرد السريع والمفيد وعلى اصبعك العسل اللي ينقط عسل ( نحلة مو اصبع) واكيد الكيبورد صار مثل خلية النحل ( صرت بكاش رقم # 1 ) ههه لا تصدق
اخر مرة جيت الديرة قبل تقريبا 8 او 10سنوات اذا مو اكثر لكن اعتقد كان الجو رطوبة او شاهدت بحر وكورنيش اخاف اني كنت احلم او مرتفع السكر من حلاتكم
و 200 كم واجد ما تسوى انا سمعت في سوق الجمعه للسيارات مفيد جدا وجميع اسواق السيارات في مسقط حتى في سوق اسمه سوق الحرامية للسيارات ..صراحة يخوف ... وابلغني صديق من عمان فهل هذا صحيح :*)
طيب تاجير السيارة افضل ام التاكسي ايهما اوفر ؟ واذا تزودني باسعارهم هم شاكرلك
اخيرا اسف على الاطالة لاني فاضي الان

هلا أخوي ولا يهمك إنت بس آمر وتدلل
بصراحة اليوم أنا كنت على الشاطئ الجو يجنن،،، فيه بعض الاحيان نفحات رطوبه،،،، بس بصراحة كان الجو يشجع على المشي،،،، أنا كنت متعشي سمك مشوي وأخذت لي مشيه على الشاطئ روعة بصراحة ،،،،
فأعتقد إن شاء الله إن الجو في سبتمبر يكون حلو لا تخاف،،،،
فيه سوق للسيارات كان ولا زال يعرف بسوق الحرامية (تو حرامية ما شي) بس السوق باقي ولا تخاف ما فيه مسروقات بس لا تتوقع إن السيارات فيه تكون قديمة لكن يمكن تحصل إن شاء الله إلي تريده،،،،
عن التنقل،،، إستأجار سيارة أحسن من التأكس عشان حرية التنقل،،،، السعر الاقل لسيارة تمشي الحال 10 إلى 15 ريال،،،،
بس أنا أنصحك تأخذ من المطار ولو أغلى إذا كانت سيارات التأجير في المطار مؤمنه تأمين شامل،،، لان سيارات المكاتب خارج المطار مؤمنه طرف ثالث على ما أعتقد،،، في المطار يمكن يكون السعر من 15- 25 والسيارات بتكون في حالة جيدة جداُ،،،،

هلا فيك اخوي حمد في وطنك الثاني
الظاهر عليك فهمت خطا من كلام الاخ دوتكوم
كان يمزح معاك لما يقولك ان مسقط تبعد عن البحر ب 200 كلم
مسقط بجوار البحر مباشرة
الجو يبدا يبرد على شهر سبتمبر وان شاء الله تحصل مبتغاك من الحداق ومن الوناسه
بخصوص السيارات افضل انك تشوف المعارض مال السيارات في مسقط لاني ما اعتقد انك تحصل سيارات
كلاسيكيه في سوق السيارات اللي يصير يوم الجمعه في الوادي الكبير
اتمنى لك رحله طيبه الى بلدك الثاني سلطنة عمان

دوتكوم ضحكتني اضحك الله سنك 200 كيلو قول 50 او 60.. صحيح اني ما احب مادة الجغرافية لما كنت بالمدرسة لكن ما انسى شواطئ عمان لكن تسلم يا الحبيب على المعلومات الطيبة لكن بعد نصيحتك باخذ اول يوم تاكسي ( كمرشد ) يعرف اسرار مسقط وبعمل معاه مقابلة وبسجل لمدة يوم بنشف دمه وبسوي نسخ لصق للمعلومات ... وبعدين استاجر سيارة
والشكر متواصل للمترجم الفاضل rashid2003 اللي ترجم مزحة خفيف الظل دوتكوم لكن يا اخوي rashid2003 ما حددت كيف اذهب للحداق مع عدة الصيد مع اني ما اصيد لكن للوناسة ... واذا بتجي معاي حياك بس بشرط تعرف السباحة لاني ما عرف اسبح بس اعوم فوق البحر مثل البطة
اتمنى ما ثقلت عليكم

بخصوص السيارات فيه
سوق الجمعة في الوادي الكبير او مدينة نزوى
وسوق الحرامية :d في المعبيلة (السيب)

No FeaR اشكرك تواضعك وردك السريع
لكن هل الاسم صحيح ومطبق انه سوق الحرامية فعلا
واذا كان صحيح اسمه كذلك ، اركب مع التاكسي واقوله وديني للحرامية :36_6_10:

اتمنى سهم السياحة في الخليج لا يتغير وان يكون بارتفاع مستمر:36_11_3:

كيف الجو يا اخوان في مسقط اتمنى ان هواة المشي في النهار قد استأنفت ودبت الابتسامة على الوجوه
تحياتي لاهل عمان اهل المجالس العربية الاصيلة