وجهت نظرى الشخصية ( ماتصلح تروح لوحدك لابد من الصديق والونيس )
أتمنى لك رحلة سعيدة أخوك أبن السعودية 000

وأنا نفس الشي
نصيحتي
لاتروح لوحدك
اسأل مجرب
العام الماضي رحت لبنان لوحدي ماتحملت ثاني يوم قدمت حجز العوده ورجعت مع اني كنت ناوي اجلس اسبوع
ان شاء الله اخوياك تروح معهم وتنبسطون

والله انصحك بمثل ماقالو لك الشباب لاتسافر لوحدك لأن اندونيسيا وخصوصاً لما تروح لها عزابي ماتصلح الا مع البشكه وضحكة الشباب ولمة الجماعه يعني لأنه بلد منفتح وفيه الطبيعه الخلابه اللي تخليك تنفس عن همك بس كل هذا يحتاج إلى صديق وونيس ووليف يشارك ويكمل هذه المتعه التي حباها الله للسواح في هذه البلاد
تحياتي

اعتقد اجابات الاخوان مناسبه الا اذا انت ملزم بالسفر لانك احيانا تحتاج خوي وونيس تسولف معه
لو كان لك سفرات قبل للديره كان مافيه مانع
فشاور نفسك انت ملزم علي السفر ولالا
اذا ملزم باذن الله ماراح يقصرون الاخوان في التوجيه

ههه الرجال هون
والله يا اخووي انا ماعمري رحت لها
هو صحيح انه الاخويا لهم دور بس والله اذا ماحصلت احد يخاويك من وجهة نظري لاتحرم نفسك السفره على شان فلان وعلان مايقدر يسافر يعني اذا ما يبون يسافرون تجلس وماتسافر ؟ من وجهة نظري سافر
وانا بعد ناوي اروح ومثل حالتك مافيه احد بيروح
تخاوي ؟ خ

السلام عليكم
اخوي عبدالله انا نفسك رايح لحالي بعد ما إعتذرو الشباب ورايح ثاني ايام العيد
بس انا جيتها مرتين قبل كذا وزرت بالي والجبل وجاكرتا طبعا اذا انت اول مره رايح والله صعبة
بس اذا جيتها قبل كذا ممكن تمشي امورك . وعلى فكرة اكيد راح تتعرف على سياح خليجيين
واذا تبي خوي على الدين حاظر والله لأني والله مثلك بعد متردد أخاف تصير السفره هم على هم
على العموم اذا حاب تخاويني ممكن اقولك وين راح اسكن بجاكرتا وهناك اقابلك او ارسلي رقم تلفونك
وانسق معاك من الحين
تحياتي للجميع

مثل ماقال اللي قبلي لاتحرم نفسك السفر علشان ما فيه احد يخاويك الا اذا اخوياك يبون يسافرون لكن ماعندهم اجازات فلو اجلتها ونسقتم مع بعض يكون افضل.. اما اذا مافيه امل احد يسافر معاك لا الحين ولا بعدين ترى اذا وفقك الله بسواق ذيب راح يسليك ويسولف معك وحاول انك ما تكون لوحدك لوقت طويل حتى لاتمل وتجلس تهوجس يعني خل السكن للنوم.. واختار سكن يكون امن. وترى سفر الانسان لوحده يختلف من شخص لاخر فانا شاهدت اناس لوحدهم بكثير من الدول اهم شي المحافظه على الدين وشاهدت شباب يتعرفون على بعض بالمطارات ويتخاوون لكن خليك حذر من البعض.
تحياتي

لا ما تصلح لحالك .
إنت رايح وتنبسط وما أظنك تنبسط لحالك .
أجلها لوقت يناسب أصدقائك .

يا حبيبي تصدق انا كان وضعي نفس وضعك بالتمام
ورحت البلد وانا اول مرة اسافر برا السعودية
وبلحالي والامور بسيطة والله ما يبي لها اختراع صورايخ