ان شاء الله الخبراء ما يقصرون معاك

يامرحبا فيكم معنا ولنا عودة

وعليكم السلام ورحمة الله وبركاته
هلا وغلا اختي
وحياكم الله بين اخوانكم وخواتكم وان شاءالله اتفيدون وتستفيدون ..
كنت ناوي ارد بس مااقدر اتعدا على مشرفنا موادع

الميكروفون عندك اخوي موادع ننتظرك طال عمرك

ههه اشكر كل من رد
يالله اخوي مودع ننتظرك

انا برد عليكم ماش شغلهم ذي البوابه خ <<< بتنجلد :004:
ممكن تروحين برايتون ساعه عن لندن
بالنسبه لشقق شوفي الرابط
https://artravelers.com/p/re/166776

كفو والله يالندنية زود على الي انتي فيه من بوابة فرنسا الا انك حاضره ماشاء الله عليك في بريطانيا الله لايحرمك الاجر ويجعله في ميزان حسناتك
انزين ياموادع اجل تبي اجازه هاه
هذا وانت مداوم ماترد على الناس ..... خليك هنا خليك بلاش تسافر
منطقة البحيرات
https://artravelers.com/p/re/717089
تستحق الزيارة قرية وندستور وقلعتها التاريخية والريف المحيط بها من اجمل الارياف
الشقق صعب جدا وان لقيتي بلاماكن الجيدة الا ان سعرها غالي شوي لكن يفضل اول الايام تسكنون فندق وبعدها تبحثون بنفسكم عن الشقة من مكاتب السياحه والعقار
كم عددكم وكم المدة
ومايقصرون الاخوان ان شاء الله

فارس الجبيل
ههه ولو نعين ونعاون
ماقصرت فارس صح وندرمير مكان جميل جدا وحلاتها بالصيف وكمان انجلتون فيها شلالات وجميله جدا

مانشستر حلوه ومدينة اقتصادية وصناعية مهمة في بريطانيا
انطباعي الشخصي عنها وعن اجوائها انها تصلح للشباب اكثر وماتصلح للصبايا خاصه الي مهتمين بالكوره ونواديها الشهيره بمانشيستر
لكن هي نقطة وسط للانطلاق لعدة مدن ومقاطعات جميلة ك ليفربول اوبرمنجهام او بلاكبول او الليك ديستريك واللي هي مقاطعة البحيرات الشهيره
https://artravelers.com/p/re/786651
هذا تقرير جميل اتمنى تستفيدين من قرائتة به كثير من المعلومات الجميلة والمهمة جزاء الله كاتبته الف خير