السلام و عليكم
انا مو هذه الخبره في السفر الى سويسرا رحت مرة وحده
بس في موقعين زينين لحجز الفنادق
http://www.fendeq.com/
ان شاء الله يساعدونك

... لست خبيرآ ... ولكن بعد التوكل على الله والاطلاع على مشاركات الاخوة والاخوات فى هذا المنتدى الرائع ,,, سافرت منذ عامين وزرت 4 دول اوربيه -- المانيا النمسا ايطاليا سويسرا -- وتنقلت بينها بالسيارة وزرت اهم معالمها السياحيه ,, وقد اتممت حجوزاتى بنفسى عبر النت او بشكل مباشر ,,, وانصح هنا بموقع بوكينغ (( فالامر بسيط جدآ )) خاصة وان الوقت الذى ستسافرون فيه ليس من اوقات الذروة والزحام ..... فتوكلوا على الله ولاتهابوا الامر ,,, وانا جاهز لاي استفسار -- لدى اجابته -- ولاكن احب ان اؤكد على امور اهمها .. 1// تقوى الله عز وجل امتثالا لقول النبى صلى الله عليه وسلم : اتق الله حيثما كنت .. 2// تذكر بانك سفير لدينك وبلدك ((وسيقال عن اى عمل تقوم به المسلمون او السعوديون )) .. 3// ضرورة وجود سيارة للتنقل -- الخاص -- فقمة المتعة فى زيارة الا ماكن الطبيعية الرائعة والمدن المختلفة وقتما وكيفما تشاء = وهى لاتتحقق الا بوجود سيارة تقودها بنفسك= .. 4// حاولوا ان تتزودوا =بما خف ولذ من الطعام = من المملكة قبل السفر ففى ذلك توفير للمال وامان من تناول اطعمة قد تشوبها محاذير شرعيه او لاتناسب اذواقنا --- رغم توفر مطاعم الوجبات السريعة --- (( وصدقنى لقد كان لتونة ريو مارى وطحينية طعمه نكهة خاصة )) اضافة الى المعمول والسكرية والكليجا وغيرها مما يناسبكم ......

هل معاكم فيزا عشان تحجزون من بوكنج؟؟
اذا ما معاكم ممكن نشوف لكم المواقع اللي ماتحتاجون فيها فيزا ويصير تحولون لهم الفلوس
بس هل معاكم سياره؟؟؟
وين محطه الوصول والعوده؟؟
هل عندكم مخطط معين ولا نعطيكم مخطط؟؟
كم عددكم بالغين واطفال وكم اعمر الاطفال

بجد أشكركم ع تفاعلكم وعسى الله يفرحكم ويسعدكم زي ما اسعدني ردوركم
احنا 8 افراد >> اصغرنا 13 سنه
والرحلة لسه ما اكدناها >> خايفه اتوهق ولا ألقى سكن فعشان كذا امااكدت الرحله
بتكون الانطلاق من الرياض الى جنيفر 3سبتمبر
والعودة بإذن الله من زيورخ الى الرياض 16 سبتمبر
احنا مو جاي ع بالنا ناخذ سيارة >> بس لمن قريت مشاركات ومواضيع الاعضاء >> غيرنا فكرتها >> بس المشكلة م اعندنا رخصه دوليه !!!!
وكيف استخرجها؟
و1/معانا بالرحلة كبار بالسن فحابين ناخذ بيت او مزرعه بالريف او شاليه نجلس فيه كم يوم استرخاء واستجمام
2/حابين برضو نزور قمم في جبال الالب >> واذا فيه تزلج يكون واو
3/ اخواتي الصغار حابين يشوفون بيت هايدي
واولا واخيرا تهمنا الطبيعة والجو الهادئ
الخطة اللي انا حاطتها
جنيف 5 ايام
لوقانو 2 يوم
انترلاكن 7 ايام
واحنا حاطين ميزانيه معينة للسكن والتنقل
توقعاتك كم تكفينا؟
ومن ججد اشكركم وعسى الله يفرج لكم من حيث لاتحتسبون

اختي دموع الوجد
احس ماعندي وقت >> توقعين يمديني ارتب الرحلة !!؟؟؟
لأن التذاكر تعرفين كل يوم راح يزيد سعرها !!!!
وغير الشنجن >> بس اعتقد ماراح ياخذ وقت إن شاء الله
انتي وش رايك عطيني مخطط يناسبنا
علمااننا عائلة تحب الهدوء
يعني عادي نقعد بشاليه او مزرعه 5 ايام بدون مانطلع
وممكن ناخذ معانا الضروريات من الاكل
الفيزا انا ما عندي >> بس مو مشكله ادبرها
واذا فيه طريق بدون فيزا >> يكون افضل
وعسى الله يرزقك من حيث لاتحتسبين

شوفي يا اختي انا بساعدك باذن الله بس السياره ضروريه جدا لكم لانكم عائله كبيره ماشاء الله ومعاكم ناس كبار ماشاء الله والقطار والباصات تعب وحوسه
طلعوا الرخصه الدوليه ماتطول بسرعه تطلع
نصيحتي لك دام الوصول جنيف والعوده زيورخ
عندكم 13 ليله خلوا رحلتكم
ليله جنيف - 7ليالي انترلاكن - ليلتين رست - 3ليالي كونستانس- زيورخ عوده فقط
بس هل معاكم احد منقب ؟؟
رست فيها العاب اليورب بارك رائعه وحلوه لكم
تسكنون في كونستانس اللي تبعد 70 كلم عن زيورخ فقط افضل لكم لانه زيورخ غاليه جدا بالسكن وماتلقون شقق
ترى على فكره سويسرا اغلى دوله في اوروبا تقريبا يعني السكن غالي والاكل وكل شي اذا تبغين شوري خلوا رحلتكم المانيا والنمسا وتراها حلوه مره احنا عائله زيكم عددنا 9 اشخاص وكلنا بالغين ونروح المانيا والنمسا روعه ونلقى فلل وشق ممتازه واسعارها حلوه وممكن تخلون الصولو والعوده ميونخ ويطلع استئجار السياره عليكم ارخص لانه في المانيا

مشكورة اختي والله يجزاك الجنة
ايه معانا منقبات >>> ليش يفرق؟؟؟
وزي ماقلت لك احنا مانبي ندور كثير >>> حابين مزرعه او شاليه نقعد فيه 5 او 6 ايام
فعشان كذا اخترنا دوله وحدة
وبخبرتك هل فيه شقق وفلل او شاليهات في سويسرا
طيب برأيك لو غيرنا للنمسا او المانيا
راح نلقى حجوزات وسكن رائع؟؟
ومشكورة مرة ثانيه

ايوه في زيلامسي وكابرون تلقون خيارات اكثر وارخص انا واهلي اخذنا
فيلا في كابرون القريبه من زيلامسي وكان سعرها باليوم 900 ريال فقط
ثلاثه ادوار واربعه غرف نوم وصالتين ومطبخ وحوش كنا نشوي فيه بصراحه روعه
ويصير جدولكم
ميونخ وصول فقط - 10 ليالي زيلامسي او كابرون - ليلتين ميونخ
ميونخ اكثر شي فيها تسوق يكفيكم يومين او اذا بغيتوا تسوق اكثر نخلي 3ليالي في ميونخ
بصراحه هالمخطط افضل لكم واوفر واستئجار السياره من ميونخ ارخض لكم بكثير
اذا تبغيني اجيب لكم خيارات للسكن في زيلامسي او كابرون الحين مع اسعارها وتشوفينها اكيد راح تناسبكم

مشكورة والله يجزاك الجنه
ياليت تساعدني > في السكن والحجوزات
طيب زيلامسي فيه اشياء قريبه منها وحلوة >> عشان لو حابين نطلع ونتمشى
وبرأيك ايش افضل خطوط طيران >> عشان احجز عليها >> ويارب ألقى
واالله يعطيك الف عافيه