1. سوف تكون مدة الرحله 14 يوم من 26 سبتمبر الى 10 اكتوبر


2. هل تنحصوني اروح برشلونه سياره او قطار او طائره ؟ ..

السلام عليكم .. اتمنى من الأخوه والأخوات خبراء اسبانيا مساعدتي في التخطيط لرحلتي الى اسبانيا

سوف تكون مدة الرحله 14 يوم من 26 سبتمبر الى 10 اكتوبر

سوف يكون الوصول يوم الجمعه صبحا الى مدريد والعوده من برشلونه .. مخططي اتمنى فيه كل شي .. ابي مدن صاخبه وابي طبيعه وابي الأندلس وهي سببي الاساسي لزيارة اسبانيا ..
بعد البحث قررت ان يكون الجمعه والسبت والأحد في مدريد ( وقررت اخذ جوله بالباص السياحي ويوم ازرو فيه جبل الثلج "هل يكون موجود الثلج بوقت زيارتي او لا ؟" وابي ازور متحف الشمع اي الباصات توصل له ؟ وياليت ماتبخلون علي اذا فيه اماكن ماتتفوت مثلا طليطله تنصحوني ازورها ؟ او بعيده ؟ )
يوم الاحد يتم اسئتجار سياره والمغادره الى كومياس وقع اختياري عليها لأني ابي قريه هاديه جدا وبعد المقارنه مع سانتيدير وسباستيان وجدت انها اقرب الى رغبتي لكن خوفني منها محد زارها في المسافرون العرب وشجعني فيها وجود بيوت ريفيه روعه في بوكنج فعلا استرخاء ولاتهون الطبيعه .. رايكم اروح او لا ؟ علما ]أن المسافه من مديرد 375 كيلو .... سبب استئجار سياره ان الطريق الى الشمال جدا ممتع اضافه الى انه نحتاج السياره لأننا رايحين لقريه
وبجلس فيها يومي الاحد والاثنين ثم المغادره الثلاثاء بالطائره الى ملقا ( تكون المغادره عن طريق مطار سانتيدير لأنه الاقرب بحدود 70 كيلو
بعد الوصول الى ملقا سيتم استئجار سياره والسكن في ماربيا والسبب اعجبتني منتجعاتها اكثر من ملقا .. وفي ماربيا سيتم تخصيص يوم لزيارة غرناطه قصر الحمراء ثم يوم اخر قرطبه والزهراء ويوم لماربيا ام وش بعد ؟؟؟ عطوني جدول مرتب لزيارة مدن الأندلس يعني مثلا كل مدينتين قريبه لبعض اخصص لها يوم
سوف تتم الاقامه في ماربيا ايام الثلاثاء والاربعاء والخميس والجمعه والسبت والأحد المغادره الى برشلونه ..

هل تنحصوني اروح برشلونه سياره او قطار او طائره ؟ ..

الاقامه في برشلونه من يوم الاحد والاثنين والثلاثاء والاربعاء والخميس والجمعه المغادره من برشلونه للرياض .. في برشلونه هل نستأجر سياره او نتنقل بالباصات افضل ؟ بخصوص الباصات السياحيه فهمت لها الوان اي لون نختار ؟
نقطه اخيره معنا طفل مدلل عمره سنه ونصف مايرضى يجلس بكرسي البيبي وهذا مخوفني جدا من السياره هل الأنظمه هناك صارمه ؟ ولا عادي اخليه معي قدام ؟؟
موضوعي ملخبط مثل افكاري تماما .. متخوفه لأن هذي الرحله الاوروبيه الأولى لنا
افيدونا مأجورين ..