السلام عليكم جميعاً... اليوم كانت مقابلتي والحمدلله تيسرت... التأشيرة سياحية
ذهبت انا وزجتي للسفارة عند الساعة السابعة صباحاً وكان قدامنا حوالي 35 شخص..المهم كان فيه وحده في بداية الطابور تشيك على الاوراق..الحمدلله كل الاوراق كاملة..7:30 دخلنا السفارة وعطاني الهندي رقم 31 ويوم شاف زوجتي معي عطاني 26
المهم يمكن 20 دقيقة ويزهمون رقمي وكان فيه وحدة فلسطينية أخلاقها مره تجارية..بس تنافخ، بالرغم كنت مؤدب بزيادة معاها..مايهم عطيتها الاوراق والجوازات وقالت خذ رقم للمقابلة..كان رقمي 423 المهم يمكن 45 دقيقة وتناديني وحدة أمريكيه شباك رقم 6 ..كانت أخلاقها زي العسل بس تبوسم وقود مورنق سير ومن هالكلام ، مو زي بعض الناس...
المهم قالت ياله بصم أصابعك ..اول شي الاصابع الاربع اليسار بعدين الاربع اليمين بعدين الاصابع الاثنين الدببه (مدري ايش اسمها)...طبعاً انا والمدام..يوم خلصنا قالت انتظر لين ينادون على رقمك..
0دقيقة تقريبا إلا رقم يطلع شباك رقم 13...طلعت امريكيه تتبسم..شوي قالت ارفع السماعه..كأننا في السجن..المهم قالت وين رايح اي ولايه..وليش رايح..وين درست وين تشغل..وظيفتك القديمه...من الاسئله العاديه هذي..المهم قالت عطني جوازاتك القديمه..عطيتها وقاعده تفتش ..لقت صفحة فيها شق بسيط ومنهريه وكأن جايها مويه..قلبت المزاج وبدت تغير من نوع الاسئله..سافرت لسوريا، لبنان، إيران...طبعاً لبنان ايه بس الباقي لا..قالت ليش الصفحه منقطعة و الختم مو واضح والصفحة متهريه..قلت يمكن رطوبه!!! قالت انت اللي قاطعها!!! قلت لا... قالت انتظر شوي..راحت قعدت 5 دقايق رجعت وعطتني كوبون اخضر وقالت بعد ثلاث اسابيع تعال خذ الجوازات وخللت معاها الجوازات القديمه..
الشخص اللي قبلي قالوله اسبوعين وانا 3 اسابيع..الله يستر
هذا كل اللي صار لي......
سلاام
ملاحظة: الشكر كل الشكر للأخت محارة