هلا اخووي ابو وسن ... وأسف على التاخير .. النت عندي بطئي شووي ..
فندق يونيون اليزيه .. مااعرف عنه شي .. الا مووقعه .. واقرب محطه له هي (( بويسيري ))
وكمان كليبر قرريبه منه بس بويسري اقررب منه ... خط رقم 6 .. متجه الى شارلي ديغول ايتوال ...
بس على فكرره ترى المحطه الرئيسيه شارلي ديغول ايتوال مو بعييده عنك .. يعني مشي حول 500 متر
مادري كم بتجلس يووم .. وعلى جلستك احدد لك وكمان على طلعتك ورجعتك ... بس على الغالب
خذ منطقه 1 و 2 و 3 .. مده ثلاث ايام اضنها ب 8 ونص يورو ... لان اغلب الاماكن في هالثلاث مناطق
بس يبقى لك ديزني لاند وفرسااي خذ لهم تذكره وحده رايح جاي .. وباقي تنقلاتك راح تنحصر في
منطقه 1 و 2 و 3 ...
وعشان ماتتلخبط راح اخلي لك محطتك الرئيسيه هي (( شارلي ديغول ايتوال ))
الرير A بيوصلك للديزني لاند وقبلها بمحطه الاولت ليت ....
الرير C راح يوصلك لقصر فرسااي ....
هذوولي استخدام الرير بالنسبه لك ... المترو .. حدد لي اللي تبي تروح له بالظبط ...
لان اكثر شي حولك ... االسين وبرج ايفل .. الشانز ... وساحه الكنكورد .. واللوفر ...
بس اذا بغيت بررضو حددت لك كيف تووصلهن .. لان فيهن تغيير متروو ...
ارخص وسيله هي المتروو .. بس بما انك بتجي ومعك شنط واغرااض اطلع بالتكسي
عشان بعد تشوف المناظر ...
بالنسبه من الفندق للمطار ارخص شي بالقطاار .. بس خلك بالتكسي كونك بتودع خلك وانت فوق
الارض مو تحتها .. هذي وجه نظرري .. واذا بغيت دليتك ... الملكيه ماعرف عنها في ترمينل ..
اغلب الكفياات ماعندك اي مشكله .. بس على جهه الفوكيت . لانها اقل حرركه من جهه الماريوت
بالنسبه للكفيات كلها بالشانز .. اما المطااعم لا .. بس مطعم نورا حوولك مو بعيد هو العجمي ..
واسال وانا اخووك .. وانا جااهز .. بس خل كل سؤال بلحاله عشان ماتضيع .....

بعدين اسافر
الله يبيض وجهك كمان وكمان .................والشكر الجزيل على تلبية النداء
أنا مدة أقامتي 5 أيام وعندي باقي شوية أستفسارات الله لايهينك :-
1- وش رايك اخلي اول يومين للباص السياحي تنقلات وتمشية دام ان تذكرتة مدتها يومين ؟ لكن من وين بدايتة يعني وين أحصلة؟
2- هل أقدر أروح الشانز والبرج ونهر السين مشي من الفندق خاصة معي أطفال ؟
3- أبي تساعدني بالمترو من محطة بوسيري الى ديزني والأوت ليت ومحل العطور سيفورا والمطار
4- أذا بغيت أروح بتاكسي من محطة القطار اللي توصل من جنيف الى فندق يونيون كم السعر التقريبي ؟
5- ومن الفندق للمطار بالتاكسي كم السعر التقريبي ؟
6- ماهي المطاعم والكافيهات اللي تنصح بها للعائلة وأسعارها مناسبة ؟
أنا أسف ياخوي على كثرت الأسئلة وترى مانطمع ألا بالطيبين والنشامة اللي مثلك وشرواك ...

هلا اخووي ابو وسن ...
1- وش رايك اخلي اول يومين للباص السياحي تنقلات وتمشية دام ان تذكرتة مدتها يومين ؟ لكن من وين
بدايتة يعني وين أحصلة؟
كويس واحسن مااسوويت .. من قووس النصر خذ تذكره الباص واركب على طوول
2- هل أقدر أروح الشانز والبرج ونهر السين مشي من الفندق خاصة معي أطفال ؟
جررب اوول يووم ... واذا شفته تعب رح بالقطاار .. مع انه كله تعب سواء اذا بتنزل وتروح وتطلع بالمترو
وحتي اللف بالشاانز تعب .. بس تررى الفندق موب بعييد حييل ... يعني ممكن تمشوون له ...
3- أبي تساعدني بالمترو من محطة بوسيري الى ديزني والأوت ليت ومحل العطور سيفورا والمطار
تركب المترو المتجه الى شارلي ديغول ايتوال .. وتغير الى الرير A وتنزل في اخر محطه واللي قبل
اخر محطه هي والأوت ليت .. بس انتبه من اتجاهات المترو لاترووح بالاتجاه المعاكس ...
وسيفورا بالشاانزليزيه ..
والمطار .. بس تراه يكلف عليك كثيير اذا انتم مجموعه .. وخذ تكسي افضلك ومنها توودع وانتي
فووق الارض مو تحت الارض ... عموما شارلي ديغول لين توصله يبيلك تغيير ثلاث مرات ...
تركب مترو رقم 6 من محطة بوسيري وتنزل في محطه شارلي ديغول ايتوال .. وتطلع من محطه
شارلي ديغول ايتوال وتركب رقم 1 المتجه الى شتاليت .. وتنزل في محطه شتاليت ..
وتركب في قطار B المتجه للشارلي ديغوول .. بس ترااه تعب وشحططه ... انصحك بالتكسي افضلك
4- أذا بغيت أروح بتاكسي من محطة القطار اللي توصل من جنيف الى فندق يونيون كم السعر التقريبي ؟
ماقدر افيدك .. بس برضو رح بالتكسي احسن لك .. من التعب والشنط ... بس والله ماعرف كم ياخذون
5- ومن الفندق للمطار بالتاكسي كم السعر التقريبي ؟
بحدود 50 الى 60 يورو ...
6- ماهي المطاعم والكافيهات اللي تنصح بها للعائلة وأسعارها مناسبة ؟
دايمن ابعد اللي فيها تجمهرر مثل اللي حوول سيفورا .. ولو اني اشووف عاادي مافيه اي مشكله
لان اغلب العووائل تجلس في اي مكان ...تدل وصفت لك وركز على الاماكن الاجنبيه .. المطاعم العربيه
غاليه ومااتسووى ...
أنا أسف ياخوي على كثرت الأسئلة وترى مانطمع ألا بالطيبين والنشامة اللي مثلك وشرواك
خذ راحتك اخووي ولايردك الا لساانك ... ابد اسال قد ماتبي .. ولاتستحي .. بس كان ودي
تخليه سؤؤال سؤؤال عشان مااتتووه ...

الله يعطيك العافية ياخوي كفيت ووفيت وبيض الله وجهك دنيا وأخرة وأحرجتنا بطيبتك ونخوتك
وأخر سؤال عندي وسامحنا أذا زودناها شوي أبي أعرف الأماكن اللي يمر عليها الباص السياحي .
شاكرين ومقدرين تجاوبك معنا ........ دمت بخير

هلا اخوي ابو وسن ....
وأخر سؤال عندي وسامحنا أذا زودناها شوي أبي أعرف الأماكن اللي يمر عليها الباص السياحي .
تبي الصرااحه اني ناسي وش يمر فيه ... بس اللي اتذكرره .. برج ايفل .. نهر السين
الشانزليزيه ... ساحه الكنكورد .. وقرريب من اللوفر على ماضن .. والاوبرا اذا ماني غلطان ..
لان اخرر مرره ركبت فيه قبل 3 سنووات ...
وكلما تذكررت سؤؤال .. اسأل ولايهمك اخووي ابو ووسن

عزيزي هذا خط سير الباص :
Tour Eiffel - Quai Branly, in front of Bridge of Iena
Champs de Mars - Avenue Joseph Bouvard
Musee du Louvre - Near the Pont des Arts
Notre Dame - In front of the 25 rue d'Arcole
Musee d'Orsay - In front of the Musee d'Orsay entrance
Opera - In front of the 15 rue Sribe
Champs Elysees-Etoile - In front of the 156 avenue des Champs-Elysees
Grand Palais - Avenue Winston Churchill
Trocadero - In the angle of the avenue Paul Doumer

^
^
^شكررا مزون mzoon ... بسميك المنقذه ...

بعدين اسافر
شكررا مزون mzoon ... بسميك المنقذه ...
الشكر الجزيل للمنقذ والمنقذة ............ وجزاكم الله كل خير

العفو ما سويت شي