السلام عليكم اخوي .. اولا .. يعتمد على السكن .. هل بتسكن في فندق او شقة ؟؟ لانه اذا فندق .. يعني لازم تحجزون 4 غرف .. وتقريبا ارخص شيء يكون في حدود ال 600 درهم .. اذا انتوا عائلة كبيرة انصحكم بالشقة خاصة اذا بتقعدون في زيلامسي واايد .. ثاني شيء لازم تحسب التنقلات .. هل بتأجر سيارة او بتستخدم التكاسي والباصات ؟؟ واخوي انصحك اكثر من 5 ايام لاتجلس في زسلامسي لانه مافيها واايد اماكن سياحية ..
وبعد لازم تحط في بالك تنقلات القطارات .. اذا بتوصل فيينا .. من فيينا لين زيلامسي تذكرة القطار تكون تقريبا من 35-45 يورو .. وطبعا التذكرة اغلى اذا تبي تروح ميلانو ..
اتمنى اني قدرت افيدك وان شاء الله الاخوان بيساعدونك اكثر
رحلة موفقة

1. نفرض أن أجار الشقة وصل ل 2000 يورو لمدة 14 يوم ,

شكرا ً اختي بنت دار زايد .. وعساج ع القوة .
حسب ماقرأت بالمنتدى , اكتشفت أن أفضل لنا السكن في شقة .
لكن في اسئلة ببالي , أنا دخلت على مواقع الشقق , أسعارها تتراوح بين ال 75 و 100 يورو بالليلة ل8 أشخاص .
أسئلتي .
هل ممكن نزيد بعدد الاشخاص ونوصلهم لل9 أشخاص بنفس الشقة, ويكون معها زيادة بالسعر وكم تكون الزياده ؟ وتشمل السرير ؟
التنقل من المطار إلى الشقه يُقال الأفضل بالتاكسي , اتفقنا أننا انتقلنا بالتاكسي ووصلنا للشقه وأجرنا ,

نفرض أن أجار الشقة وصل ل 2000 يورو لمدة 14 يوم ,

الميزانية الباقيه 8000 يورو تكفي للرحلات والأكل والتنقلات بالباصات , والتاكسي من زيلمسي إلى فينيسيا والعودة ل9 أشخاص ؟ (( مع أحتمالية أخذ أطعمه من ديرتي .. كالعيش ( الرز ) والاطعمه الباقيه وبعض الأواني الخفيفه .. كما موجود و ينُصح به في موضوع أحد الاخوات ))
تكرار الزيارات لفينيسيا وميلانو .. من زيلمسي بالتاكسي , هل تكون التكفلة غاليه , ام ينصح بالقطارات إذا كانت هناك قطارات توصل زيلمسي بفينيسيا , ؟
ممكن اطلع لفرنسا , من زيلمسي .. يعني اعبر ايطاليا ثم فرنسا ,, بيوم واحد والعوده لزيلمسي بنفس اليوم ؟
وبالنسبة لميونيخ هل يوجد بها شيء يستحق الزيارة ( لعائلة ) غير السوق الشهيره هناك ؟
وأسف ع الإطالة بالاسئله , لأنها بتكون زيارتي الأولى .. لابد من الاسئلة الدقيقه ,
أتمنى أي شخص يعرف إجابات لأستفساراتي يجاوبني .. وأجره على الله .

اخوى بالنسبة للزيارات لفنيسيا وميلانو من زل ام سي فيها600 كيلو روحة وكثرهم للعودة والذهاب الي باريس عبر ايطاليا فيها 1200 كيلو انة اقول خلك علي ميونخ وزيلامسي وايد احسن لان كثر التنقلات فيها مصاريف زايدة وانت ميزانيتك يادوب اتكفيك واسمحلي علي الطوالة

شكرا ً إبراهيمي ..
فعلا ً التنقلات من زيلمسي إلى مدن إيطاليا ..ذهاب وإياب .. بتكلف كثير بالنسبة ل9 اشخاص . حسب ماوجدته بموقع ..قطار اوروبا ,, يوروب ترين .
أعتقد أن الزيارة بتقتصر على فينيسيا كأبعد حد .
هناك أخبار مطروحه عند الأهل .. ممكن تتوجه الرحلة إلى ماليزيا ,
سبحان مغير الاحوال , من قلب أوروبا إلى شرق أسيا , ياساتر .
الأمور ما اتضحت إلى الآن , لكن اللى عنده أجوبة لأسئلتي لايبخل عليّ فيها .
بخصوص التأشيره الأوروبيه ( شنغن ) كم تكفلتها للشخص الواحد, وكم تبلغ مدة استخراجها ؟

تأجير سيارة راح يوفر عليكم كثير
وخليكم على النمسا وما جاورها باريس بعيده حيل وغاليه بالسكن
أنا حاجز بباريس سويت يومين بقيمة شقة في كابرون لستة أيام تخيل
بالنسبة لماليزيا أخاف تكون زحمة لا تنسى كأس أسيا راح تواجه صعوبة في الحجوزات يمكن تأكد أول
تحيتي

لالالالالالالا ماليزية ارطوبة وانت منحاش من الحر والسكن صاير عندهم غالي علي شنو ماادري وبالنسبة حق الفيزا اعتقد ارتفع سعرها وصار 23دك انة ليلحين ما فيزت بس واحد من الشباب فيز وقالي هالسعر كثر القعدة في كابرون راح اتوفر وايد علي نفسك وتجرء واجر سيارة هم راح اتوفر اكثر وا خذو اكلكم وياكم السفرة اطلعت عليكم ابلاش

حاير وطاير .. شكرا ً .
بالنسبة لحجوزات ماليزيا حصلت بقيمة 252 د.ك للشخص الواحد تشمل السكن ورحلات وتنقلات ل3 مدن كوالالمبور ومرتفعات الكاميرون وجزيرة ناسي أسمها . عموما ً السعر ممتاز خصوصا ً انه يشمل لنا أشياء كثيره ومدة الإقامة 10 أيام .
شاكر لك مرورك .
إبراهيمي .. شكرا ً لك .
أنا معاك بأنها بتكون رطوبة لكن مو أكيد الذهاب لماليزيا . والإحتمال الأكبر زيلمسي لأنها مطلووبة وبقوة عند الأهل .
بالنسبة لتأجير السيارة .. أنا أسوقها يعني ولا معاي سايق ؟. وكم تكفلتها لليوم الواحد ,؟ غالبا ً السيارات شنو أحجامها يعني احصل سيارة عائليه مثل الفان ؟ هل احتاج رخصة دولية للقيادة ولا عادي ماكو تفتيش عندهم ؟
شاكر لكم كثير يا شباب وعساكم ع القوة .