انا اشوف انك ترسلهم ايميل وتعلمهم بموعد رحلتك اللي لواشنطن طبعاًَ بعد المرور بنيويورك المهم والا ادخل على موقعهم زبتلقا ايملاتهم وارقامهم وهذا الموقع http://www.sacm.org
وانشالله توصل بالسلامه

والله ماخبرنا استقبلوا حد قبل
فأرسم اوضاعك ان محد بيستقبلك
فرتب امورك قبل تجي

اخوي ما اعتقد انه فيه احد يستقبلك في المطار وتقدر تروح للديرة الي انت رايحلها وتكلمهم من هناك وتعلمهم انك وصلت وتفتح حساب وترسلهم شيك ملغي علشان يرسلون لك رواتبك واذ تقدر تروح للواشنطن يكون احسن علشان تخلص اجراءاتك بسرعة

اختلف مع الاخ وليف الروح
اول شي تاكد ان نص اللي بالطيارة مثلك طلاب ويبون احد يستقبلهم والملحق اكيد عارفه رحلت الرياض متا توصل لهم او اي رحله تجي من السعوديه هذا اول شي
ثاني الظاهر لازم تنسق معهم وتعطيهم خبر بتاريخ وصولك
وثالث شي قالي واحد انه وصل واشنطن ولاحظ ان الملحقيه استقبلت اغلب الطلاب اللي كانو بالطيارة وسوت لهم حجوزات فنادق وقالولهم وش يبون من اوراق وبعض الامور يعني باختصار قالي ان الملحقيه تعاونو معهم بشكل ممتاز فنصيحتي لك اخوي كلمهم واسال ومنت خسان
تحياتي

يفضل أخوي إنك تتصل من الساعة 4:30 العصر
1 - تزعجهم إزعاج لاتوقف إتصالاتك.
2 - أرسل لهم على فاكسهم من أول العصر كذا فاكس واكتب على الورقة الأولى "عناية الأخ : محمد الحمدان" والثانية "فلان" وكذا.... ماعليك لاتستحي منهم.
3 - إدخل موقع الملحقية وخذ إيميلات الموظفين وراسلهم اللي مايرد خله ورح للثاني لا تنتظر كثير.
والله يوفقك ويردون عليك ويوفقك وأنت هناك
وعلمنا وش يصير معك إذا حصلت فرصة.
أخوك الليل

هذا رابط الملتقى السعودي بامريكا فيه جميع استفسارات الذي يحتاجها المبتعث
https://artravelers.com

طراد نعم نعم نعم يستقبلونك في المطار زي ماقلتلك ماعليك الا انك ترسل لهم فاكس بموعد وصولك ورقم الرحله وعلى اي مطار في واشنطن وعلى اي خطوط وبستقبلونك في المطار........خش موقع الملحق الثقافي في واشنطن http://www.sacm.org
وبتلاقي ارقام الموظفين...اذا محمد الحمدان مايرد فيه غيره يرد......اهم شيء الفاكس يوصل للملحقيه وعلى فكره انا اتكلم من واقع تجربه لان اخوي استقبلوه في المطار استقبله الاخ عبدالعزيز الطويل من الملحقيه.........تحياتي

ياشباب مشكورين على الرد بس اذا كل اللي بالطياره طلاب بأعرف انهم مثلي مقدمين من الوزاره وبروح معاهم الين اشوف اللي يستقبلونهم وبروح معاهم بقولهم انا ابي الملحقيه وبياخذوني
صح ولالا ؟؟؟
يعني مايحتاج اكلم صح؟ لاني باشوف الطلاب اللي بالطياره وبالحقهم وين ما راحو
صح اني ذكي؟؟

يعني مايحتاج اكلم صح؟ لاني باشوف الطلاب اللي بالطياره وبالحقهم وين ما راحو
لا ماهو صح إفرض مامعك أحد من الطلاب
كلم الله لايهينك أضمن