الحقيقه لو تقعدين شهرين ما يكفيها بصراحه من جمالها اولا وثانيا كثره الاماكن الجميله فيها
بس اسبوعين يمديكم تشوفون الاهم طبعا مثلا يونيفيرسال ستوديو وديزني وهولييوود هاي لاند والاسوقه الجميله ولونق بيتش وسانتا مونيكا يعني بلاوي اختي
بس مو غلط تزيدون شويه يعني ثلاث اسابيع حلوة وايد
الفنادق مثل ماقالوا الاخوان ونعيد ونكرر اشتركوا في الشركات الكبيره مثلا هيلتون وماريوت وشيراتون وهوليدي ان شنو اللي نفسكم ترتاح اشتركوا فيها ويعطونكم خصم خاص خصوصا ان رحلتكم بالصيف يعني في وقت طويل جدا
وعند الاشتراك طبعا تشوفون الفندق او الفنادق التابعه للشركه اللي اشتركتوا فيها كل اللي عليكم تحطون المنطقه ويعطيكم الفندق القريب وبعد المسافه بالميل طبعا
اتمتى لكم سفره جميله ونحن موجودين للخدمه

السلام عليكم إختي المتسكعة
أحب أزيد على أخوي سواح ..... أنا باعتقادي إن لوس أنجلوس مو مالت سكن ... أحسها لويه و غالي السكن فيها ..... أحسن شي تختارين سكن بالوسط .... يعني تقدرين تروحين اليونيفرسال و ديزني و الاسواق و غيرها و غيرها من الاماكن .... أقترح عليج لونج بيتش أو أنهايم
لونج بيتش وايد حلوة و مريحة و موقعها متوسط بين أنهايم و لوس أنجلوس ..... الي أقصده إن ما في داعي للتنقل و خليكم خفاف و ثبتوا بمكان واحد و بس ..... دام الدرب بين المنطقة و الثانية ساعة أو ساعة إلا ربع أو أقل .... بس لو سألتيني عن سان ديغو راح أقولج ! لا ما ينفع تقعدين بالمناطق الي ذكرتها لج .... لأن الدرب بعيد حوالي ساعتين ! هيني راح أقولج دوري سكن بسان ديغو و قعدوا هناك
مثلاُ الوقت بين لوس أنجلوس و لونج بيتش 30 دقيقة
و الوقت بين لوس أنجلوس و أنهايم 35 دقيقة
الوقت بين لوس أنجلوس و نيو بورت بيج أو آيرفاين 40 دقيقة و هي منطقة جدا جميلة و هم بعد نسبة الآمان فيها أكثر من لوس أنجلوس ( الي صورتها في تقريري في البداية )
الصراحة إحنا سوينا هالطريقة و إرتحنا و قعدنا إسبوعين بأنهايم و هي منطقة آمنة جدا و عائلية

تسلم اخوي سواح على ردك...
طيب الاشتراك كيف طريقته؟؟ حاولت مره وكرهت السالفه
وبالنسبه ليونفيسال وديزني ماراح نروح الي بلوس انجلوس بنكتفي بالي في اورلاندو ولا وش رايكم؟؟
طيب اخوي دايما اسمع باورنج بيتش كم يبعد عن ل أ؟؟ هو نفسه لونق بيتش؟؟ ووش احلى؟؟هلا وغلا ب Luxury_Traveller
يسلمو على هالرد الي يبرد القلب
طب منطقه انهايم هي الي جنب يونفيسال وديزني ولا انا غلطانه
اذا كانت هي فانا ماراح ازورهم ..يعني يحتاج اسكن فيها؟؟
وكاني مره قريت بالمنتدى احد مايمدح هالمنطقه ولا وش رايك؟؟؟
اي احنا اصلا ناوين نسكن في سان ديغو يومين الى 3
اجل نيوبورت حلوه؟؟ تنصحيني امر عليها؟؟
طيب اختي رحتي سانتا مونيكا؟؟ وش رايك فيها؟؟ وكم تبعد عن لوس انجلووس
سوال اخير

المتسكعه
نيوبورت من المناطق الجديده اللتي نشات بسرعه ماشاء الله في لوس انجلس وهي قريبه يعني بالسياره مو اكثر من نص ساعه
انصحج السكن فيها وبالسياره تروحون كل مكان وبسرعه وكل ما سكنتوا وطولتوا اكيد تاخذون خصومات ونقاط
بالنسبه للاشتراك في هلتون سهل جدا
تروحين هلتون دوت كوم وتدخلين على الاونرز وتسجلين فيه بكل بساطه
وبعد اسبوعين على الاكثر توصل العضويه بالبريد وتدخلين على الموقع وتسوين باسوورد وتحجزين وراح تلاقين حجز بسرعه واقل سعر بعد
الاخت ام احمد ما قصرت كفت ووفت

طيب واورانج بيتش وينها عن ل أ
دخلت الهيلتون .كوم بعدها وين اروح لاني مافهمت الاونرز

المتسكعه
اختي الكريمة ..
تبعد لوس انجلس عن اورانج كاونتري 30 كلم !!
وبالنسبة لاخذ عضوية للهلتون هذا الرابط hhonors.hilton.com
اضغطي على Join وكملي تعبئة البيانات !!
والماريوت برضوا لازم تشتركوا فيه !!
نيويورك فيها فنادق كثير في التايم سكوير جربي موقع الهلتون والماريوت
عندهم فنادق كثيرة تحت اسماء شركتهم !!
وهذا الموقع ممتاز للحجز مجرد ادخال اسم المدينة والفترة والموقع في المدينة
وهو يعطيكي الاسعار وممكن تشوفي الغرف وتفاصيل الفندق
www.booking.com
وبالتوفيق

شكرا
الله يعافيك ياارب وشكلي بشترك بالهيلتون وماريوت والشيرتون بعد
ومبروك الاشراف والله مره تستاهل ولو انها متأخره..
ومبروك عليك الخبره اخوي سواح قدها وقدود..
ماتقصرون..

1. و بين سانتا مونيكا و هوليوود حوالي 25 دقيقة بعد


2. سان ديغو شويه عليها 3 خلوها 5 معقولة .

آسفة على التأخير ... جهازي كان فيه فيروس و اضطريت أعمله
فورمات ... عموما بالنسبة للأسئلة
أنهايم هي المنطقة الي فيها ديزني ... أما اليونيفرسال فهي في
مكان ثاني في لوس أنجلوس ... و بما إنج منتي مهتمة بالمكانين
اذن لا تسكنين بأنهايم أو لوس أنجلوس ... أوكي ؟
يبقى عندنا لونج بيتج أو آيرفاين أو نيوبورت بيج .... نيوبورت بيج
حلوة بس فنادقها مو وايدة و أسعارها مو رخصية بعد ( اذا كنتوا عائلة )
أنا أرجح لونج بيتج أو آيرفاين و أكيد فيها فنادق إقتصادية و عائلية ( يعني مساحة الغرفة أو الشقة اكبر )
و هم بعد المستوى جيد جدا ً ....
نيوبورت ... منطقة جميلة بس صغيرة جدا جدا .. فلا تتصورين إن فيها وايد شغلات بتزورنونها لكن فيها سوق وايد شرح و حلو ... اسمه Fashion Island أكيدة راح يعجبكم !
بالنسبة لآيرفاين ... ما سمعت أحد ذمها بالعكس ماشاءالله صادفت وايد عوايل سعودية ماخذين شقق هناك و هذا أكيدة لأن المنطقة مناسبة لهم .
سانتا مونيكا هم بعد منطقة صغيرة و ما فيها أتراكشن أو أماكن جديدة عليكم عشان تزورونها الي يميزها هو موقعها لأنها على الساحل ...و جمال ساحلها بس ... بين لوس أنجلوس و سانتا مونيكا حوالي درب 25 دقيقة بس

و بين سانتا مونيكا و هوليوود حوالي 25 دقيقة بعد

سان ديغو شويه عليها 3 خلوها 5 معقولة .

بالنسبة للسكن إنتي قلتي تقسمينها 3 ( هوليوود - سانتامونيكا- لونج بيتش ) وايد نقله !! حتى لو كنتوا إثنين لان ما تسوى النقله .... الاماكن قريبة من بعضها والله و ما تسوى عليكم تسنع الجناط و شيلها و حطها صدقيني ! يعني لو بين المكان و الثاني خلينا نقول ساعة و نص و المكان هذا بترددون عليه وايد أقولكم نعم سكنوا هناك .... ما يسوى عليكم مصرف البنزين و رايحين و جايين و مضيعين وقتكم على الطريج !
خلي السكن سان ديغو و لونج بيتش و ممكن آيرفاين اذا تبين .... بس أبيج تقولي لي جم يوم في كاليفورنيا ؟؟؟ عشان أقسمها لج عدل

ياحبيلك ردك يوسع الصدر مره شكرا
بصراحه اقنعتيني مره
صادقه ماتسوى التنقل على اماكن مافيها اشياء كثيره نقعد بمكان او مكانيين اريح وافر
ام على سوالك كم يوم في كاليفورنيا احنا قلنا من 10 الى 12 مع سان ديغو ممكن تقل بعد
انتي وش رايك ؟؟ قسميها عدل