سجينة حبي
08-07-2022 - 05:38 pm
السلام عليكم ورحم ة الله وبركاته
ارجوكم حد يفيدني في المعلومات دي
انا مسافره امريكا ان شاء الله ولاية كاليفورنيا
وعايزه احجز علي شركة الايطاليه هنزل من القاهره الي روما ومن روما الي كاليفورنيا
بس وانا في مكتب السياحه البنت اللي بتحجزلي التذكره قالتلي اني لازم يكون معايا تأشيرة الدخول لايطاليا عشان لو نزلت ترانزيت في روما بيكون مطلوب مني التأشيره
انا معايا فيزة سياحه لامريكا مدتها خمس سنين وزرت امريكا السنه اللي فاتت وولدت بنتي هناك وبنتي الوقتي عندها سنه ونص ومعاها البسبور الامريكاني لكن انا معايا بسبور مصري ارجوكم حد يقولي هل المعلومه اللي الموظفه دي قالتهالي صح ولا غلط؟
تاني سؤال هل مطار روما صعب ؟اصلي خايفه اتوه فيه معنديش خبره قوي في الموضوع ده
وهل لو هبدل الطياره في روما علي شركة اير فرنسا يبقي هستلم شنطي في روما وارجع احطها تاني في الطياره اللي راحه امريكا ولا ايه ؟
وايه هو الوزن المسموح بيه وهل لبنتي وزن مسموح خاص بيها ولا لا ولا لا
ارجو من اللي جرب الحجز علي الايطاليه يقولي هل هما بيسمحوا اني اخد معايا في الطياره لبن للبيبي او بسكوت وادويه عشان ارتفاع الحراره او اي حاجه مفاجئه لا قدر الله ولا مش هيسمحولي
اصل انا محجبه وخايفه يدققوا معايا في الحاجات دي عن غيري