وعليكم السلام ورحمة الله وبركاته
يعتمد على الميزانية المقترحه تقدر تحدد وجهة سفرك
ماليزيا المعيشة فيها غاليه
وتايلاند المعيشة متوسطه
وعليك الاختيار ؟

الحوسني
مشكور أخوي تعبناك
برايك شخصي
أوكي بروح تايلند بس بوكت فيها أماكن سياحية غير البحر مثل الحدايق وين ممكن أودي العيال ف بوكت وشنقماي

هذا الرابط بيفيدك
https://artravelers.com/p/re/343122

مشكور أخوي ماقصرت
ومشكور على مرورك
و أنشالله بستفيد من الرابط

انا رحت لدولتين اذا تقول انك معك عائله انصحك بماليزيا000 وتايلند حلوه بس مو للي معه اولاد لان الوضع فري حتي بالشوارع واذا انت والمدم لحالكم رح تايلند بس توسع صدرها علي الي بتشوف ممنوع الغيره هناك بكل صراحه

اذا مع العيال انصحك بماليزيا فيها مناطق خاصه للاطفال
مثل الصن واي لاقون وجنتنج غير كوالمبور
ومثل ما قال اخونا بوراشد ماليزيا اغلى من تاينلد

كحيلان3
تصدق اني قعدت 24 يوم في تايلند وما شفت شي من اللي تقولون عنه يمكن لاني ما رحت الشاطئ الا مرة وحدة
وبيني وبينكم كان ودي اشوف الممنوعات هذي
لا تفهموني غلط ... من باب اعرف عدوك بس
اتغشمر معاكم.... بس للامانة اذا تبي ما تشوف ممنوعات ما راح تشوف الا بالصدفة ويمكن تتجنبها اذا حصلت في نفس الوقت

لا شي يمنعك من السفر للبلدين معا خاصة اذا علمت ان تكلفة تذاكر الطيران الداخلي هي نفس تكلفة الطيران بين البلدين
وعلى كل حال اذا اردت جدول في بلد واحد فانصحك بالتالي
افاموسا 3 ايام بنانغ 3 الكاميرون 2 ثم العودة لكوالالمبور
اما في تايلند فانصحك بالتالي
5 بوكيت 3 شانغ ماي ثم العودة لبانكوك
واي استفسار حاضرين

السلام عليكم
نصيحتي لك اخوي انك تروح تايلند
انا اقولك ليش بما انك انت والمدام والعيال
خلك على ثلاث مناطق في تايلند
شنغ ماي - chiang mai
بانكوك - bangkok
كرابي - krabi
والكثير منا لا يعرف كرابي جيدا
انا ما زرتها ولكن كنت انوي زيارتها بس اني بطلت اروح تايلند عقب 10 مرات زرت فيها تايلند !!
عموما هذي خريطة كرابي

على فكره المدينه بحريه بحته ويكثر فيها المسلمون والمساجد وهي على غرار بوكيت ولكن اجمل من بوكيت بمراحل !!
وتقدر تروح الجزر اللي في بوكيت مثل بيبي ايلاند او الجمس بوند عن طريق كرابي
وهي عائليه بحته وتقدر ترتااح فيها لانها هاديه ليلا ومافيها ازعاج ولا مشاكل ومنتجعاتها وايد حلوه
وهذي بعض الصور عنها

مكان حلو وجميل ومجهول لدى العرب
وربعنا ما قصرو وايد يروحون بوكيت و كو ساموي (وكلهم ينطقونها غلط ويسمونها كاسامويه)
واتمنى اني افدتك
شكرا