1. اهلين عبدالله....


2. والله انا اشوف السعر مناسب ,, بس لايزيد عن ال17 الف لدراسة و السكن...

سلخير

اهلين عبدالله....

والله انا اشوف السعر مناسب ,, بس لايزيد عن ال17 الف لدراسة و السكن...

وعندي لك اقتراح وهو انك بدال ماتروح عن طريق مكتب ليه ماتراسلك معهد بنفسك هناك في المدينه الي تبيها بالايميل لان المكتب بيسوي نفس الشي الي انت بتسويه وبياخذ عليك قيمة مراسلته للمعهد والي انت تقدر تسويها بداله...
وفي كل الحالتين اذا كنت بتروح عن طريق مكتب او عن طريق مراسلتك لمعهد بنفسك ,, انصحك تسجل لمده اسبوعين وتدفعلهم الفلوس حقت الاسبوعين فقط ,,, وتروح هناك وتجرب المعهد واذا مااعجبك تغيره لانك في خلال هالاسبوعين بتكون خذت خلفيه كامله عن المدينه وتمشيت فيها وعرفت كم معهد وانت سو بين هالمعاهد ومعهد مقارنه وشف الافضل وسوه....
بالنسبة للجو الدافئ فغالباً الجزيرة الشماليه في نيوزيلندا تكون دافيه اكثر من الجزيرة الجنوبيه...
وبخصوص هل تقدر تطلع في اي وقت تبي من السكن ,, ايه تقدر تطلع متى مابغيت وتجي متى مابغيت...
واحسن خطوط اعتقد تختلف على حسب المدينه الي بتروحلها لكن عموماً عندك الخطوط السنغافوريه و الكاثي باسيفيك هم الافضل ,, بالاضافة الي الخطوط الأماراتيه لكن بتحتاج فيزة ترانزيت لاستراليا.....
بخصوص الكاميرة فاعتقد لو تاخذلك كاميرا ديجيتال الي تقدر تنزل الصور منها على اللاب توب يكون احسن عشان تصور على كيفك وماتتقيد بمساحه معينه ,, الجوال انا اشوفه انه مهيب وسيله جيده لتصوير رحله طويله مدتها 3 شهور بالاضافة الى انه مهوب في مثل درجة صفاوة الكاميرا الديجيتال....
.وبالتوفيق.

ماشالله الاخ ميقالو سبقنا في الخير ولا قصر معاك في اي شي وكل شي واضح
واي خدمات نحن في الخدمة

لا تروح عن طريق مكتب عزيزي
راسل اي معهد
وتوكلّ على الله
وانصحك بكرايست شيرش
جوّها دراسي
ومدينه رايقه
والاخوان ماقصّروا

الله يعافيكم ياخواني..
لكن المعهد كيف اراسله يعني احصل على الاميل وترى انا دبشة في الانجليزي
المعهد اذا راسلتة يراسلوني بالعربي...
اذا كان تنصحوني بمعهد حلو وراقي ممكن تعطوني اميله
ومشكورين.

عزيزي مواضيع الاخوان فيها اكثر من رابط لمواقع المعاهد
وبعضهم يراسلوك بالعربي
على حسب اذا كان متواجد عندهم طالب عربي يترجم لهم
وغالبية المعاهد جيّده بكرايست شيرش

أخوي عبدالله ...
لاتدرعم وتصير مثل أغلب الشباب اللي راحوا يدرسون انقليزي في الصيف .. عن طريق مكاتب وحاشرينهم في معهد واحد ..
الصيف المدينة الوحيدة اللي انصحك فيها نيلسون .. جميلة والعرب فيها قليل ... هذا اذا كنت ناوي دراسة ..
أنت فكر وأقرأ المواضيع للاخوان في المنتدى واذا قررت على مدينة ومعهد أنا مستعد أراسله لك .. مع ان الافضل تبدا تراسل على خفيف يعني تكتب بيفهمون عليك على طول ... حتى لغتك تتطور ..
بالتوفيق

لا ازيد على ما قال الاخوان ويبدو انك لم تبحث جيدا في الموقع اقصد المسافرون العرب فلو بحثت سوف تعرف الكثير عن نيوزيلندا شكرا
( الاسم مو غريب علي )

السلام عليكم ورحمة اللة وبركاتة
ماقصرو الشباب عطوك معلومات جيدة وماقصر أخونا assaq تكفل بالمراسلة وهذا يوفر لك مبلغ وقدرة من ال700 ريال الي 1000 خلال الشهر الواحد اللي تدفعة للمعهد لان المعهد ياخذ تقر يبا علي ال10000 الف ريال 1000 أو تقل 100 أو 200 ولاأزود علي كلام الشباب لاتدفع كاش للمعهد حتي تكون مرتاح فية ويسمحون لك بالدفع في الشهر مرتين
والله يوفقك