نسي سؤال مهم
انا ناوي اخذ اللاب توب معي
هل صحيح انهم يفتشون اجهزة الحاسب واذا لقوا فيها برامج تجاريه ممكن يغرمون المسافر او حتى يمنعون دخوله ويصادرون جهازه
ونصتئحكم بخصوص هالامر
معقوله يكون جهازي داخل الشنطه اللي طبعا راح تكون مشحونه مع العفش يعني مو هاند باق معي داخل الطياره
وتتفتش
خبركم حنا البرماج المقلده عندنا تباع في الشوارع وعلى عينك ياتاجر ومتعوده دائما
ههه
لكن هناك اعتقد فيه نظام صارم
اتنمى افادتي بهذا الامر
لانه انا متعود ان اللاب للحاجه فقط للتحويل بين حساباتي البنكيه عند الحاجه ولا انا رائح اتمشى مو فاضي اطالع اللاب
الا اذا كان عندي وقت فاضي وقاعد في الاوتيل
ايه
نسي شي مهم ثاني
اذا احتجت لاي مساعده من الاخوه هنا وانا هناك
وانا كلي ثقه انا المشرفين عندنا وبالذات الاخ فارس الجبيل
سباقين دائما بكل اريحيه ولطف ومبارده لتقديم المساعده لمن يطلبها

ابشر بالخير قريت اسئلتك بشكل سريع ولي عودة بالتفاصيل بأذن الله

اقسم بالله
اني متوقع ان مشرفنا الغالي والشهم
فارس الجبيل
هو اول واحد راح يرد
من خلال متابعتي لهذه الصفحه
اكثر مشرف متواجد وبروح طيبه ومسارعه تغلفها الخلاق الكريمه والروح العذبه
هو
القدير
فارس الجبيل
براحتك ياحبيب قلبي
بس تكفا يافارس الفرسان
تحمل اسئلتي
وعلى فكره
انا سايح بسيط مو معقد
لاني راعي شوبنج ولا بحيرات وملا هي
نظامي هو الاماكن المفتوحه النظيفه مطاعم مقاهي تمشي على بعض المتاحف المهمه مثل مدام تيشو او تيسو ههه
عين لندن
ساحة بيكادلي
وفيه مكان اسمه اعتقد كوفنت قاردن مادري وش قصته يافارس مكان حلو وشرح ينفع الواحد الواحد يتكي على مقهى فيه على الشارع مثلا
اكسفورد
شارع العرب
هايد بارك
زياره لهارودز
تقريبا يافارس هذا بيكون برنامج لمدة 8 ايام اذا الله اراد
واذا فيه اضافه منك مانحرم منها
انا رايح استجم فقط وهاذي اول زياره لي
استجم وامتشى واتفرج فقط
وعلى فكره يافارس الغالي
اذا عندك نصحه بخصوص الاموال اللي ممكن اخذها معي في الطياره على الاقل حقت يومين وبعدين اصرف منك من المكائن

كتبت رد اطول رد اكتبه بحياتي وبضغطة زر بالغلط راح كل شي ههه لكن ولايهمك
ابرد مره ثانية اكتبه لك بعد مااروق

ههه
شكل واحد صكنا عين ليزر مخترقه للحديد
الله يطول عمرك
يافارس الغالي
بسرعه الحقني وسوري انا من اخر رد انشغلت ولا كان مسنتر احتريك
فارس حبيبي قلبي
طلب مهم مهم مهم جدا
انت ماشاء الله عليك بروفيشنال في لندن وحارثه حرث
تكفا وترى تكفا تهز الرجاجيل ههه
ابيك ترشحلي 4 فنادق قريبه من مثلث الاكسفورد و الهايدبارك و الاجورود
وتكون حيويه يعني ايش
قلتلي ايش
ههه
يعني قريبه من مطاعم سوبرماركت بقالات مقاهي مو لازم بالوجه لكن عل الاقل حذفة حصاه ههه
اخوك كسول
ابي امون الغرفه واذا حبيت نقزت وجبت اكل او خفائف او لوزام لاني من النوع ماحب الاكل في المطاعم قدام خلق الله
بس احب المقاهي
وتكون هالفنادق 4 نجوم ونظيفه ومن الالف ريال وتحت وطبعا يفضل تحت الالف ههه
شكرا لك يالغالي
وعساك سالم اخر رد لك من 6.30 والى الان مانزلت ان شاء الله تكون امورك تمام

يااخوان وياخوات
الله يرحم والديكم
اللي دخل موضوعي وصك الغالي مشرفنا بعين
خلاها يضيع اطول رد بحياته وبدال مايدوس رد سريع
داس ديليت
يدخل وينفث ويذكر الله
الرجال من الساعه 6.30 وهو ماهوب موضوعي
بليز
الوضع حرج
وينك يافارس الفواريس
وينك يالشهم النبيل
اني اغرق اغرق في بحور اسئلتي وامواج الحيره والضياع في معرفة مسالك ديار الانجليز
ياشيخ والله انك تستاهل هالدعوه لو ماجاء منك الا الاهتمام والروح الحلوه والاخلاق اللي زي العسل
روح ياشيخ فارس
جعلهم ان حطوا في السعوديه
اول وزارة للسياحه
تكون انت وزيرها
ههه

1. بالنسبه للباصات

ولا يهون المشرف العزيز واتمنى التصحيح اذا فيه اخطاء او مشاكل

بالنسبه للباصات

كيف اعرف ارقام كل منطقه ابي اروح لها واذا وقفت عند محطة التوبيس ناوي اروح مكان معين كيف اعرف متى بيوصل الباص لانه مو معقوله اوقف مثل الشاويش والباص ممكن بيجي بعد ساعه ويضيع وقتي
بتحصل في بعض محطات الباصات شاشة صغيرة عليها الوقت / اما كيف تعرف ف روح لنفس العمود اللي فيه لوحة الباص وبتحصل ورقة مرسوم فيها خطوط بالوان مختلفة كل لون يمثل باص برقم معين شوف رقمه فوق او تحت ووش المحطات اللي يوقف فيها طبعا في الباص بتسمع ان المحطة الجاية هي كذا والموضوع بسيط وما يحتاج ان جربته بتعرف الوضع
2
انا بحثت في البوكنج ابي فندق يكون قريب من المثلث الواقع بين الهايد بارك والاكسفورد واجوررود يكون اربع نجوم ونظيف وماكس مم 250 دور او مايعادل 1000 ريال
وملاحظه مهمه اللي جرب فندق في هالمنطقه واهم شي واهم شي يكون فندق حيوي يعني انزل يكون قدامي سوبرماركات ومطاعم ومقاهي
لايبخل عليه
المنطقة اللي كويسة من وضعك اللي تبغاه بتكون اما
Paddington
او
Bayswater
جدا محترمة وموقعها مناسب وقريبه من اشياء كثير واهمها السنترال لاين للاندرقراوند
اما اقتراحتي في الفنادق واللي قد سكنتها
Corus Hotel Hyde Park
Hilton London Hyde Park
The Cumberland
Hilton London Paddington
Millennium Hotel London Mayfair
((فيه منطقه اسمها نايتس بريدج ..وش رايكم في هالمنطقه وقربها من المثلث الشهير اكسفورد- اجورود- هايد بارك))
3
فيها الهارودز و هارفي نيكلز والماركات باشكالها والوانها ومطاعم وقهاوي واللي تبي من ارقى مناطق لندن عموما
رغم ان الاخ موادع ما قصر وشرح طريقة الانتقال بالاندرقراوند الا ان مخى متربس من كثر من الالوان والممحطات ويبيبلها حفظ اسامي احد عنده طريقه مختصره لحفظ جميع المحطات ومكان كل محطه او هناك برنامج في الستور تبع الموبايلي علما ان جهازي جلاكسي اس 2
وش فايدة حفظ الاسامي شوف انت وين رايح واحفظ اسم المحطة اللي بتروح لها وشف كيف راح توصلها من بين المحطات والمفروض انك عارف ان الدائرة البيضاء بالخريطة معناها ممكن انك تبددل في المسارات بتضيع مرة بعدها بتزبط لا تشيل همه موضوعه بسيط وعندك الموظفين اللي في المحطات ما يقصرون ابد ويشرح لك اي شي تبيه
4
انا من النوع اللي احب المقاهي المفتوحه وتكون نظيفه وراقيه
احد يرشحلي اهمها وافضلها وهل الهايد بارك فيه مقاهي ممكن الواحد يوسع صدره فيها ولا بس فرفره وسط الحديقه ولا زم تجيب خفايف معاك
الهايد بارك الظاهر ما فيها غير قهوة وحدة بالنص عند البحيرة
بس ان جيت للشوارع الرئيسية اكسفورد وريجنت بتحصل اشسياء كثيرة من ستاربكس وبيرت وغيرها المحلات العادية او القهاوي المحترمة اللي داخل المحلات
جون لويس - هارودز - هاوس اوف فريزر - .. الخ
5
وش افضل شريحة اتصال هناك وبالذات للمكالمات الدوليه لدول الخليج
6
ارخصهم ليبارا - بس انا جلست فتره طويلة واستخدمت فودافون واذكر اسعارها مقبوله نوعا بتحصل عروض واجد ودعايات وممكن تسأل راعي المحل اللي بتشتري منه وبيفيدك
انا من عشاق الليل هل لندن امنه وهل فيه اماكن سهر فيها نظيفه وراقيه
7
البيكاديلي والنايتس بريدج واذا ناموا او قفلوا عندك بادنقتون صاحين ل 4 تقريبا
هل من نصائح عامه لواحد ستكون تجربته الاولى بمشئة الله تبارك وتعالى مع عاصمة الانجليز بعد نحو 11 يوما ونيف
بالسلامة ان شاء الله وانتبه لعمرك واستمتع برحلتك ان شاء الله الاجواء بتكون زينة وزحمة صيف وكذا
انا قبلك بيوم 10 ايام على رحلتي والله ييسر

1. ==================================================


2. الاندرقراوند


3. ==============

السلام عليكم ورحمة الله وبركاته
بيض الله وجهك يابوعيسى عز الله انك ماقصرت وافي يابوعيسى جزاك الله خير
واخوي منطقي حالم لاتنفخ راسي واجد ترا اشوف نفسي وماعاد ارد ههه لا بالعكس كلنا اخوان ويعلم الله نحاول بقدر المستطاع باللي الله يقدرنا عليه نفيد اخوانا المسافرين
والاخوان كلهم فيهم الخير والبركة ومايقصرون ونعذرهم في غيابهم ان غاب احد منهم والغايب عذره معاه وهذي الدنيا كلها مشاغل الله لايشغلنا الا بطاعته وما انا الا عود من حزمة
========================
الباصات
شوف ابوعيسى ماقصر شرح لك احسن مني لو ابشرح انا
لكن افهمها اكثر من تحفظها وهي بسيطة جدا جدا شوف لاجيت موقف الباص مثل ماقال ابوعيسى بتحصل لوحة خارطة فيها اسامي المناطق كلها وبجنب كل اسم ( رقم ) الي عليك تشوف اسم المنطقة اللي تبيها وتشوف رقمها كم
بتحصل عمود بجنب الموقف فيه لوحه وفيها ارقام الباصات الي توقف عن هذا الموقف اذا لقيت نفس الرقم موجود انتظر الباص واذا ماحصلته مكتوب روح لموقف ثاني وفي الغالب بتلقاه قريب من موقفك
مثل هذا

==================================================

الاندرقراوند

نفس طريقة الباصات لكن بدال الارقام بتكون اسماء المحطات ماعليك الا تحديد اسم المكان اللي تبي بتشوف لوحات ترشدك لاتجاه اللاين اللي فيه القطار الي يروح لنفس مكانك ويمكن يمر بكذا محطة فيها تغيير تنزل وتغير القطار
مثال انت في ماربل ارش تبي تروح النايتسبريدج بتشوف لوحة خارطة للاندرقراوند شوف اسم النايسبريدج وين وامش مع الخط المرسوم قدامك وحدد اسماء المحطات الي يمر فيها القطار غالبا بيتقاطع مع خط او خطين معناته بهالتقاطع انك تنزل وتغير القطار الثاني لتكمل مسيرك الى النايسبريدج
مااعرف اشرحها مثل ابو محمد الله يعطيه العافيه في موضوعه المثبت لكن نزل برنامج tube map london ممتاز جدا ماعليك الا اختيار المحطات وهو يرسم لك الخط ويعلمك باي محطة تنزل
================================
الفنادق مافيه احسن من فنادق الموضوع المثبت للفنادق اختار من بوكينق اللي يناسبك ولاتنسى تقييم النزلاء للفندق اقراء وشوف وقارن الصور بموقع ترب ادفايسر الصور الحقيقية للفندق من نزلاء قد سكنوا من قبل فيه
كل الفنادق الي رشحها لك ابوعيسى ممتازة وانا كذلك انصحك فيها لكن ماعرفنا انتم كم شخص علشان نقدر نحدد وش يناسبكم بعض الفنادق او اغلبها في اوروبا تكون غرفهم صغيره لذا ماتصلح للعوائل وغاليه شوي
لكن انصحك بمنطقة البيسووتر او الكينزوي او النايسبريدج او الكنزستون كل هذي المناطق زينة واسعارها شوي معقولة مقارنة باللي عند الاكسفورد ناعدا النايسبريدج شوي غاليه
======================
المقاهي
في كل زاوية وركن مقهى لكن عامة منطقة النايتسبريدج هي اللي فيها المقاهي خاصة اللي مقابل الهارودز او الي بالسالون ستريت في بعض المقاهي المنخشة شوي عن الشوارع الرئيسية انا افضلها
الهايدبارك يوجد مطعم ومقهى واحد زي ماتفضل ابوعيسى بالوسط بطرف البحيرة واذا بالصيف بتشوف الزحمة عليه حتى ماتحصل مكان تجلس فيه

==============

السهر في لندن مااشوف انك بتحتاج تسهر لان النهار طويل ماتوصل الساعة 10 بالليل الا وانت طافي تدور الفراش حلاة لندن في النهار في الليل المشاكل شوي تكثر وبتشوف اشكال ماودك تشوفها خاصة بمنطقة البيكاديللي وسوهو
لكن غالبا الاجول رود في الليل تقدر تروح المطاعم الي هناك او المقاهي او في النايسبريدج بعض المقاهي ماتسكر لوقت متاخر او عند عين لندن والمنطقة اللي حواليه بتشوف الناس بكثرة يصورون وهي تعتمد على الفعاليات الي بتكون في وقت سفرتك
===========================
واي سؤال اخر تفضل ومن الان كثف قرائاتك عن لندن صدقني كل شي موجود بالمنتدى بس يبيلك تبحث وتركز شوي وتحدد النقاط اللي تبيها
ولاتشيل هم يالحالم بنكون وياك حتى وانت مسافر ماعليك الا تكتب لنا والاخوان مايقصرون بأذن الله

ABO-ISSA
خشمك خشمك يابو عيسى
واحلى حبه)بوسه يعني) عليه
بجد الف شكر وكل امتنان وتقديري لكرم اخلاقك ومنحي بعض وقتك بهالمعلومات المهمه
وعلى هالنحو من التفصيل المبسط اللذيذ المقرمش ههه
ياشيخ لو ان منصب وزير السياحه شاغر
كان اوف كورس 4 شو
لك
قاعد اسوي ترين على اللغه
لكن المشكله ان الغالي ابو الفواريس تم منح اللقب له
بيض الله وجهك يابو عيسى
ودامك بتسبقني بيوم اجل اموري زينه
ان كان مامعك عوائل ولا اهل بروحك مثلي او معك احد من خوياك وربعك
قلي وين بتقعد عشان اجي اسلم عليك
وعلى فكره يابو عيسى
فيه شغله انت وفارس الفواريس
مريتوا عليها بدون
جواب
وهمه
ومهمه جدا ويمكن انا اول واحد يسال هالسؤال
كيف اعرف الوقت اللي بيمر فيه الباص
يعني انا رحت للمحطه وبركب باص الاكسفور وانا في الهايد بارك مو معقوله اكون مرتز مادري متى بيجي
الشغله الثانيه
بالنسبه للاب توب وانهم ممكن يفتشون اذا فيه برامج تجاريه او كبي وانا حاطه جوا الشنطه في العفش ماجاوبتيني عليه
وكل الشكر لك الغالي ابو عيسى