يبغالك في الاول تحدد المدينة اللي بتروحلها ، لأنه راح تفرق معاك واجد في السعر مثلا بين فانكوفر و اوتاوا .. شوف المدينة وان شاء الله نقدر نفيدك ،، واكتفي بقول ان التعليم مافيه خسارة إذا انك راعي عزيمة ودراسة فتوكل على الله وخل وجهتك الشهادة وان شاء الله راح تجيبها ..

أخوي مهاجر للأبد ..اشكر لك رفع المعنويات ،،، وبصراحة أنا في قمة الحيرة من أمري ..
أنا رايح إلى (ريجينيا) (Regina) ..وعندي قبول من الجامعة لدراسة اللغة ..ورحت للتعليم العالي وانهيت أوراقي وكلمة واحد مسؤول هناك ،، وقلت له أنا بأروح أدرس على حسابي هل من السهولة أني أنضم للبعثة بعدين ...قال لي مانصه :
أدرس اللغة على حسابك وإذا انتهيت من 9 ساعات من دراسة الماجستير وجبت جيد جداً فما فوق قدم أوراقك وإن شاء الله أنها تتيسر ..
بس بصراحة ماأطمأنيت إلى الآن فيه واحد قال لي أنهم يتأخرون يمكن ماتجيك موافقة إلا متأخرة مرة ..
عاد رحت لواحد أعرفه في شؤون المعادلات وكلمته ..وقال توكل على الله وإن شاء الله أنهم يضمونك للبعثة ..بس هذا الرجل شكله مهوب واصلا فأخاف يوهقني ..فأشيروا علي ..
وهل تتوقعون أن 60 ألف ريال سعودي بتكفيني دراسة أول سنة شاملة لكل شيء !!
وبعدين أخاف أني أدرس لغة وبعدين يقولوا لي معدلك مقبول ضف وجهك !!
فما رأيكم !!

سلطان
توكل على الله وان شاء الله بتتسهل أمورك
والله يوفقنا وياك

مايهتموا بالمعدل .. البكالوريوس خلاص انتهى امره
راح يبدأو من جديد
والله يوفقك
وشكلي بأروح معاك ندرس سوا ايش رايك ؟؟
انا الغربه من افكر فيها تذبحني

اخوي سلطان احسك محتار لكن اشور عليك
استخير ثم استخير ثم استخير
والخيره فيما اختاره الله

هل سيقبلوني في الماجستير ..ودرجتي في البكالوريس مقبول ...هذا سؤال !!
وهل 60 الف ريال كافية في السنة الواحدة شاملة لكل شيء!!

اخونا سلطان
لاحظت انك ذكرت ان مستوى اللغة الانجليزية عندك سيء ( من جنب القدة ( فاأنصحك انك لاتستعجل في السفر قبل ان ترفع مستوى لغتك الانجليزية
وذلك يكون من خلال الالتحاق بااحد معاهد اللغة الجيدة في السعودية ومحاولة الحصول على 550 درجة في اختبار التوفل وبعدها فكر في السفر للحصول على الماجستير
فالمبلغ الذي ستنفقه للوصول لمستوى جيد في اللغة يسمح لك بالقبول في الماجستير يمكنك بربع هذا المبلغ ان تصل للمستوى المنشود في احد المعاهد بالسعودية
وتسافر بعدها بعد ان تكون حصلت على اسس اللغة الانجليزية في القرءاة والكتابة الاكاديمية اما المحادثة فستحصل عليها هناك من خلال بيئة الجامعه والسكن وخلافه
نصيحتي لك من واقع تجربة لي شخصيا ولعدد من الزملاء اللي قابلتهم في كندا فالبعض ينفق وقته وماله في تعلم ابجديات اللغة هناك مع انه كان من الاولى ان يكون قد تعلمها في بلده قبل السفر
وهناك بعض الطلبة امضوا مايقارب السنتين للوصول للدرجة المطلوبة في اختبار التوفل لدراسة الماجستير
امل ان اكون قد افدتك وتمنياتي لك بالتوفيق

أخوي دراسة اللغة في المعاهد ليست مجدية ..ولا تصل بي إلى الطموح ..طبعاً لما أقول لك أني من جنبها مو يعني أني (ميح ) أقصد أكاديمياً ..
أنا لا زلت أكرر ..هل سأجد صعوبة في قبول الماجستير وتقديري مقبول ..وهل تتوقعون أن أعود بخفي حنين ..وهنا تصير مصيبة ..

اذا كنت من الذين يحسنون التصرف في ادارة المال ، فتوكل على الله ولا تبالي
واطلب التوفيق من رب العالمين.
الله يوفقك ويسدد خطاك