مرحبا .من مطار الدمام الى الخبر تقريبا ساعه بالكثير
والتسوق والفساتين انصحك بالخبر لان كلها اسواق وماركات معروفه

الخبر كلها مجمعات ومحلات للفساتين
وهناك محلات في كورنيش الخبر في المجمعات المقابله للكورنيش
وبالتوفيق

السمافه من الدمام الي الخبر
تقريبا ساعه ..
الاسواق فيه في الخبر مجمعات ..
مثل فينيسيا
الظهران مول
الراشد
وفيه سوق السويكت
الدمام
مارينا مول
الشاطي مول
دارين مول
سوق الحب
الشراع مول
كلها حق تسوق اما عن الاقمشه
اللي اخبره افضل الاماكن
في المارينا مول
وفينيسيا مول بالخبر
السكن اتوقع في الفنادق الكبيره والمشهوره عادي السكن فيها واذا حابه استفسر لك ابشري بالخير بس يا ليت تعطيني متى وقت وصولك وجيتك
وانا بالخدمه

المسافة بين مطار الدمام والخبر ساعة الأ ربع مو أكثر
الاسواق اللي تلاقيها بالخبر
مجمع الراشد و مجمع الظهران و مجمع فالنسيا كلها قراب من بعض مررة
و عندك شارع السويكت حلو كمان
بخصوص السكن انا أعرف أنهم يطلبوا كرت العائلة لازم انا مررة رحت شاليهات بودل روحة بنات طلبوا منا كرت العائلة او بطاقة الأحوال و بس عادي دخلنا
أنتي الأفضل أحجزي بفنادق أحسن من شقق أنصحك
بفندق شرفة الخليج أو فندق القصيبي أذا كانت الميزانية محدودة
و أذا كانت تسمح عندك فندق مريديان الخبر
فندق موفنبيك الخبر
فندق هوليدي ان الجديد مو القديم اللى عند نادي الأتفاق
أم مجمع الراشد فية شقق حلوة

جزاكم الله خير ما قصرتوا

حجزت في كوال الظهران فندق خمس نجوم اشريكم فيه ؟؟ اخوي الليث ممكن تتأكد ولا عليك امر اذا عادي يستقبلون سيدات بدون محرم و جزاك الله خير

ابشر يالخير اتصل عليهم وارد لك خبر

الفندق رائع وجديد ومميز
اتصلت عليهم قال اذا من السعوديه لابد من احضار كرت العائله
او اذا غير السعوديه من دول الخليج او العرب احضار الجواز للاثبات
اقامه موفقه واي شي تبيه بالخدمه