لا أخوي الفيزا تطلعها من المطار وأنت نازل بجاكرتا وبإستطاعتك أنك تطلعها من السفارة بالرياض ولكن تكون أغلى بسعر وهناك أختلافات بسيطة وفروق بين فيزت السفارة والمطار ليس مهم ذكرها

اعتقد من السفارة اضمن واحسن والله اعلم

الله يعطيك العافيه اخوي صاري . انا العام سافرت لها وطلعت الفيزا من المطار .
بس انا قريت تقرير في المنتدى بعنوان (موسوعة اندونيسيا الشاملة) . اسم الكاتب ( بيرق العز )
وفيه ان المملكه العربية السعودية من ظمن الدول التي تستخرج الفيزا من السفارة التي في العاصمه . لعشان كذا انا استغربت كثير . ما ادري يمكن انا مافهمت صح بس لو تدخل على العنوان الي كتبته وتشوف . وعطني ردك

دوام السفاره الاندونيسيه في الرياض
احد عنده خلفيه .
. ييداومون والا لا
ومتى دوامهم في رمضان
يعني الحين هم يداومون والا معطلين مع السعوديه .
ومتى يفتحون بعد العيد .

مراحب
اذا بتجلس من شهر واقل الفيزا من المطار بسهولة.
من شهر واكثر انصحك من السفارة وبمبلغ 170ريال لمدة شهرين المطلوب احضار الجواز وصورة التذكرة فقط ولك تحياتي وبالتوفيق ان شاء الله.

بسم الله الرحمن الرحيم
السلام عليكم ورحمة الله
خلونا نتكلم عن الأنظمة المتبعه عن الفيزا سواء أخذتها من مطار جاكرتا أو من السفاره الأندونيسيه

• فيزة مطار جاكرتا ما لها وما عليها :

1- قيمة الفيزا 25 دولار لمده أصاها شهر واحد فقط لاغير ( فقط لا غير ) يعني من مطار جاكرتا
أكثر من شهرما تقدر تاخذ
2- فيها عيب جدا سيئ ألا وهو لو أنتهت الفيزا وناوي تجلس أكثر من الشهر لا تستطيع
تمديدها سوائا من المكاتب الخاصه بجاكرتا أو من غيره
3- يوجد غرامه بعد أن تنتهي مدة الفيزا وقدرها 25 دولار لليوم الواحد
4- اذا زادت المده وصارت الغرامه عليك كبيره جدا ورفضت الدفع
راح تدخل في قائمة البلاك لست وتحرم من دخول البلد
5- اللي عليه غرامه لازم ينتبه من نقطه جدا مهمه وهي أثناء دفع قيمة الغرامه
في حركه دائما تحصل من قبل موضفين المطار تجاه المسكين اللي بيدفع الغرامه
وهي انهم يقولون له ادف نص المبلغ ونخليك تسافر ومسكين على نياته يدفعها
ولين جا مره ثانيه يسافر يحصل نفسه في البلاك لست بسبب ان الموضفين اللي اخذو منه المبلغ
حطوو الفلووس في جيوبهم
فالعمل الوحييد تجاه هذي الحركه انك تاخذ ورقه على كل كبيره وصغيره تسويها
لو ان شاء الله تدفع ريال .
6- لو انمسكت بوصط البلد والفيزه حقتك منتهيه على طول يتجهون فيك لمركز الشرطه
وتبدا المرمطه والحوسه والإبتزاز .
أنصح جميع المسافرين وخاصتا المسافرين لأول مره واللي ما يعرف البلد صح
انصحه بأخذ الفيزه من السفاره الأندونيسيه للإحتيااط والحذر وراح اتكلم عنها الحين

• الفيزه المستخرجه من السفاره الأندونيسيه ما لها وما عليه :
• الشروط والمتطلبات :

1- صور شخصيه
2- احضار جواز السفر
3-اهم شي تذكرة السفر يجب احضار تذكرة السفر
4- يختلف استخرج الفيزه من سعودي لأجنبي
5-قيمة الفيزه من السفاره تبلغ 168ريال و75 هلله
6-تضمن سلامت نفسك وتسجيل جوازك بالسفاره
الميزه الحلوه والمفيده في الفيزه المسخرجه من السفاره الأندونيسيه هي كالتالي:
1- تقدر تطلب الفيزه لمدة شهرين
2- لو كنت هناك بأندونيسيا و معاك الفيزه مستخرجه من السفاره الاندونيسيه وانتهت مدة
الفيزه وحبيت انك تمدد المده ايش تسوي؟
ج- ياطويل العمر هنا تجي فايدة الفيزه المستخرجه من السفاره وهي انك تقدر تمدد الفيزه
وانت هناك بأندونيسيا عن طريق عدة مكاتب

التاج777
كلامه غير صحيح وتستطيع اخذ التأشيرة من المطار الاندونيسي مباشرة وبسعر 25 دولار اذا كانت اقامتك لمدة شهر واقل

الله يعطيكم العافيه انا استغربت يوم قريت المقاله . ولعشان كذا حبيت افيد واستفيد
ولكم تحياتي