عاشقةتايلند
هلا اختي عاشقة تايلاند
واحنا بعد نحبك (في الله)
سياكل للتأجير في البحرين !!!! ماعمري سمعت بها
بس في ايام البر (الشتاء) يكون فيه تأجير حق سياكل ام اربع اطارات (بانشي)
اما الحين في هالحر والرطوبة@@ مالك إلا تاجرين جيت سكي
وبالنسبة لجنة دلمون
ما انصح فيها أبد
بعيدة
وحر
وألعاب قليلة
انا انصحج ب الواهو في مجمع سيتي سنتر
باردة وجميلة وفي وسط البلد وفي يوم مخصص للنساء
وممكن تسبحين وسط الناس تراه عادي
ممكن بالحجاب وتي شرت مستور
وهذا رابط لل الواهو
http://www.wahooo.com.bh/index.asp
وأي خدمة ثانية انا حاضر
وحاضرين للطيبين
محبكم

مشكور اخوي ما تقصر
البانشيات والبقيات شبعانين منها أبي سيكل لول مصره .. وبعدين تقول حر ام مابي اقولك الاسبوع اللي طاف شنو استانسنا على جوكم حاشتنا رطوبه بس يوم واحد بس الباجي كان ولا احلى 6 ايام شحلاتها الجو صيفي طبيعي نقدر نتحمله .. مابي اقولك هني توصل للخمسين والحمدالله على كل حال
جت سكي هذا اكيد والزامي سواء هني او بديرتكم بس نبي سيكل نبي نغير كله من تايلند خربت مزاجنا لول
واهو صار لنا موقف انا واخوي كنت ناسيه المايوه وانا مصره ما البس غيره وندور ندور ولما لقينا رحنا طايرين حتى ما بدلنا قلنا نبدل بواهو .. ولما وصلنا بعد تعب والا نشوف كله بنات @@ انا بغيت انسدح من الضحك قلت لاخوي يوم بنات شكله يعني انا ادش وانتا لأ !! بس ذاك اليوم النذاله شوي عندي نازله اسهمها وما دشيت بروحي
بمشي على شورك واروح واهو
مشكور مره ثانيه

اواهوو افضل واقرب من تجربه شخصيه وابرد لك في هالحر والرطوبه والناس اذواق

بصراحة أنا عندي جنة دلمون أفضل يمكن لأنها رحلة متكاملة خاصة أنها بعيدة وفيها خدمات متكاملة / وبالنسبة للجو الحار أصلاً مثل هذي المدن المائية وجدت لمثل هذي الأجواء والدليل أن جنة دلمون تغلق في فصل الشتا , وترى عدد الألعاب في جنة دلمون ضعفين ألعاب واهو بس واهو لعبة تسلق الأمواج وهذي مو موجودة بجنة دلمون ,
ام اختي عندي سؤال / انتي تبين سيكل ولا موتر سيكل ؟؟ لأن المسميات شوي تختلف عنكم ههه و وين بالضبط تبين تطلعين فيهم بالشوارع ولا في حلبات السباق ؟؟!! عشان نعرف نحدد ,,
وحياكم الله افا عليج هذي ديرتكم أصلاً أي وقت حياكم الله.

عاشقةتايلند
العفو اختي وحاضرين في اي وباللي نقدر عليه
بس لا تنسين
تقولين لنا شصار لج مع العاب الواهو
بالذات الى في الزاوية
بصراحة
تطيح القلب
محبكم

وانا بعد اضم صوتي لصوت الاخ بحريني غير
جنة دلمون المفقودة افضل بكثير من واهوو
جنة دلمون رغم انها مفتوحة والجو حار الا ان المياه فيها تكون باردة
ومنعشة، كما ان الالعاب فيها اكثر من حيث العدد والمتعة كما ان مساحتها
اكبر بكثير من واهوو... ومن ميزاتها ايضا العروض المجانية لاخر افلام السينما
في ايام محددة ...
اما ياهوو فبرغم من انها جيدة وقريبة وباردة الا انها صغيرة والعابها قليلة من
حيث العدد والمتعة مقارنة مع جنة دلمون كما ان ريحة الكلور قوية فيها نظرا
لكونها في صالة مغلقة !
هذا والاختيار لكم في النهاية...
وقت ممتع ان شاء الله

مرحبا لكم ...
حبيت اضيف ان هناك يوم مخصص للفتيات في جنة دلمون ...
و على العموم .. بالنسبة للسياكل ماكو سياكل لتاجير ..
في سيارات ... يصلح

هاوي المنتدى
اشكرك اخوي على ردك .. وراح اجرب الاثنين شنو وراي !!

بحريني غير
اخوي ما تقصر والله وصج احسها ديرتي لان بالضبط نفس الكويت مع اختلافات بسيطه وهالاختلاف احبه واحسه تغيير
موتر سيكل شيفرق عن السيكل ؟؟ احنا عندنا السيكل اللي في منه هارلي وياماها وهوندا مادري شنو تقصد بموتر سيكل !!
على قولت عبدالحسين عبدالرضا طقطاقي
مانبيه حق سباق نبيه حق تمشي تالي الليل والفير
عموما انا توني راده من لبنان .. رحت سوريا ما تحملنا يوم ورحنا لبنان على اساس يومين صاروا خمسه .. ياحلو لبنان
ولان رمضان بكره الله يعوده علينا وعليكم ؟؟ ردينا ديرتنا يعني ما مريت البحرين الله ما كتب ....بس ناوين الاسبوع الياي انشالله نمرها
اي نصايح عن حبيبة قلبي البحرين ارحب فيه
قواكم الله