!!! مواصل !!!
حياك الله في ديرتك بانسبه للوالد الله يخليه حلوه هديتك له ونفس الشي الشباب ..
البنات اخذ لهم ميني جلابيه والماما الله يطول بعمرها اخذلها الجلابيه طويله اتحصلهم في الاوقاف او العربيد ومجمع الحمرا مول في الفراوانيه وبعض المحلات في المهلب بحولي ..
وحياك الله

عمرك يطول اختي ..
ممكن وصف الاوقاف و العربيد .. اذا ما عليك كلافه ..

ممكن تشتري لهم خلطات وعطورات من المباركيه من محلات معروفه مثل الدر المنثور او عطورات العبدالمحسن او اطياب المرشود وجميع هالمحلات اسعارها جدا مناسبه وعطوراتها مميزه ومطلوبه وانا شخصيا دائما اخذ منهم هدايا لصديقاتي بالامارات والسعوديه و قطر لانها تعجبهم ودايما يطلبون منها

!!! مواصل !!!
الاوقاف في منطقه المرقاب .. تاخذ الخط السريع الملك فهد واتكمل سيده باتجاه الديره لما توصل الاشار الاولى من بعدها تمشي 200 متر في اشاره ثانيه تاخذها فرعي يمين وبعدين اتعدي الاشاره الاولى من بعد الفرعي و الثانيه تاخذها يسار راح تلقى الاوقاف على ايدك اليمين بعد 500 متر تقريبا ..
العربيد في الفروانيه اذا ماخذ الدائري الخامس باتجاه الافنيوز منطقه الري والعمريه تمشي سيده اتصير يمينك منطقه اليرموك ويسارك خيطان في فرعي يمين يوديك شويخ وفرعي يودي المطار انت اخذ اتجاه المطار لما تنزل اتصير حديقه الحيوان يمينك وخيطان يسارك اتكمل سيده فوق الجسر ومن تنزل من الجسر تاخذ يمين انت الحين في الفراونيه واسواقها راح تشوف العربيد يسارك والحمرا مول يمينك ..
ان شاء الله يكون شرحي سهل وواضح

نورامينا
مشكورة وما قصرتي اختي ..
ابحاول امر المباركية و اشوف الاطياب اللي عندهم ..

q8ya metnaqla
العربيد في الفروانيه اذا ماخذ الدائري الخامس باتجاه الافنيوز منطقه الري والعمريه تمشي سيده اتصير يمينك منطقه اليرموك ويسارك خيطان في فرعي يمين يوديك شويخ وفرعي يودي المطار انت اخذ اتجاه المطار لما تنزل اتصير حديقه الحيوان يمينك وخيطان يسارك اتكمل سيده فوق الجسر ومن تنزل من الجسر تاخذ يمين انت الحين في الفراونيه واسواقها راح تشوف العربيد يسارك والحمرا مول يمينك ..
ان شاء الله يكون شرحي سهل وواضح
يعطيكي العافيه .. ما قصرتي اختي

السلام عليكم وحياك بديرتك الثانية الكويت ......
عندك محلات الطيب مثل المرشود........الشايع ......امل الكويت ......عندهم احلى طيب من بخور وبعلب هدايا مميزة
والدراريع مثل ما قالت لك مشرفتنا بالعربيد والاوقاف

توبليرون
يعطيك العافيه اخوي ما قصرت