بسم الله
بعد الوصول الى كوالالمبور انصحك بعد الراحه يومين روح جنتق بالتكسي وسعر التاكسي من 150 رنقت الى 100 رنقت ولا يضحكون عليك واجلس بها يوم او يومين وعموما هي مافيها غير مدينة الالعاب وجوها حلو بس و من جنتق خذ تكسي الى بياننق زي مايقولو الماليزيين او بيننج زي ما نقول حنا الخليجيين المهم روح بالتكسي وسعرها من 350 رنقت الى400 رنقت وصراحه الطرق سريعه وبعد كل 100 كيلو فيه استراحات فيها مطاعم ماكدوانالدز وكنتاكي وبيتزا هون ومطاعم ماليزيه ومساجد ودورات مياه انظف مما تتخيلو وشغل عدل والطريق كله خضره وماء يعني مطر وانهار
واجلس في بيننج زي ماودك ثم خذا الباص البحري او العبارة السريعه وهم يسموها الفيري الى لنكاوي بس خذ النوع السريع وخذ درجة اولى فوق ولا تاخذ درجه سياحيه زحمه خذ درجه اولى ازين لك وللعائله
و اجلس كثر ما ودك وبصراحه لنكاوي هي جنة ماليزيا
ومن لنكاوي اما تاخذ طياره مباشره الى كوالالمبور او تاخذ الباص البحري الفيري وترجع للبر ومنها الى كوالالمبور بالتكسي
واذا ودك تفاصيل اكثر اعود غدا اوبعده باذن الله وازودك انا الان ودي انام
وبالتوفيق لك ولكل مسافر
ودعواتك يالغالي