paris forever
05-01-2022 - 09:43 pm
مرحبا00000000000
اخواني حبيت انصحكم نصيحه اخويه للي بيسافر اوروبا
يعني اشوف اكثركم بيقعد يوم او يومين ويشيل اغراضه ويروح منطقه ثانيه ونفس الشي يوم يومين ويسوي شيك اوت وهكذا 000
يعني اذا معك سيارتك اوكي اهون تطلع متى ماتبي وترجع متى ماتبي وتوقف متى ماتبي
بس القطارات في كثرة التنقلات جدا جدا متعبه وخاصه اذا كان عفشك كثير ومعك اطفال
اولا ياتلحق على القطار ياماتلحق وتنتظر القطار اللي بعده لانه يسكر ابوابه في اي لحظه
ثانيا عفوشنا اللي ماتخلص تقعد ساعه تركب فيها بالقطار والناس وراك تنتظر والاوربيين طبعا لاعفش ولا شي شنطه صغيره معلقها ورا ظهره فيها كل عفشه
ثالثا اذا دخلت بعفشك على بال ماتلاقي مكانك تقعد تخبط بخلق الله ومن حلات الوجه تجلس تتبوسم لهم
رابعا اذا كانت رحلتك فيها تغيير قطارات ومابين قطار وقطار نص ساعه مثلا يلا شوف على بال ماتتواسى بالقطار مايمديه الايوقف وتشيل بذا العفوش وتنزل ومراكض تدور على القطار الثاني
خامسا اذا كان معك اطفال صغار راح يطفشون ويملون
انا مااقول لاتركبون قطارات بلعكس هو ممتع وفيه مناظر روعه خاصة قطارات سويسرا والنمسا بس انا اقول كثرة التنقلات فيها تنقلب طفش
اقولكم تجربتي العام الماضي انا وزوجي بدون اطفال يعني خفيفين في القطارات ولم تكن اول مره اركب
فيها قطار بس كانت اول مره اكثر فيها تنقلات بالقطار والله طفشت من كثرة تنقلات القطار وسكر شنطه
وافتح شنطه وشيك ان وشيك اوت ولما نوصل للمنطقه اللي نبيها اجلس اشيل هم وافكر بالرحله الجايه
بالقطار يعني ماتسوى
والهدف من السفر هو الاسترخاء والتمتع بالطبيعه والمناظر
وسلامتك واتمنى لكم رحله سعيده وموفقه
