- 4-ماكدونالدز في مومباي حلال في دلهي حرام
السلام عليكم يا جماعة الخير...اول شي مشكورين على المعلومات القيمة اللي مكتوبة بهالمنتدى الرائع اللي اعتبره مرجع لي للسفر....
خططت لرحلتي من 2 يوليو الى 28 يوليو وعلى هالأساس: مومباي-دلهي-بنجلور-تشيناي (مدراس)-كيرلا....لكن....للأسف باءت الرحلة بالفشل والسبب مومباي ودلهي اللي فعلا كرهتني بعيشتي!!!
المميزات:1-البلد رخيصة جدا
2-المباني التاريخية مثل بوابة الهند ومنارة قطب ومسجد الجمعة وغيرها جميل جدا جدا.
العيوب (وهذا اللي خلاني اترك البلد) :1-بلد غير اسلامي فتواجه نوعا ما من ناحية الطهارة والنجاسة.
2-بلد غير اسلامي فتواجه صعوبة نوعا ما الاكل الحلال
3-لاحظت الهنود يحبون الدجاج بشكل جنوني وقلة ما تحصل اللحم الاحمر.
4-ماكدونالدز في مومباي حلال في دلهي حرام
5-زحمة الشوارع اللي تخليك تكره روحك وكأنك تكلم نفسك وتقول: اقعد بالبيت احسن لي.
6-شعب غبي جدا...والله كنت احسب انهم اغبياء لما يكونون في بلدنا لكن طلع الاصل هناك!!! على سبيل المثال (طلبت من سايق التكسي ان يشوف لي فندق قريب جدا من مجمع (مول)..تقريبا لمدة اربع ساعات وهو يلفلف فيني من غندق الى فندق اخر وكل ما اسأله وين المجمع يقول اوكي راح اشوف لك فندق ثاني قريب على المجمع وما اشوف اي شي قريب جنب الفندق الى ان بالنهاية لما خلاص وصلت حدي معاه قالي اعرف فندق 5 دقايق مشي جنب المجمع....لما شفت الفندق والمجمع جنبة اكتشفت فعلا غباء السايق وهذا مثال واحد وعندي امثلة وايد على غباءهم من اللي شفته
7-تتكلم معاهم الانجليزي ما يفهمونك الا لما تتكلهم انجليزي بالاكسنت مالتهم.
8-شعب عنده عادي بوجهك يتجشأ (يتريع) او يتثاوب بصوت عادي...مافي احترام! او تقعد على طاولة ويجي يحط اغراضة بطاولتك.
9-يا جماعة من بعد معاناة 5 ايام بالغصب حصلت خط تلفون ولما حصلته قالي لازم صورة شخصية قلت من وين قالي روح صور صورة شخصية وتعال! على فكرة حتى بالمولات ما تحصل خطوط تلفون. عموما بالنهاية خليت الفندق اهو يجيب لي خطوط وراح جاب كاميرا شخصية ديجيتال عشان يصورني ويطلع الصور ويفتح لي خط!
شغلات وايد ما عجبتني....بالنهاية ما كملت رحلتي ومن دلهي حجزت تذكرة عاجلة ورجعت الكويت
عموما انا ما انصح احد يروح مومباي او دلهي وحتى لو حاطها لمخطط السفر لرحلة طويلة لكذا منطقة عيل يخليهم اخر شي.
عندك اختيارين:اما تروح اي مكان ما عدا مومباي ودلهي او انك تقعد في بيتك وتشوف الهند حلوة عن طريق افلام بوليوود سلام
لم اتمالك نفسي من التعليق على هذه النقطه ...
ايعقل ان يصل الغباء عند السائق الى هذه الدرجه ؟
كنت اظن ان الغباء الذي يظهر من بعضهم في السعوديه , غباء مصطنع ومتكلف ليظهر امامك بالساذج لمئآرب اخرى في نفسه
بإنتظار تعليقات رواد البوابه على كافه آرائك
والله يعوضك خير في وقتك اللي ضاع ..