النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
shahlaa
21-04-2022 - 09:36 am
السلام عليكم
والله ان راسي يوجعني من قراءة التقارير وانا اول مرة ازور اوروبا باستثناء فرنسا
وابغى برنامج عشان ازور المانيا والنمسا ومحتارة ادخل سويسرا ضمن البرنامج او لا لان اخاف تطول المسافات وانا حلمي اشوف سويسرا وتصير كل سفرتي مشورة
مافيه مشكلة عندي في المانيا والنمسا لان من خلال قراءتي لتقرير لاحظت ان المسافات متقاربة
مع العلم اننا عائلة مكونة من 8 اشخاص منهم 3 اطفال
وش رايكم وشلون ازورهن كلهن
و هل يوجد مدن او مناطق للتوقف بين زيلامسي و انتر لاكن
و شكرا لكم جميعا


التعليقات (9)
المسافر نت
المسافر نت
لاهنت
كم راح تكون المده
عشان نقدر نفيدك اذا في مجال تطلعون سويسرا او لا

shahlaa
shahlaa
هلا اخوي المسافر نت
الايام المقترحة 19يوم ولكن محطات التوقف مهمه بين النمسا وسويسراوشكر

ALI_Q8_77
ALI_Q8_77
مساء الخير
اولا قبل الجواب
متى السفر التواريخ ؟؟ وهل حجزت التذاكر او بعد .. واذا حجزت وين البدايه والنهايه بالنسبه للمطارات ؟؟ وهل شوف تأجرون سياره او لا ؟؟
المحطات كثيره وجميله بين النمسا وسويسرا مثال انسبروك واقليم تايرول او بريغنز النمساويه او زيوريخ اذا كان المقصد انترلاكن من زيلامسي
بنتظارك

shahlaa
shahlaa
هلا اخوي ali
لا والله ما حجزت لاني ابغي يصير تخطيطي يصير مريح خاصه وانا معي اطفال وناس ملولين في السفر
وانشا الله ناوين نستاجر سيارة
بس انا مادري السيارة وسط فيينا وميونخ مريحه ولا المواقف مشكلة
وانا اتمنى ازور انترلاكن وما هي المدن التي في طريقي من زيلامسي او كابرون الي سويسرا وما هي المسافة بينها
واسفه على الاطالة وشكر لكل واحد رد علي

ALI_Q8_77
ALI_Q8_77
مساء الخير
ما اجبتني بارك الله فيك
متى السفر وكم يوم الرحله ؟؟
علشان اخبرك على باقي النقاط

shahlaa
shahlaa
بارك الله فيك اخويali
لسفر باذن الله راح يكون في الصيف الجاي بحدود 19يوم بس احب التخطيط المبكر لاني كانت لي سفرة فاشله ومتعبه
شكرا علي اهتمامك

ALI_Q8_77
ALI_Q8_77
هلا فيك في مخططين ممتازين وهم كالاتي
الوصول الى مطار ميونخ والجلوس بها 4 ليالي ثم زيلامسي 5 ليالي ثم اقليم تايرول الجميل ونختار ( انسبروك --- واذا شقق --- سي فيلد امرتفعه -- او بيرتساو على البحيره ) ليلتين ثم انترلاكن 4 ليالي ثم جنيف او ضواحيها 3 ليالي.. 18 ليله يعني 19 يوم جمعنا كل شيئ
المخطط الي بالاعلى على رغبتك مترابط وجميل .
المخطط الثاني لو الرحله اقل ايام يكون كالاتي
فينا 4 ليالي ثم سالزبورخ او ضواحيها 3 ليالي ثم كابرون 5 ليالي ثم ميونخ 4 ليالي .. 16 ليليه 17 يوم
تحياتي

shahlaa
shahlaa
هلا اخوي ali
المخطط الاول جميل بس لو تتكرم تعطيني المسافه بين زيلامسي واقليم تايرول و بين تايرول و انترلاكن
و هل متوفر فنادق معروفه في تلك المنطقة اقدر احجزها عن طريق بوكينج
و يعطيك العافية

Unique Man
Unique Man
140 كيلو
تقريبا ساعه و40 دقيقه


خصم يصل إلى 25%