ماعندك مشكله يالغالي في مسبقة الدفع خذ بس تراهم بياخذون نفس سعر الاجار يعني 300 و300 تامين
اتمنى لك التوفيق
وعن سؤالك الثاني للاسف ماعندي علم فيه لان تنقلاتي بالسباره في اوروبا
اخوك
عبدالله
لاتنسانا من دعائك

اخوي تقدر تحجز بالبطاقه لكن ما راح تستلم السياره
هذا اللي صار لاثنين من اصحابي
و الله واحد منهم كان بشهر عسل و ما بقى مكتب ما راح له
بعد ما رفض المكتب اللي حاجز منه تسليمه السياره خصوصا كان حاجز السكن في ديفون
و راحت عليه ليلة بفندق ديفون لانه ما راح للفندق و خذ فندق بجنيف و نفس المشكله
قالو له بالفندق بطاقة الشحن ما نتعامل معها فقط كاش و لا بطاقه غيرها
طبعا بطاقته فيزا شحن الراجحي يقولون هذي فقط تسوق و مطاعم
تقدر تروح للراجحي و تفتح حساب و تودع فيه مبلغ السياره او اكثر براحتك بعدين تطلع بطاقة فيزا كلاسيك فضيه
طبعا لا بد تحويل راتب تكون موظف
قول للموظف انا عندي مبلغ بالحساب و ابي اطلعها و تحول اللي بحسابي فيها
و هو يرتبك
بطاقة شحن ما يقبلونها عن تجربة و انت براحتك
بالتوفيق

والله اذا كان كلامك يا ابوفهد صحيح فهي تعديل لي شكرا لك يغالي

البطاقات مسبقة الدفع غير مقبولة في شركات تأجير السيارات في أوروبا
وعلى فكرة بإمكانك تطلع بطاقة كلاسيكية بدون تحويل راتب أنا معي بطاقتين فيزا كلاسيكية واحدة من سامبا والأخرى من بنك الرياض وراتبي محوله على بنك آخر
أتمنى لك التوفيق

شكر ابو خالد بس لو فتح حساب ف الراجحي مثلا عطونه بطاقه مكتوب عليها فيزا صح هل يقبلونها ول لا

مغرور نجد
عزيزي
البطاقات نوعين
1- بطاقة كلاسيكية وهذي اللي يعطيك فيها البنك حد ائتماني وتصدر من كل بنوك المملكة تقريبا والبطاقات المشهورة عالميا هي فيزا وماستركارد وهما متشابهتين تماما واستخدامهما في العالم على نطاق أوسع من بطاقة أميريكان اكسبريس وهي مختلفة قليلا ولا يصدرها في المملكة إلا البنك السعودي للاستثمار
2- بطاقة تسوق وهذي يجيك رصيدها صفر ولازم تشحنها قبل تستخدمها من حسابك وهذي أعتقد اللي يصدرها في المملكة 3 بنوك الراجحي والأهلي والبلاد
أقدر أشبههم بالتلفون الأولى زي الفاتورة تستخدم بعدين تسدد
والثانية زي الشحن ( سوا وغيره ) تسدد بعدين تستخدم
وهذه البطاقات مقبولة في كل مكان ما عدا بطاقة التسوق فأغلب شركات تأجير السيارات ما تقبلها مع أنك تستطيع استخدامها في استئجار السيارة من النت إلا أنك لا تستطيع استلام السيارة بها

والله مشكلة
الله يعين أروح أطلع بطاقة فيزا من البنك الأهلي
ولكن أي أنواع البطاقات الي في البنك الأهلي تنصحون فيها
وأيضا أريد موقع أستطيع أن أحجز عليه القطار من لوقانو إلى ميلانو وشكرا

غريب جدا!!
انا سبق واستئجرت سياره من ماستر كارد الاهلي مسبقة الدفع في المانيا تحديدا على حدود سالزبورغ

الاراء راح تتفاوت
منهم راح يقول مقبولة والنصف الاخر غير مقبولة
الغالب ان بطاقات الائتمان المسبقة الدفع لا يمكن من خلالها استئجار سيارة
وتصلح للتسوق او المشتريات او الدفع من خلال الانترنت
سبب انها تقبل وترفض في بعض الحالات هو البنوك المصدره لها
بعض بنوكنا للاسف ،، تقدم خدمة سيئه خصوصا في جانب بطاقات الائتمان
والبعض حصلت له مواقف وتجمد المبلغ ،، غير موجود بالحساب وغير مدفوع
واذا حاولت تسترجعه بتاخذ اسابيع في المراجعه وطلبات الاعتراض
اخونا مجنون سياحه سبق له السفر وعند وصوله تم رفض بطاقته
اذا ذاكرتي 400 ميجا ههه
واخوي سافر ببطاقة مسبقه دفع واعطوه سيارة وكانت من الاهلي
فلذلك الاضمن ان الواحد يسافر ببطاقة مسبقة دفع ائتمانية وبطاقة اخرى عادية احتياط