اخي العزيز ماليزيا لغه التخاطب فيها هي الانجليزيه صحيح انه في كثير يتكلمون عربي لكن ماراح تحصلهم بكل مواقفك اليوميه هذا من خلال تجربتي.
لكن المسأله ليست مستحيله .. بالنسبه لحجوزات الفنادق اكيد بتوسيها قبل ماتروح ومايحتاج انك تتعامل كثير مع الرسبشن مجرد انك تعطيه الفاوتشرات وينتهي الموضوع واحيانا هم اذا عرفوا انك ماتتكلم انجليزي ممكن يستعينون باحد يتكلم عربي.
وبالنسبه للمشاوير اليوميه لازم تتعامل مع سواق يتكلم عربي حتى انك ممكن تستعين فيه في اي شي ثاني سواء بتعاملك مع الفندق او غيره0
هذا اللي حبيت اوضح لك بشكل مختصر واذا فيه اي سؤال انا حاضر

هلا اخوي .. يكفي انك تعرف ( الرسبشن ) ....
ترا امزح

بصراحة ما ودي أزعلك وأحبطك
أمورك إن شاء الله راح تمشي
لكن تبي تتعب في بعض المواقف
وبصراحة شوي تتمنى إنك دارس إنقليزي من يوم عمرك سنه
عشان تحل مشكلتك هذي
لكن ما عليك إن شاء الله أمورك تبي تمشي
وحاول تترجم بعض الجمل والكلمات المهمة وتحفظها قبل لا تروح
وخصوصاً الكلمات اللي تحس إنك ممكن تحتاجها
والله يوفقنا وإياك ويسعدك ويكتب الحياة السعيدة

ما ضرنا رحنا ندربيها
وانبسطنا بسطه خ
والحين نعرف ماليزيا شبر شبر
وعقب انت والمدام بتتذكروون
المواقف وبتظحكون عليها
و بالرسبشن تلقاهم حاطين لك موضف عربي علشان
الفلتات الي مثلنا خ
وعلى العموم ماراح تحتاج تتكلم معهم كثير
ان مخلص كل شغلك من وانت في ديرتك
يعني الصبح تنزل للفطور
تاخذ لك صن وتقعد تفر تاخذ الي تبي
وتجلس
وانت لما بترتب لك جدول تمشيك
بتطبعه من النت
فيه اسم الي تبيه بالعربي لك والانجليزي لسواق
التكسي
اشر له با الورقه على الي تبي وبينطلق بك
بس احفظ لك كم كلمه
مثلاً بريك فست

السلام عليكم
أخوي اقترح عليك توخد معك أحد القواميس اللي تترجم الجمل الاساسية للسواح الغير ناطقين بالعربية ، بمعنى فيه كتب جيب صغيرة تجد فيها جمل يحتاجها السائح مكتوبة بالعربي ومترجمة اسفل بالانجليزي ، فمثلا اذا اردت انك تقول لأحدهم جملة " اريد تدلني عالمكان الفلاني" ما عليك الا انك تفتح القاموس وتدور على ترجمة جملة "اريد تدلني عالمكان" وتضع اسم المكان من عندك ، صحيح انه مثل هذه الكتب مستحيل انها تحتوي كل ما نريد قوله ولكنها تساعد بالحد الأدنى ، طبع اللي أعرفه انه موجود مثل هذه الكتب عربي - انجليزي ولكن ما بعرف اذا موجود عربي - ماليزي بيكون أفضل وأروع
تمنياتي لك برحلة موفقة
تقبل مروري وتحياتي

يارجال طق طق معهم بالي تعرف والي ما تعرفه هز راسك وكلمهم كنك تكلمك هندي عندنا
كلشي بيمشي اهم شي سعة الصدر
هاذا انا رايح والاحرف الانكليزيه ما حفظتها :9

أخوي فيه ناس راحو صم وبكم يعني لا يسمع ولا يتكلم
ومشت أمورهم والبراحه
ليش مكبرين السالفة
رح وما جاك عندي

هلا بيك اخي الكريم من وجهه نظري اللغة الانجليزية ضرورية للسفر الى اي بلد غير عربي حتى ان كان بلد مسلم لان المسافر بدون لغة لابد ان يلقى بعض المتاعب تخيل نفسك عند الوصول تكون تعبان و تبغى تاكل و مافيك تنزل اكيد تبي تطلب من الغرفة راح ترفع سماعة التلفون لكن ايش راح تقول؟ هذا موقع من عدة مواقف ماراح ازعلك لكن انصحك انك تكتب بعض الجمل التي ستستخدمها دائما و الاخوان ماقصرو عطوك كم مثال الله يعينك لكن اعتقد انك راح تتعلم لغة جديدة بلاضافة الى لغتك اذا رجعت الا وهي لغة الاشارة لاتزعل مني تراني امزح تمياتي لك برحلة سعيدة و خالية من المتاعب باذن الله