وعليكم السلام ورحمة الله وبركاته ::
هلا اخوي ..والله يسهل لكم سفرتكم .
بالنسبة من انترلكن الى باريس بالطائرة ..عندك خيارين :
من زيورخ ..عبر طيران الفيولنج .
http://www.vueling.com/en/
او من جنيف عبر طيران الايزي جت .
http://www.easyjet.com/en
,جميعهم طيران اقتصادي .
ادخل على المواقع وشوف الاسعار المناسبة لتواريخ سفركم .
ويوجد قطار دايركت من زيورخ الى باريس اذا ودك على موقع القطارات السويسرية :
http://www.sbb.ch/en/home.html
مدته تقريبا اربعة ساعات ..وسعره للشخص 48 فرنك سويسري..لأتجاه واحد .
وبالتوفيق

لو تروح باريس بالقطار افضل ,, والقطارات اللي تروح دايركت من سويسرا الى باريس
تجدها في زيورخ وبازل وجنيف ولوزان ,,
وبالتوفيق

الله يعطيكم العافية على التفاعل المفيد جدا
وكلي اسف على الرد المتأخر بسبب ِظروف طارئه

ممكن تروح من زيورخ والطياران اقتصادي واسعاره حلوه
بالتوفيق لكم

ممكن تروح من زيورخ والطيران اقتصادي واسعار حلوه
بالتوفيق لكم

انا الصيف الماضي رحت من انترلاكن لباريس بالقطار واستغرقت الرحله ست ساعات
ساعه الا من انترلاكن لبيرن
وغيرنا قطار بعد انتظار نصف ساعه
ومشينا لباريس اربع ساعات تقريبا
مشينا من انترلاكن ست الصباح ووصلنا باريس 12 الظهر
بس الطريق حلو ما حسينا بالوقت
كنت ناوي اروح طياره بس حسبتها طلع نفس الوقت
لازم قطار من انترلاكن لزيورخ ساعتين والحضور قبل الرحله بساعتين هذي اربع وساعه وشوي بالسما هذي خمس ساعاات
فقلت اروح قطار اصرف لي