القعقا ع
الله لايجيب الشر عموما بما انها سيرة وانفتحت عليك طرح هذا السؤال
ماهي الأرقام التي يجب الاتصال بها في حالة طوارئ؟
يمكنك الاتصال بالرقم 144 لطلب سيارة إسعاف أو رجال الإنقاذ، و117 لطلب الشرطة و118 لرجال الإطفاء و1414 لرجال الإغاثة الجوية و140 لطلب جمعية مساعدة سائقي السيارات tcs/acs في حال حدوث عطب في سيارتك
و انصحك ان تطالع بالجاكيت اللي فيه عقد السيارة المستأجرة راح تجد رقم هواتف المساعدة في كل دول اوروبا
ربي يحفظ الجميع

السلام عليكم ورحمة الله وبركاته
هلا وغلا الغالي
صارت لنا سنة 2009
السياره ديزل وانا عبيتها بترول والبركه في ولد عمي الي اشر لي على الماكينه وعبيت السياره وانا كلي ثقه فيه *_*
والمشكله مع في السياره 6 نسوان ^_*
والوقت كان المغرب
وكنا راجعين من لوقانو ..
ومن حسن الحظ ان انترلاكن الي كانت مكان اقامتنا قريبه ..حوالي 12 كيلو كانت المسافه ..
واحنا على الطريق احس السياره بدت اتقطع وكأنها بتبند !
وفجأه بندت
اشغل السياره وكان تشتغل ..ومشينا اشوي وتبند مره ثانيه
وقعدنا على هالحركه لين وصلنا الفندق ..وهذا كان همي ..
ابي انزل النسوان وبعدها بتفاهم مع السياره على راحتي ^_*
ولما وصلنا اتصلت على شركة سيكست وهذي نقطه مهمه حق اي حد يستأجر سياره ..لازم تسألهم عن الرقم الي تتصل عليه في حالة الطواري ..
اتصلت على الرقم الي عطوني اياه وكلمتهم وقالوا اشوي وبنكلمك ..وبعدها بدقيقه دقوا علي وقالوا بنطرش لك سياره الحين اتشوف السياره وكان الوقت الساعه 11 فليل ..
اتصلي الي جاي ايصلح السياره وكان ماايعرف انجليزي فأضطريت اعطيه موظف الأستقبال الي في الفندق عشان يتفاهم وياه وطلع الرجال يبي العنوان بالضبط ..
ودقايق الا هو واصل ..واطلعت شركة adac ..وشاف السياره واشوي الا امطلع الاب توب ويبي ايوصله في السياره وقعد ايقلب الاب توب وماعرف ايوصله في السياره ..وشكل الرجال داخ وماعرف ..وفجأه ولد عمي الثاني قالي اعتقد انك عبيت بترول بدال ديزل ..لاني اشوف السياره صارت اطلع دخان اسود بعد ماطلعنا من المحطه !
واهنا سبحان الله جانا فتح من الله عزوجل وفعلاً اطلعت المشكله اني عبيت بترول بدل الديزل ..
فقلت للي جاي ايصلح وقال لازم اتوديها محل تصليح وقلت له اصبر علمني اي واحد اروح ..وتوه بيشرح قلت له اصبر ..
رحت اجيب القارمن وحطيت على خدمة السيارات وقلت له اي واحد !
فأشر على واحد وقالي هذا ..
وفعلاً اليوم الثاني وديت لهم السياره الساعه 8 الصباح لانه كان الجمعه والسبت والاحد امسكرين وكانت المشكله ان الاحد لازم انكون في باريس ..
والحمدالله بعد ماشرحت لهم الوضع وان الأحد لازم انكون في باريس وبنروح بالسياره قالوا خلاص تعال الساعه 4 استلمها لانه في بداية الأمر قالوا تعال اخذها الأثنين ..
هذي قصتنا مع السياره ..
اتمنى ان فيها فايده
اوفقين الغالين

أشكرك بعنف أخي أبوعزيز
لاتعلم ما أكنه لك من إحترام وتقدير في قلبي
وكم من مره دعوت لك بظهر الغيب
فمهما وصفتك تبقى شهادتي بك مجروحة

مشرفنا الموقر القطري
ههه
الحمدالله ان الله ستر عليكم والله موقف لاينسى
طيب ماقلتلي ليه هم ماتكفلوا فيها بالذهاب لأحد ورشهم
وكم كلفتك تقريباً
وبصراحة نقطه هامة جداً ذكرتها بخصوص التعبئة
الواحد احياناً في السفر تجيه حالات ويكون ساهي
ولابد يكون مهتم في كل صغيرة وكبيرة خاصة اذا كان قبطان الرحلة

هلا وغلا الغالي
فكرت فيها ولكن بسبب ان الجمعه اخر يوم دوام + الأحد لازم انروح باريس + الرحله كلها تعتمد علي + العطل كان بسيط وهو عباره عن تبديل طرمبة البترول وكلفة 400 فرنك ..
فأضطريت اخلصها بسرعه اما لوا السياره بطول اكثر راح اطلب منهم سياره ثانيه ..
وللامانه الشركه كانت كل اشوي اتكلمني وتسألني فيه اي مشكله فكنت اقولهم لحظه لين اشوف الفني الي بيصلح السياره ولما خلصت من الفني انتظرتهم لين كلموا وقلت لهم السياره بتخلص اليوم وماقصرتوا ..
ومن بعدها توبه ^_*
لدرجه صرت اتأكد كذا مره من البنزين قبل مااصبه ..

شكراً لك على ردك التفصيلي
والحمدالله ان الأمور عدت على خير وجعلها ما تتكرر

حمد الله علي السلامة و سالفة تعبيهالازم تتاكد و ان شاء الله تفاهمو وياك شركة سكست اوكيولا لعوزوكم