hopamp
18-06-2022 - 05:25 pm
مرحبا جميعا
ودي اشارك الاخوان والاخوات اللي يبحثون عن سكن خصوصا في لندن بنصيحه بسيطه, واكيد سمعوها من قبل لكن للتأكيد
فنادق لندن عددها كبير جدا, راح تلقون الكثير في اماكن تعجبكم ويمكن تقييماتها مناسبه لكن انا بالنسبه لي أهم نقطه حتى قبل الموقع والمستوى هو حجم الغرفه, يعني اش فايدة غرفه موقعها في وسط الهايدبارك والفندق خمسه نجوم وحجمها 12 متر؟؟؟
هذا شامل دورة المياه الله يكرمكم بالمداخل بكل شي. يعني عشان تتصورون الغرفه كلها عبارة عن 3 في 4 متر !!!
الله يعز فنادق الخليج, المعدل الطبيعي لغرف الخمسة نجوم في فنادق دبي مثلا من 40 الى 45 متر يعني اربع اضعاف حجم مثل هالغرف اللي بتلقونها في لندن!!!
يعني اول ماتبحثون عن اي غرفه شوفوا حجمها, واذا ماشفتوا موقعهم كاتب حجم الغرفه فغالبا مايكون حجمها صغير عشان كذا مستحين يقولون
عموما المعدل الجيد في لندن لغرف الفنادق (مش السويت) هي مابين 24 الى 28 متر
وتعتبر كبيره في لندن اذا كانت فوق ال 30 متر
من الفنادق اللي اذكر انها وسيعه في غرفها
هي اللاندمارك
المايفير
بالنسبه للشقق فيه كثير احجامهم حلوه
الأحجام الزينه للشقق يفترض ما تقل عن 40 متر
اذا اقل من كذا ابعد
عموما الشقق زود 25 الى 30% عن حجم الفندق, طبعا على حسب عدد الغرف
ترى الوسع يشرح الصدر
بس وسلامتكم
شنو فايدة الغرفه وسيعه ومكانها بعيد ، الغرفه اللهم للنوم
شكراً على النصيحه ، وطبعاً الله يعز الخليج ، اما هناك فأبو الاستغلال