1. ===================================


2. اليوم الرابع والخامس والسادس والسابع

انشالله تكون رحله موفقه .. ومدام انها ويا الابناء ان شاء الله ماتكون مكلفه ..
0ريال انشالله كافيه من غير التذاكر والفيزه الي تكلف 25 دولار تقريبا 6 دنانير كويتي تقريبا 70 ريال سعودي.. واذا تبي برنامج رحله لمدة 8 ايام حاضر ..
اليوم الاول .. الوصول الى المطار .. وتحجز من كاها فندق استون اتريوم واهوا فندق من 450 لي 600 الف
نقول 600 الف .. تحجز ليله وحده تريح فيها وتطلع تلف مجمع اتريوم وتلعب اليهال وماراح يكلفك شي وتعشيهم وتروح حق برج موناس ونقول الليله الاولى راح تكلفك 2 مليون و 600 روبيه .. التمشي والتكسي والعشى والفندق معا اليهال الله يحفظهم ..

===================================

اليوم الثاني .. تسوي جيك اوت من الفندق وتاخذ تاكسي وتروح منطقة اسمها انشول منطقه بحريه وتحجز كوخ على البحر ولا فندق ميركوري وراح يكلفك من 600 الى 850 الف تقريبا ..
ناخذ وسط السعر ونقول 700 الف .. وتاخذ اليهال وتوديهم دنيا فانتسي ( دوفان ) واهيا منطقة العاب جميله جدا وتلعب التلفريك وكلها تمشي بالسكيل ولا التاكسي وبعدين تروحون تاخذون عباره على البحر والغدى والعشى كله متوفر بمطعم بندر جاكرتا كلها قريبا من المنطقه وتروح عالم البحار sea world وعالم الثلوج ice world
يفضل تقعد يومين بأنشول علشان اليهال يستاسون .. واعتقد يومين يبيلها معا الفندق وتذاكر دخول الملاهي وعالم الثلوج وعالم البحار والغدا والعشى والتشري والمواصلات واحتياط 4 مليون تعيشك ملك زمانك
الحين خلصنا اليوم الاول بجاكرتا .. والثاني والثالث بأنشول ..
===================================

اليوم الرابع والخامس والسادس والسابع

بعدين يا طويل العمر تاخذلك تاكسي بلو بيرد وتقوله ودني بسرعه بونشاك الجبل .. وخاصة منتجع كوتا بونقا kota bonga
وروح وشوف الفلل الحلوه وعلى شكل رسوم متحركه والهادئه والرومانسيه واحجز حق اربعة ايام وفي داخل المنتجع مدينة الملاهي وفيه مدينه تشبه مدينة فالنسيا ( البندقيه الايطاليه ) وفيها تماثيل جورج واشطنين وغيره يعني مكان حلو حق الاطفال وانصح فيه وطبعا عن طريقه تقدر تروح حديقة الزهور وتروح سفاري وتروح البراشوت وتروح بحيرة الليدو .. طبعا ما تأجير سياره .. واربعة ايام راح تكلفك 10 ملايين تعيشك ملك فله وسياره والتذاكر والاكل والتمشي وغيره
الحين خلصنا رابع يوم وخامس وسادس وسابع
===========================
اخر يوم ترجع جاكرتا وتحجز فندق بوسط منطقه اسمها mangga dua مانغا دوا وفيها اسواق وايد وخل وياك خمس مليون واشتري هدايا وخل اعيالك ياخذون الي يبونا وبس انتهينا
طبعا مجموع تكلفة الرحله 22 مليون روبية تقريبا المده 8 ايام
===============
و 10000 ريال = اكثر من 29 مليون
بس خل الاحتياط والمواصلات من والى المطار حط 200 الف حق المطار والوزن الزائد والضرائب وغيرها من الضروريات
وبالتوفيق وحاضرين بأي خدمه وانا انشالله راح اكون متواجد مناك اخوك بوصالح الكويتي

يعطيك الف عافيه اخي ابو صالح الكويتي ....

10 ألاف تكفي بدون التذاكر بس خل معك مبلغ إضافي عند الحاجة لاسمح الله (زي الإستبنه بالسيارة)

تكفيك وزود بدون اي مبلغ اضافي

msd1391
اخي الغالي المبلغ كافي ان شاء الله تعالى
وياريت تطلع على تقريري العائلي ربما يفيدك
ولو تحتاج اي مساعدة انا حاضر
تقرير رحلتي العائلية https://artravelers.com/p/re/144057

بيض الله وجهيكم جميع

شيك اخوي على التقارير العائلية
وراح تلاقي اللي يسرك
طبعا الفيزا مثل ما قال اخوي Luv 21 قيمتها 25 دولار عن كل شخص
لكن بالريال تقريبا 118 ريال لتوضح الصوره وخل فلوسك كلها دولارات افضل
لان كل مائة دولار اكثر من مليون وثمانون الف روبية وافضل بالحساب
ولك كل الشكر
ابو خالد بونجاك اندونيسيا

هي تكفي بس ماراح تعيش في بحبوحه
يعني مافيه مشاري ولا هدايا
ولا مطاعم فخمه فخمه
يعني تمشيات ومطاعم فاست فود وبس

8000 دولار كافيه
الزود ولا النقص