بنت التانغو
نيس كان موناكو مرسيليا باريس ليون .. أهم المدن الفرنسية
اود زيارتها ..
1-احب اعرف اهم فنادقهم وابي اسعارهم معقولة ؟؟
2-وشنو يميز كل مدينة عن الاخرى
3- وهل في رحلة قطارات بينهم
4-واي مدينة فيهم ماتستحق الزيارة ؟
5-وتتوقعون كم التكاليف اللي راح تنصرف على زيارة هذه المدن الفرنسية ابي الاسعار بالكويتي لاني ماعرف للعملات الثانية !!
6-ومن وين احجز لفنادقهم من الكويت؟؟؟
بس في مكاتب سفريات يقصون على الواحد مثل ماقصوا على اختي ابي شي مضمون واللي يعافيكم
لاحظوا سألت 6 اسألة جاوبوا عليهم ولاتطنشوني واكون ممتنة وشاكره لكم ...
و عليكم السلام و رحمة الله و بركاته...
اختنا بنت التانغو...التانغو الاسباني الجنوبي و لا المكسيكي...التانغو بالاسباني يعني الدوشه و في المصطلح الشعبي يعني الحياه...
يسعدني اكون اول من يمر و يسعدني اكثر اني اساعدك لدرايتي الكافيه بالديره...
طيب خليني ارشحلك المدن الي تستاهل الزياره في مثل هالوقت...
ليون و مع انها مدينه عزيزه عل قلبي كانت فيها ايام دراستي و الدكتوراه لكن ما تحتاج الزياره مع انها جميله لكن...
خليكي مع نيس، كان ، موناكو و مرسيليا...
+ نيس حلوه...كرنيش و شبابيه...لكن عيبها لو تقارنيها بكان انها ميته
+كان التوب...مدينه نظيفه حيه، حلوه...بتسحر هالمدينه...خاصه للشباب...كل يوم خميس فيه حفل كبير عالبحر...اليوم مثلا فيه حفل الكترو
+موناكو...راقيه لكن روحتك لكان تنسيك فيها...يعني ممكن ما تروحين لها...
+ مرسيليا حلوه فيها مطاعم عل كل لون و تحتاكج الزياره....
انا الحين في نيس و بعد شوي طالع كان...اوفيك بالمزيد ...الحق اسوي شاك اوت ...
يلا باي.

مشكور ويعطيك الف الف الف عافية وماقصرت
ههه والتانغو اللي اعرفه انها رقصة ارجنتينية وانا اعشقهم
المهم اخوي ياليت لو تصور لي نيس وكان لان صور الاعضاء مختفية !!!!
ومافهمت شقلت عن موناكو ؟؟؟؟؟؟؟؟؟
وانا بانتظارك وسلمت يداك

يامرحبا يابنت ديرتي
اولا صباحكم جميا انتي والعزيزز لقلبي اخوي بومالك
التانغو فعلا من الاهازيج والفلكلور الارجنتيني والدليل المنتخب الارجنتيني ينعت بالتانغو على غرار السامبا البرازيلية والهولو واليامال الكويتية
طبعا لايفتى وابومالك بفرنسا لاننا لازلنا وسنظل نتعلم منة
بالنسبة للسفريات ترى انتي ماراح تحتاجينهم ابد خلي شغلج كلة بالنت ارخص واضمن
بداية من التكت الى حجز الفنادق لاني من كم سنة ماعمري طبيت مكتب سفريات مولية ابد كل شغلي وحجوزاتي بالنت
انا اشوف مثل ماقال بومالك ليون مالة داعي تروحين لها وهم مرسيليا لانها كانها مقاطعة عربية وبالاخص جزائرية بس بفرنسا اوصي بنيس وكان وموناكو لانها كافية ووافية زيارة هالمناطق
بالنسبة للتكاليف والاسعار تتفاوت على حسب مدة رحلتج ومستوى الفنادق اللي بتسكنيينها
وتروحين وتردين بالسلامة يابنت بلادي
ومستحيل نطنشج لسببين اولا كويتية وثانيا تحبين الارجنتين ومبروك الفوز من يومين على روسيا وبعقر دارها مسوي شغل مارادونا معاهم
دمتي سالمة واي استفسار لا تترددين

رائيي الشخصي تغيير مدينه مرسيليا خلال توجههي الى مرسيليا قبل تقريبا 4 ايام كنت احادث الشخص الذي بجانبي في القطار وقبل الوصول الى المدينه اعطاني نصيحه توخي الحذر من هذه المدينه لارتفاع نسبه الجريمه بها
امل الرابط يفيدك
https://artravelers.com/p/re/257596
لكم كل الاحترام

abofawaz
ههه كلك ذوق .. اول شي من اسلوبك .. وثاني شي لانك من عشاق التانغو
وبالنسبة للمباراه .. اهم شي عندي مباراة السامبا والتانغو بقالها اقل من شهر ويالله الفوز

وبالنسبة للحجز .. انا بحجز من النت بس عطوني رابط موقع للحجوزات .. مضمون ..
بس اسعار فنادقهم غالية مثل باريس او لا .. وبعدين انا ابي احجز بفندق اسعاره معقولة