- نبتدي بالنصايح
السلام عليكم ورحمة الله وبركاتة
مثل ماتعرفون رحلتي كانت من 6 يوليو الى20 يوليو
كانت سفرة حلووة وماعليها من خلال هالسفره وسفرتي ب 2005 حبيت
الخص لكم كم نصيحة يمكن تفيدكم خلال سفرتكم ان شاء الله
وانا ان شاء الله ناويه انزل تقرير بس يبيلي وقت عشان انسق وانزل الصور واعدل
نبتدي بالنصايح
1) الفلوس من الافضل تحولونها دولارات لان الدولار عندهم مرتفع واذكر الدولار = 3.4 رنقت
قسمو الفلوس بينكم شيئ بشنطةاليد شيئ بالبوك وشيئ بالشنط بس مو تقطونهم قط شيئ داخل الدلاغ ( الشراب ) شيئ داخل جيب بنطلون وهكذا يعني لاتخلون فلوسكم كلها بمكان واحد عشان لاسمح الله لو انسرقت لاتنسرق كلها مثل ماصارلي يوم انسرق بوكي بس الحمدلله كان باخر يومين ولاا كان صج رحنا فيها (( التفاصيل بالتقرير ان شاء الله)) >>> يقالك تشويق
2) نصيحة للزوجات الي يحبون الشوبنق ومنهي المراه الي ماتحب الشوبنق وللازواج الي مايواطنون السوق احسن حل للطرفين اخذو لاب توب انت يالرجال اقعد بستاربكس واشبك والوقت بياخذك وزوجتك خلها على راحتها تتسوق بالمجمع وعاد تاخذ بريك بين الشوطين ترجع تريح تتقهوون وبعدين ترجع لشغلها وانت لنتك ومحد يزعل احنا اعتمدنا هالطريقه وارتحنا حيل
3) نصيحة اذا كنتوا حاطين مبالغ او اجهزه او اي شيئ تخافون عليه بالغرفه دائما حطوا لوحه don`t disturb عشان محد يدخل الغرفه من العاملين للتنظيف عشان ماينسرق لكم شيئ واذا كنتو بالغرفه دقو عالهاوس كيبنق وطلبو احد ينظف الغرفه بوجودكم
4) لاتثقلون على عمركم وتحطون مكواة طلبوها من الهاوس كيبنق يجيبونها اهي والطاوله حقتها ولاا ترجعونها استغلوها اخر استغلال مثل ماسوينا
5) ماكدونالدز كوالا الي بشارع العرب عندهم خدمه توصيل للفنادق والحلو فيها انها 24 ساعه بس التوصيل عليه فلوس وهذا الرقم :
6- الي تبي مساج ولاا احلى في لنكاوي ووحده تجي لحد الفندق وتسوي مساج كامل ب80 رنقت بس حيل طيوبه وحبوبه مسلمة اسمها ليلى واختها لندا كلهم ممتازين ويتشغلون اساسا عند الشلالات تخيلو مساج رجول لمدة ربع ساعه عند الشلالات بس 10 رنقت!!! لاا يطوفكم وهذا رقمهم
4وقولو لهم احنا من طريف منيرة لنكاوي لاقون لاني قايله لها بعلم صديقاتي عنك وسويلهم دسكاونت حلو
7) بالنسبه لمشاوريكم لشارع العرب ماله داعي تفسفون فليساتكم بالتكاسي لانه مشاوريه صغيره جربوا المونوريل حلو وتجربه جديدة وتوفر قريشاتكم للاهم مجرد نصيحة لكم تاخذونها ولكم تتركونها
8) بالنسبه لتكاسي المطار لاا يقصون عليكم في مكتب دلونه عليه الي يشتغلون على انه تاكسي المطار سألناه بكم لسن واي تخيلو قال ب 170!!!!!!!!!!!!!!!!! يوم قلنا لاا ب 70 قام يتحلطم ويخربط انه موعاجبه واشرلنا بما معناه يفتح الله عاد انتو لااتستسلمون على ابو انكم تعبانين تخلونهم يستغفلونكم لااوالله يخسون اكتشفنا ان هذا مكتب فندق كراون بلازا بالجهة الثانيه بالظبط خذينا تاكسي ب 75 فقط بدون مكاسر شرايكم بالفرق!!
9) الي وده يشتري جناط وتي شيرتات واحزمه مقلده وماله خلق السوق الصيني وخياسه ماله الا هالمكان
سوق صيني مصغر تلقونه مقابل كنتاكي شارع العرب ومن فوق كنه خيم صفرا فيه كل شيئ وصغيرون ومعظم الي يشتغلون بنقلاديشين ولاا هنود وماشفت الا صيني واحد صدق انهم ماينبلعون بس يهونون والله عند اهل السوق الصيني المكان صغير ومو مغمووت مثل السوق الصيني انصحكم تطلون عليه
0- للعائلات والي يبي يوفر ووده يروح جنتنق لاتفوتكم التذكره الشامله ( تذكرة الذهاب + تذكره الالعاب الداخليه والخارجية + التلفريك + العووده) بمبلغ زهيد جدا جدا 35 رنقت للبالغ والطفل اظني 25
ولاا تخافون باصات مريحة عالاخر وتمشي بالدقيقه والمشوار ساعه بالظبط مايتأخرون بس نصيحة احجزوا بدري ولاا تحجزون يوم عطله سبت واحد وخليكم بالمحطه عالوقت عشان مايمشون عنكم
والله قاعده احاول اعصر مخي عصر وان شاء الله اذا تذكرت اي معلوومة بجي طيران الفزها هني >> مكس نجدي كويتي شرايكم
وعاد مانبي منكم شيئ الا خالص دعواتكم بأن ربي يفرج همي وييسر اموري ويحفظ لي بنتي وزوجي وامي وابوي والجيران خ
أسأل الله أن يفرج همك وييسر امورك ويحفظ لك بنتك وزوجك وامك وابوك والجيران وجميع المسلمين والمسلمات اجمعين
إذا بقي احد ذكرينا